Разработка урока по естествознанию в 5 казахском классе на тему ДЖ. Су айналым. Мұхит

Өткізген: Сарқытбаев Ержан Алпысбайұлы

Ақтөбе облысы Мұғалжар ауданы

Ембі қалалық №2 орта мектебінің

география пәні мұғалімі

Пәні: Жаратылыстану

Класы: 5

Тақырыбы: ДЖ. Су айналым. Мұхит

Мақсаты:

Білімділік: Оқушылардың Гидросфера-Жердің су қабығы екендігі туралы түсіктерін қалыптастыру.

Дамытушылық: «Сусыз тіршілік жоқ» екендігін айта отырып, судың табиғаттағы, адам өміріндегі маңызы туралы оқушылардың ойлау қабілеттерін дамыту.

Тәрбиелік:Суды үнемдеуге, қорғауға, таза сақтауға, әртүрлі ластанулардың алдын алуға тәрбиелеу.

Сабақ түрі: Жаңа сабақ

Сабақтың жоспары: 1 кезең-ұйымдастыру. 4 кезең-үйге тапсырма беру

2 кезең- жаңа тақырыпты меңгерту. 5 кезең- бағалау

3 кезең- бекіту 6 кезең- қорытынды

Сабақ барысы:

Кезең

Мұғалім әрекеті

Оқушылар әрекеті

1

Оқушыларды тыныштыққа шақырады.

Тәртіпке келеді.

2

Сабақтың келесі кезеңінде гидросфера сөзіне түсінік беріледі. Оның бөліктерін оқушыларға түсіндіріп картадан көрсетеді. Мұхит және теңіз суларының қасиеттерімен оқушыларды таныстыру.

«Арасан» сөзін оқушыларға түсіндіреді. Қазақстанның емдік қасиеті бар санаторилерінің маңызын айту.

Жаңа тақырыпты дәптерлеріне жазады. Мұғалімді тыңдайды керек жерлерін дәптерге қысқаша жазып алады.

3

Тақырыпты бекіту үшін оқушыларға мұғалім 3 минут уақыт беріп параграфты оқытады. Сосын карточка таратылады.

Оқушылар тақырыпты оқиды. Карточка сұрақтарына жауап береді.

4

Үй жұмысы: §19 оқып мазмұндау . Кескін картаға мұхиттар мен ірі теңіздерді түсіру.

Оқушылар үй жұмысын күнделіктеріне жазып алады, түсінбеген жерлерін сұрайды.

5

Мұғалім оқушыларды жауап беру деңгейіне байланысты бағалайды.

Мұғалімді тыңдап, бағаланады. Күнделіктеріне баға қойғызады.

6.

Жалпы сабақтың кемшіліктері мен жетістіктеріне тоқталады.

Қоштасады.

Қоштасады.

Тақырыбы: Ауыз суды тазалау, Судың маңызы

Мақсаты:

Білімділік: Су- ерекше қайталанбас зат екенін әңгімелесу арқылы түсіндіру.

Дамытушылық: Судың пайдасын, қорғау туралы түсініктерін қалыптастыру, тәжірибе келтіру арқылы ой-іскерліктерін дамыту.

Тәрбиелік: Пәнге деген қызығушылықтарын арттыру. Суды қорғауға тәрбиелеу.

Сабақ барысы:

1. Үй тапсырмасын тексеру.

2. Жаңа тақырыпты түсіндіру.

3. Сабақты бекіу.

4. Үй тапсырмасын беру.

Үй жұмысын сұрақ-жауап арқылы тексеру.

1.Табиғаттағы су айналуы қалай болады?

2.Су табиғатта қандай күйде болады?

3.Таудағы мұздықтар неден түзіледі?

4.Судың ел шаруашылығында, өнеркәсіпте, ауыл шаруышылығында, көлікте қандай маңызы бар?

Жаңа тақырыпты түсіндіру:

1. Адамдардың суды пайдалануы.

2. Су-ерекше қайталанбас зат.

3. Суды қорғау.

Тұщы таза су баға жетпес байлық. Жер жүзіндегі барлық тіршілік суға байланысты. Сусыз тіршілік жоқ. Себебі жер шарындағы барлық судың 2% ғана тұщы, ал қалған 88 пайызы ащы су. Дүние жүзінде тұщы суды пайдалану жыл сайын өсіп келеді. Тұщы суды тек адамдар ішу үшін ғана пайдаланады, егін суаруда, мал шаруашылығында, өндірістің әртүрлі салаларында пайдаланылады. Сумен жуынамыз.

Тұрғын үйлерде, қоғамдық ғимараттарда, көшелерде тазалық сақтау үшін де су қажет.

Адам су жолдарымен қайықтар, теплоходтарға мініп сапарға шығады, азық-түлік, ағаш және машиналарды тасымалдайды. Ата-бабамыз ұлттық дәстүрімізде суды қадірлеу, суды ластамау, суды сабамау, былғамау туралы өсиет сөздерді көп айтқан. Балаларға ата-анасы «Суды сабама-балығын шошытасың», «бұлақты майлама-құсын кетіресің», деп өсиет айтқан. Суды таза ұстау-оны қорғау деген сөз. Қазіргі дүние жүзіндегі халықты тұщы сумен қамтамасыз ету, табиғи тұщы су көздерін таза ұстау, оны ластамау, тиімді пайдалану бүкіл халықтық мәселеге айналып отыр.

Бекіту кезеңі:

1.Су табиғатта қандай күйде кездеседі?

2.Сұйық, қатты және газ күйіндегі судың қасиеттерін салыстырыңдар?

3.Судың көлемі қыздырғанда және салқындатқанда қалай өзгереді?

4. Қыста су өсімдіктері мен жануарлардың тіршілігін сақтауда мұздың қандай 5.қасиеттері септігін тигізеді?

6.Суда еритін бірнеше заттарды атаңдар. Олардың суда еритінін немен дәлелдейсіңдер?

7.Суда ерімейтін заттарды атаңдар?

8.Суды неліктен және қалай қорғайды?

Үй тапсырмасы:§20 оқу, сұрақтарға жауап беру.