Географическая игра Знаю. Могу. Умею (7 класс)

Арча районы Түбән Мәтәскә урта мәктәбе

ГЕОГРАФИК УЕН

Б Е Л Ә М.

Э Ш Л И М .

Б У Л Д Ы Р А М.

Укытучы: Гаффарова Д.В.

Март, 2006.

Уенга әзерлек

Укытучы башта балаларны 6 командага бүлә, аннары 3 төркем сораулар һәм биремнәр әзерли. Төркемнәр:

1. 6нчы класста үтелгән материалларны;

2. Белемне;

3. Эшләү күнекмәләрен тикшерү.

6 нчы класста үтелгән материалларны тикшерү буенча

сорау һәм биремнәр:

1. География нәрсәне өйрәнә.

2. Физик картадан нинди белемнәр алырга мөмкин.

3. Нәрсә ул атмосфера? литосфера? гидросфера?

4. Антарктиданы кем һәм кайчан ачкан?

5. Иң каты минерал.

6. Материклар нинди эзлеклелектә ачылган?

Белемнәрне тикшерү өчен сорау һәм биремнәр:

1. Нуленче меридиан кисеп үткән материкларны атагыз.

2. Материкларны мәйданнары үсә бару тәртибендә атагыз.

3. Җир өслегендә иң биек һәм иң түбән нокталарны картадан күрсәтегез.

4. Ф. Магелланның экспедиия маршрутын картадан күрсәтегез.

5. Экватор нинди океаннарны кисеп үтә?

6. Океаннарны мәйданнары кими бару тәртибендә атагыз.

Эшләү күнекмәләрен тикшерү өчен сорау һәм биремнәр:

1. Тау токымнары коллекциясеннән гранитны сайлап алыгыз.

2. Үзегез яши торган торак пунктның географик координаталарын билгеләгез.

3. Нуленче меридиан буенча Африка төньяктан көньякка ничә километр сузылган.

4. Дөньяның сәяси картасындагы шартлы билгеләрне аңлатырга.

5. Амазонка елгасына тасвирлама.

6. Экватор буенча Көньяк Америка көнбатыштан көнчыгышка ничә километр сузылган.

Барлык бирем һәм сораулар карточкаларга языла, рулетка ясала:

Уен барышы:

Җирәбә үткәрелә һәм һәр команда үзенең өстәленә утыра. Беренче команда уенчылары рулетканы әйләндереп, үзләренә сорау алалар. "Беләм" секторындагы сорауларга әзерләнү өчен 1 минут, "Булдырам" секторындагы сорауларга әзерләнү өчен 3 минут вакыт бирелә, ә "Эшлим" секторындагы сорауларга әзерләнү өчен вакыт бирелми.

Дөрес җавап биргән командага 3 балл куела. Әгәр команда җавап бирә алмаса, икенче команда җавап бирә һәм аңа 1 балл куела. Уен сорау һәм биремнәр беткәнче дәвам итә.

Уенны йомгаклау:

Иң күп балл җыйган команда җиңүче итеп билгеләнә.