7сынып географиядан сабақ жоспары Еуразияның жер бедері

Бекітемін

Сынып: 7 А

Күні:

Тақырыбы: Жер бедерінің негізгі пішіндері және пайдалы қазбалардың кен орындарының орналасуы.

Білімділік мақсаты - Құрлықтың жер бедері туралы бұрынғы алған теориялық білімдері негізінде Еуразияның жер бедерінің ерекшеліктерін ашу, материктің пайдалы қазбалары мен олардың орналасу заңдылықтарымен таныстыру.

Дамытушылық мақсаты - жалпы табиғат туралы оқушылардың көзқарастарын дамыту, өз ойын қорытуға үйретіп, танымдық қызығушылығын арттыру.

Тәрбиелік мақсаты - оқушыларды еңбекқорлыққа тәрбиелеу, адамгершілік қасиеті мен географиялық мәдениетін қалыптастыру.

Сабақ нәтижесі: Өз ойын қорыта алады. Жер бедерінің негізгі пішіндерін анықтай алады.

Жер бедерінің геологиялық, тектоникалық құрылымы және пайдалы қазбалары арасындағы байланысын логикалық схема арқылы көрсете алады.. Интерактивті тақтамен жұмыс жасайды. Нені түсінгенін, нені үйренгенін анықтай алады,өзгені де өзін де бағалай алды.

Сабақтағы жұмыс түрі: топтық жұмыс, жеке жұмыс, жұптық жұмыс.

Қолданылатын әдіс- тәсілдер: «Алты қалпақ» белсенді оқыту стратегиясы, «Гармошка»

Лекция-парадокс, диалогтік оқыту.

Ресурстар, құрал-жабдықтар: 7 сынып оқулығы, 7 сынып атласы, әдістемелік нұсқаулық, хрестоматия 7 сынып,жарты шарлардың физикалық картасы, таныстырылым, доп.

І кезең - ұйымдастыру (2 мин)

ІІ кезең - үй тапсырмасын тексеру (10 мин)

ІІІ кезең - негізгі бөлім (20 мин)

ІV кезең - білім мен икемділіктерін бекіту (5 мин)

V кезең - бағалау кезеңі (2 мин)

VІ кезең - қорытынды (2 мин)

Сабақ барысы:

Кезең

Мұғалім әрекеті

Оқушылар әрекеті

І

Мұғалім оқушылармен амандасып, ынтымақтастық атмосферасын сергіту сәті арқылы орнатады. Сосын оқушылардың сабаққа дайындығын тексереді. Бүгінгі сабақ тақырыбын айтып, мақсатын диалог арқылы оқушылармен бірігіп қояды.

Сәлемдеседі, сергіту сәтін жасайды да, сабаққа даяр отырады. Сұрақтарға жауап беріп, сабақ мақсатын құрады.

ІІ

Мұғалім үй тапсырмасын «Гармошка» әдісі арқылы тексереді. Бағалауға критерий береді.

Оқушылар мұғалімнің айтқан іс-әрекеттерін жасайды. Ақ парақ қағазды гармошка ретінде бүктеп, әр сатысына өткен тақырып бойынша сұрақтар жазып, араластырып, бір- бірінің сұрақтарына жауап береді. Критерий бойынша оқушылар өздерін бағалайды

ІІІ

Жеке жұмыс

Жаңа тақырыпты бастамас бұрын алдыңғы сабақтарда жер қыртысының бөліктері туралы естеріне интерактивті карта арқылы түсіреді.

Оқушыларды түрлі түстермен 3 топқа бөледі. Содан соң Еуразияның жер бедері алуан түрлі екенін айтып, орташа биіктігі 840 м, жартысынан астамы таулар, ең биік шыңы Джомолунгма (8848м) мен ең төмен нүктесін Өлі теңіз (-403м) айтады. Материктің негізін құрайтын Еуразия тақтасы әр түрлі жастағы құрылымдарынан тұрады (Шығыс Еуропа, Сібір, Қытай-Корей, Оңтүстік Қытай платформалар). Оңтүстігінде өте күшті тау жасалу жүрді (Кавказ таулары, Армян және Иран таулы қыраты, Памир, Тибет таулы қыраты, Гималай таулары). Еуразия арқылы д.ж-де аса ірі екі сейсмикалық белдеу өтеді (Альпі-Гималай белдеуі, Тынық мұхиттық геосинклинальді белдеу). Еуразияда ең биік жанартау - Ключи шоқысы (4750м).

Сосын балаларға талданған тақырып бойынша алдын-ала қателер енгізілген мәтін беріледі.

«Шапалақ» әдісі арқылы оқушылардың тақырыпты түсінгенін не түсінбегенін анықтайды.

Де Бононың «Алты қалпағы». Оқушыларға түрлі түсті алты қалпақ ұсынады. Әр түстің тарапынан оқушылардың жер бедерінің, өзгерісі, дамуы туралы пікірін сұрайды.

Жұптық жұмыс. Оқушыларды жұптарға бөледі. Ол үшін түрлі түсті қағаздардың артындағы сандардың жұптарын тауып алады.

Келесі пайдалы қазбалары тақырыпшасын «Қызықты интервью» түрінде өткізеді.

Оқушылар мұғалімді тыңдап,интерактивті тақтада жер қыртысының қабықтарын рет-ретімен орналастырады.

Оқушылар топқа бөлінеді. Мұғаліммен бірге тақырыпты талдайды.

Сосын балалар өз топтарында мәтіндегі қателерді анықтайды.

Оқушылар:

бір шапалақ - түсіндім;

екі шапалақ жартылай- түсіндім;

үш шапалақ- түсінбедім;

деген әдіспен түсінген- түсінбегенін көрсетеді.

Оқушылар алты қалпақты 1 топтан екеуі таңдап алады да, қалпақтың түсіне сай өз ой-пікірлерін айтады.

Оқушылар өз бөліктерін тауып жұптарға бөлінеді.

ІV

Тақырыпты бекіту үшін балаларға келесі тапсырманы береді:

1. Кестені толтырыңдар.

Магмалық пайдалы қазбалар

Шөгінді пайдалы қазбалар

Пайда болу жолы

Шоғырланған жері

Таралған аймақтары

Пайдалы қазба түрлері

2. Кескін картаға Еуразия аумағындағы ежелгі платформаларды және оларға сәйкес келетін ірі жазықтарды, геосинклиналдық белдеулер мен олардағы тау жоталарының жату бағыттарын белгілеп, аттарын жазыңдар.

Тақырыпты бекіту үшін балалар тапсырмаларды орындайды.

V

Мұғалім оқушыларды жауап беру деңгейлері бойынша бағалайды және неге солай бағалағанын айтады.

Мұғалімді тыңдап, бағаланады.

VІ

Жалпы сабақтың кемшіліктері мен жетістіктерін айтады. Оқушыларды үзіліске жібереді.

Үзіліске шығады.