Фестиваль Владикавказ - город интернациональный

Хъысмæт! Мах бузныг стæм дæуæй, кæй фæзындыстæм дунемæ иронæй.

Алы адæймаг дæр хъуамæ уарза æппæты фыццаг йæ адæмы, йæхи гыццыл Фыдыбæсты, риса йæ рисæй, тыхса йын йæ рæсугъддзинадыл, йæ фидæныл. Æмæ уыимæ уарза иннæ адæмты дæр.

О, мах уарзæм æмæ сæрыстыр стæм нæ адæмæй, æппæт дунейæн чи радта дæсны антикон философ Анахарсисы! Æнæбасæтгæ астæуёнусы хъайтар-æфсадфæтæг - Цæразон Давид- Сосланы!

Æппæт дунейыл йæ ном хъуыстгонд кæмæн у уыцы генион поэт Хетæгкаты Къостайы. Зындгонд нырыккон æвзагзонынады ахуыргонд Абайты Васойы.

Граждайнаг хæсты герой Дзæрæхохты Хадзымураты. Хъуыстгонд æфсæддон разамонджытæ Плиты Иссæ, Мамсыраты Хадзы-Мурат æмæ Хетæгкаты Георгийы. Арктикон джигит Кучиты Юрийы.

Фыццаг бæхылбадджыты цирк саразæг Хъантемыраты Алыбеджы .

Æмбал кæмæн нæй уыцы Отелло - Тæбæхсæуты Балойы. Æппæт дунейы фыццаг сылгоймаг дерижер Дудараты Вероникæйы. Стыр театры зындгонд балеринæ Адырхаты Светланæйы.

Нæ хъæбысæйхацджытæ, гимнасткæтæ, армæйхæцджытæ, футболисттæ æмæ ма бирæ æндæртæй. Се 'ппæтæн нымайæн дæр нæй.

О, мах сæрыстыр стæм нæ адæмæй, стыр зындзинæдтæ фенгæйæ махæн нæ рæсугъд хъæздыг алайнаг æвзаг чи бахъахъхъæдта. О, мах сæрыстыр стæм зындгонд цыртдзæвæн Нарты кадджытæ саразæгæй. О, мах сæрыстыр стæм, ирон кæй хуыйнæм уымæй, нæ райгуырæн та кæй у Ирыстон!

Хъысмæт! Мах бузныг стæм дæуæй, кæй фæзындыстæм дунемæ иронæй.

Кафт.

Мæ Иры зæхх,

Дæ тугдадзин нæ сысы

Уым не 'нцайы Аланты 'хсидгæ туг,

Йæ уынæр мæм фæндыры цагъдау хъуысы

Аланты тугæй иу æртах - мæ уд.

Ирыстон!

Дæ сагъæсæй æз фаг хайджын куы нæ уон

Дæ фыдгулæн мæ зонгыл куы 'рлæууон,

Дæ тохы бон куы нæ стъæлфон æхст фатау,

Уæд нал уыдзæн бæрæг мæ сæр, мæ фидæн.

Дæ бон мын хорз уа, Райгуырæн Ирыстон!

Мæ хæххон бæстæ, дидинæгджын хъæу!

Дæ номыл абон а зарæг ныффыстон

Ныббар мын, кæд дæу аккаг зарæг нæу.

Дефиле

Дæуæн Ирыстон, у нывонд мæ хъуыды,

Мæ бон æнæ дæу иу сулæфт дæр нæу.

Хъæбул куыд у æнæрхъæцгæ йæ мадыл,

Сыгъдæг зæрдæйæ афтæ уарзын дæу.

Мæ чысыл Ир! Æз дæр дæ фырт дæн

Æдæрсгæ сдзурын мæ фæнды

Мæ рухс бæллицттмæ фæзындтæн

Ирон куыстдзагъд лæджы кæрты.

Æз хæрзтæй равзарстон лæгдзинад,

Фæнды мæ самонын хъæрæй

Фыдæлты зард, сæ ныфс - Зæрин саг

Мæй сагты урс хæхты сæрæй!

