- Преподавателю
- Химия
- Сабақ жоспары. Химиялық тепе-теңдік және оның ығысу шарттары. Ле-Шателье принципі
Сабақ жоспары. Химиялық тепе-теңдік және оның ығысу шарттары. Ле-Шателье принципі
Раздел | Химия |
Класс | - |
Тип | Конспекты |
Автор | Узакбергенов Б.А. |
Дата | 15.01.2015 |
Формат | docx |
Изображения | Нет |
Химиялық тепе-теңдік және оның ығысу шарттары.
Ле-Шателье принципі
Ұзақбергенов Бауыржан, Мұнайлы ауданы, №8 орта мектептің химия пәні мұғалімі
Сабақтың мақсаты:
Білімділік: химиялық тепе-теңдік туралы түсініктерді қалыптастыру, тепе-теңдіктің динамикалық сипатын көрсету және әртүрлі факторлардың
( концентрацияның, температураның және қысымның) химиялық тепе-теңдіктің ығысуына әсерін қарастыру,
Дамытушылық: Ле-Шателье принципін тұжырымдау. Есеп шығару дағдысын одан әрі жетілдіру.
Тәрбиелік: Ұйымшылдыққа, шапшаңдыққа тәрбиелеу.
Сабақтың көрнекілігі: Power Point презентациясы
Құрал-жабдықтар: Д.И.Менделеевтің ПЖ
Сабақтың барысы:
А)Ұйымдастыру бөлімі
Ә)Үй тапсырмасына шолу
- Катализ(өршіткі), катализдің түрлері
- Тежегіштер дегеніміз не?
- Катализдік реакциялар
- Адсорбция, адсорбат, промоторлар, катализдік улар, ферментерге қысқаша сипаттама беріңіздер.
Жаңа тақырыпты түсіндіру:
Тура және кері реакциялар бірдей жылдамдықпен жүрген жағдайда химиялық тепе-теңдік күйі орнайды.Тек қана бір бағытта жүретін және бастапқы әрекеттесуші соңғы заттарға толық айналуымен аяқталатын реакцияны қайтымсыз реакция деп атайды. Қайтымсыз реакцияға қыздырғанда (бертолле тұзы ) калий хлораты мысал бола алады.
2KCIO3 tº 2KCI + 3O2 ↑ →
Калий хлораты калий хлориді мен оттегіге толық айналғанда ғана реакция тоқтайды. Қайтымсыз реакциялар онша коп емес. Реакциялардың көбі қайтымды болады. Қайтымды реакциялар деп өзара қарама-қарсы екі бағытта да журетін реакцияларды айтады. Қайтымды реакция теңдеуінің оң және сол жақтарының арасына қарама-қарсы жаққа бағытталған екі стрелка қояды. Қайтымды реакцияға сутегімен азоттан аммиакты синтездеу мысал болады:
N2 + 3H2 2NH3 + Q ↔
Техникада қайтымды реакциялар, әдетте, тиімсіз. Сондықтан оларды әртүрлі әдістермен (қысымды, температураны, және т.б. өзгерте отырып) іс жүзінде қайтымсыз реакцияға айналдырады.
Қайтымсыз реакцияларға олар жүрген кезде.
-
алынған өнімнің біреуі реакция сферасынан бөлініп тұнба түрінде, газ күйінде ұшып кететін, мысалы:
BaCI2 + H2 SO4= BaSO4 ↓ + 2HCI
Na2CO3 + 2HCI = 2NaCI + CO2↑ + H2O
-
өте аз диссоцияланатын қосылыс түзілетін, мысалы су
HCI + Na OH = H2O + NaCI
-
реакция жүргенде өте көп жылу бөлініп шығатын, мәселен магнийдің жану реакциялары жатады.
2Mg + O2 = 2 Mg O, ∆H=+602,5 кДж/моль.
Қайтымды реакциялар теңдеуінің оң және сол бөлігінің отрасына тепе-теңдік белгісі немесе стрелка қойылады.
Химиялық тепе-теңдік
Қайтымды реакциялар аяғына дейін жүрмейді, олар химиялық тепе-теңдік туумен аяқталады. Мысалы, аммиякты сентездеу реакциясын қарастырайық:
N2 + 3 H2 2 NH3 + Q ↔
Әрекеттесуші массалар заңына сәйкес тура ( υ1) және кері (υ2)
υ 1= k1CN2 * C3H2
υ 2= k2 * C2 NH3
Ле Шателье принципі
Әрекеттесуші заттардың концентрациясы, температурасы және қысымы (газ күйіндегі реакцияға) өзгергенде химиялық тепе-теңдіктің ығысу бағыты жылжымалы тепе-теңдік приципі немесе Ле Шателье принципі деп те аталатын жалпы ережемен анықталады:
тепе-теңдік күйіндегі системаға сырттан әсер етсе (концентрация, температура, қысым өзгерсе), онда қарама-қарсы екі реакцияның ішінен әсерді азайтатынының жүруіне көмектеседі.
Мұны аммиакты синтездеу реакциясын мысалға ала отырып көрсетейік
N2 + 3 H2 2 NH3 + Q ↔
Егер сыртқы әсер сутегі немесе азот концентрациясын жоғарылатса, онда ол сол заттардың концентрациясын төмендететін реакцияның жүруіне көмек етеді, демек тепе-теңдік аммиактың түзілу бағытына қарай ығысады. Сол сияқты аммиактың концентрациясы көбейсе, онда тепе-теңдік алғашқы заттардың бағытына қарай ығысады.
