География 7 сынып. Сабақтың тақырыбы: Аустралияның жер бедері мен пайдалы қазбалары

Қазақстан Республикасы білім және ғылым министірлігі

Шұбарсу жалпы орта мектебі мемлекеттік мекемесі

Ашық сабақ

Тақырыбы: «Аустралияның жер бедері мен пайдалы қазбалары»

Сыныбы: 7 «Д»

Пәні : География

Пән мұғалімі :Сарсенова Шарипа

2014-2015 оқу жылы

Сабақтың тақырыбы : Жер бедері мен пайдалы қазбалары .

Сабақтың мақсаты : Аустралия материгінің жер бедері туралы түсінік беру . Картамен жұмыс істеу шеберлігін арттыру . Өз бетімен оқуын ұйымдастыру .

Сабақтың түрі : Өткен материалды бекіту , жаңа сабақты игеру .

Сабақтың көрнекілігі : Гимн (Қазақстан және Аустралия) , видеоролик ,фотослайд, дүниежүзінің физикалық картасы , глобус .

Сабақтың барысы :

1 Ұйымдастыру кезеңі

А) Сабаққа оқушылардың қатысуын тексеру

Ә) Көңіл - күйлерін анықтау,топтарға бөлу

Б)Гимн «Қазақстан мен Аустралия»

II Үй тапсырмасын тексеру

1 « Менің білетін деректерім »

III Жаңа сабақ

1 «Менің мұны білгенім жөн»

2 «Астана фотослайд және видеоролик Аустралия»

Аустралия ең кішкентай материк , көлемі 7,7 млн км . Егер кімде - кім Аустралия материкгін айналып шыққысы келсе , оған бар - жоғы жарты жыл ғана уақыт кетеді . Ал Евразияны айналып шығу үшін 25 жыл уақыт кетер еді . Аустралия қойдың саны , қырқылған жүнін өткізуден дүние жүзінде 1 орын алады . Материкті 1606 жылы голланд теңізшісі В . Янсзон ашқан .Ол материкті жаңа Голлондия деп атаған . Птолемей картасы мен орта ғасырлық карталарда Аустралия үлкен белгісіз Оңтүстік жер деп аталған . Өзінің атауын ол XIX ғ (1814 жыл) алды .

Аустралия ертедегі геологиялық кезеңдерде құрлықтан алыс жатқан ең жалғыз материк. Ерте бөлініп кетуі материкте жануарлар мен өсімдіктер дүниесінің сақталып қалуына септігін тигізген. Тынық мұхит жағалауы қозғалмалы тынымсыз аймақ болғандықтан материк бірнеше рет тұтастай көтеріліп , төмен түсіп , майысуларға ұшыраған . Соның әсерінен Жаңа Гвинея аралының оңтүстігіндегі бөлігі мен Тасмания аралы бөлініп , бұғаздар мен шығанақтар пайда болған . Жерінің 5 % тауларға , 2,5 - ін шөлдерге , 5,5 % - орман алып жатыр . Ежелгі платформалық құрылым болғандықтан кен байлықтары , әсіресе боксит , қорғасын , мырыш , темір , никель , уран кендерінің мол қоры бар . Дүние жүзінде бокситтің қоры жөнінен 1 орында , темір , никел , алтын , қалайы қор жөнінен алдынғы орында . Теңіз қайрандарынан мұнай , Батыс Аустралияда кен орындары ашылды . Аустралияда дүние жүзіндегі уранның 1/ 3 шоғырланған (Солтүстік Батыс , Оңтүстік Аустралияда ) Көмір өндіруден дүние жүзінде алтыншы орында , ал оны сыртқы шығарудан 1 орында . Қазақстанмен сауда және қызмет көрсету үлесі 14 млн доллордан асады .

3 Мәтінмен жұмыс: Оқушылар топарға бөлініп, оқулықтағы мәтіндер бөлініп беріледі.Берілген тапсырмаларын топ арасында орындап, Аустралияның жер бедері туралы түсініп, картадан тауларын,ең биік шыңын,су айырық жотасын, шөлдерін, өзен-көлдерін табады.Ерекшеліктеріне тоқталады.

Айналмалы бекеттер әдісі арқылы өздерінің идеясына сүйіне отырып , мәтінді толық менгеруін көздейді .

4 Картамен жұмыс . Үлкен су айрық жотасы , Косцюшка тауы , пайдалы қазбаларын , материктің жағалауын , аралдарды көрсету

5 Құндылықтар спекторы : Жаңа тақырып бойынша меңгерген құнды білімдері мен пікірлерін айту

Сабақты қортындылау : Аустралия дүние жүзінде дамыған мемлекеттер қатарындағы мемлекет. Оны Ұлыбритания королевасы басқарады.Жанартауы жоқ бірден-бір материк.Қалталы жануарлары сақталған ,өзіне тән ерекшеліктері бар, түгелдей оңтүстік жарты шарда орналасқан материк.

Бағалау : Оқушылар өз-өздерін, бір-бірін, топты бағалайды

Үйге тапсырма : Аустралия және мұхиттық аралдар жайында қызықты мағлұматтар жинақтау .