Теңдеуден көрініп тұрғандай, тура реакция жүргенде жылу бөлінетіндіктен қоспаның температурасы артқан сайын жылу сіңіре жүретін реакцияға жағдай туады да тепе-теңдік бастапқы заттар бағытына қарай ығысады; температураны төмендетсе тепе-теңдік реакция өнімдері бағытына қарай ығысады. Тепе-теңдікке қысымның әсерін байқау үшін теңдеудің сол және оң жағындағы заттардың молекула санын есептеу керек. Келтірілген мысалда теңдеудің сол жағында 2 молекула, ал оң жағында 1 молекула бар. Қысым артқанда молекулалар санының кемуіне әкелетін процесс жүретіндіктен бұл жағдайда тепе-теңдік реакция өнімінің бағытына қарай ығысады.
Қайтымды реакция теңдеуінің оң және сол жағындағы молекулалар саны тең болса, мысалы
N2+O2 2 NO↔
онда қысымның өзгеруі химиялық тепе-теңдіктін ығысуын туғызбайды. Барлық катализаторлар тура және кері реакцияны бірдей шапшаңдатады, сондықтан тепе-теңдіктің ығысуына әсер етпейді, тек қана тепе-теңдікке тез жетуге жағдай туғызады.
Тепе-теңдікті қажет ететін бағытта Ле Шателье принципіне негізделген ығыстыру жолдарының химияда үлкен маңызы бар. Аммиякты синтездеу және басқа да көпдеген өндіріс процестері тепе-теңдікті алынатын заттардан мол өнім алуға мүмкіндік беретін бағытта ығыстыру әдістерінің арқасында игерілді. Көпдеген процестерде тепе-теңдікті реакция өнімдерінің бағытына қарай ығыстыру реакция сферасынан түзілетін заттарды шығарып алу арқылы іске асады.
Бекіту сұрақтары:
1. Қайтымды реакция дегеніміз не?
2. Қайтымсыз реакция дегеніміз не?
3. Химиялық тепе-теңдік дегеніміз не?
4. Химиялық тепе-теңдіктің ығысуна әсер ететін жағдайлар қандай?
5. Ле Шателье принципі
1-есеп. Қай фактордың (қысым, температура, катализатор) әсері:
CO2(Г)+C(Г) ↔2CO (Г) ∆Hº=159 кДж
Реакциясында орнаған тепе-теңдікті СО түзілуі жағына ығыстырады.
Шешуі:
Көміртек (ІІ) оксидінің (СО) түзілуі реакциясы эндротермиялық реакция екендігі оның энтальпиясының мәнінен көрініп тұр. Реакция нәтижесінде 1 моль газ тәрізді реагенттен 2 моль газ тарізді өнім түзіліп тұр.
Ле-Шателье-Браун принципі бойынша эндотермиялық реакция кезіне орнаған тепе-теңдік СО түзілуі жағына ығыстыру үшін температураны жоғарлату немесе қысымды төмендету керек.
2-есеп. Келесі реакция теңдеулерінің тепе-теңдік константаларының өрнектерін жазыңдар:
Шешуі:
Реакция теңдеуі
Тепе-теңдік константасы өрнегі
А
2SO2+O2←→2SO3
[SO3]2
К=--------------------
[SO2]2 * [O2]
N2+3H2 ↔ 2NH 3
[NH3]2
K=--------------------
[N2] * [H2]3
Na2CO3+H2O ↔ NaHCO3
+ Na OH
[NaHCO3] * [ Na OH ]
K=-------------------------------
[Na2CO3] * [H2O]
В
CaCO3(қ) ↔ CaO(қ) + СО2(г)
K=[CO2]
3-есеп. Егер белгілі бір температурада бастапқы алынған 5 моль СО мен 4 моль С12 әрекеттесу нәтижесінде 1,5 моль СОС12 түзілген болса, онда:
СО(r)+CL 2(r) ↔ COCI2
Процесінің тепе-теңдік константасы қандай болған?
Шешуі:
Химиялық реакция теңдеуі бойынша пропорциялар құрып, реагенттердің реакцияға түскен және артылып қалған мөлшерлерін, сонымен қатар түзілген өнімнің зат мөлшерін тауып, төмегі кестені толтырамыз:
СО(r)
моль
+
Сl2(r)
моль
↔
СОСl2
моль
Бастапқысы
5
+
4
↔
-
Әрекеттескені
1,5
+
1,5
↔
1,5
Қалғаны
3,5
2,5
1,5
Тепе-теңдік коныстантасы:
к тура [СОCl2 ] 1.5 моль/л
K= ------------- = --------------- = ------------------------------ =0.17( моль/л)-1
K кері [CO]*[Cl2] 3.5 моль/л * 2.5 моль/л
4-есеп. Егер реакцияның температуралық коэффициенті үшке тең болса ᵞ=3, температураны 150º С-дан 200ºС-ға көтерілгенде, реакцияның жылдамдығы қанша есе артады?
Шешуі:
υТ2 (Т2-Т1) (200-150)
--------- = ᵞ ---------- =3 --------------- =35 =243 есе
υТ1 1010
5-есеп. Егер А затының бастапқы концентрациясы 0,22 моль/л,
ал 10 секундтан кейін 0,215 моль/л болса, А+В=2С реакциясының орташа жылдамдығы қандай екенін есептеңіздер. Осы уақытта В заттының концентрациясы қалай өзгерді?
( 0,22-0,215) 0,005
Шешуі: υ(А) = ---------------- = ------------ = 0,0005 моль/л*с.
10 10
Реакция теңдеуі бойынша В затының коцентрациясының өзгерісі А затының концентрациясының өзгерісіне тең.
Бағалау.
Үйге тапсырма: § 4.4; 4.5 оқып білу. 1-4 жаттығуларды орындау.