Макуы дын уæд, о мæ Ир, фæкæлæн,

Тæх æнусты хурæмдзу цæргæсау!

Дарын дæу, мæ бон, мæ хъуыры 'гънæгæн,

Зæрдæмæ дæ фæндæй рухс ныххæсы.

О, тæхуды, æз дæуыл куы 'ххæссин

Мадау дæ мæ хъæбысы фæдарин.

Сценка НОГБОН

1.Баба, нæ фæрæт æрбадавтон Дзамболатитæй.

-Тынг хорз, лæппу, бахъуыды кæн, ногбоны æхсæв, цалынма хур нæма æрныгъуылд, уæдмæ хæдзары дзаумæттæй хъуамæ æддæ мацы уа.

-Баба, цы къодах арбахаста. Уый та цы амоны?

-Нæ уырнынадмæ гæсгæ, адæм æнхъæлынц, зæгъгæ, Ногбонты уæларвæй æртæхынц дауджытæ, цæмæй адæмæн æрхæссой амонд æмæ æнæниздзинад, бæркад æмæ цин. Ноджы ма Ногбоны-иу хæдзары арт æнæмæнг хъуамæ сног кёнай. Ног сугтæй конд арт хъуамæ судза æхсæвæй бонмæ, уымæн æмæ, ахæм, ног скæнгæ арт бинонтæн хæссы цард æмæ амонд. (Прыгает через него)

- Нана, ай та цавар диссаджы чъири у? Æнахуыр стыр æмæ дзаджджын. Гыцци, цауыннæ дзуры нана мемæ?

- Уый та, мæ къона, Ногбоны чъири у, Æртхурон. Æртхурон кæнгæйæ сылгоймагæн искæимæ дзурын нæ фæтчы. Уыцы чъирийы мидæг сæвæрынц бирæ цыхт, фиу æмæ уымён тынг дзаджджын вæййы. Æртхуронæй хъуамæ алы бинойнагæн дæр йæ хай уа. Ногбоны ёхсёв бинонтæй исчи хæдзары куы нæ уа, уæддæр ын йæ хай ныууадзынц æмæ йæ, куы æрбацæуы, уæд бахæры. Æртхуронæй искæй бинойнагæн дæттын нæ фæтчы, æрмæстдæр æй хи бинонтæ хъуамæ бахæрой. Куы йæ сцæттæ кæнынц, уæд æй скувынц æндæр æртæ чъириимæ. Ноджы скæнынц Сафайы æртæ чъирийы, Сæрызæды æртæ чъирийы, Бынатыхицауы æртæ чъирийы, къутуйы æртæ чъирийы, хъомты æртæ чъирийы,. цæмæй, кæй ранымадтон, уыдонæй алчи дæр хæдзарæн ног сæры ног хæрзтæ ракæна æмæ бинонтæ афæдзы дæргъы æдыхстæй алцы хъуыддаг дæр бакæной.

Хистæры куывд.

- Хуыцау, табу Дæуæн!

Хуыцау, ахъаз бакæн!

Хуыцау, Дæ быны хорзæй, дзæбæхæй цы ис,

Уымæй нын Дæ цæст бауарзæд.

Фыдбылызæй нæ бахъахъхъæ.

- Оммен, Хуыцау!

- Хуыцау, Дæхи хорзæх дæр æмæ нын Де сконд зæдты хорзæх дæр саккаг кæн.

- Оммен, Хуыцау!

- Уæларвон Басыл, дæ дуг, дæ рæстæг у,

Ног азы хæрзтæ уаргæ рацæудзынæ,

Хуыздæр хай æмæ хуыздæр амонд кæмæн бахай кæнай,

Уый æмбал мах дæр фæкæ.

- Оммен, Хуыцау!

- Нæ фыдбылызтæ, нæ зындзинæдтæ

Зæронд азы фесæфæнт.

- Оммен, Хуыцау!

Ног азы ног хæрзтæ, ног амæндтæ,

Хуыцау, Ды саккаг кæн,

Алкæддæр дын Дæ ном дзæбæхæй куыд арæм.

- Оммен, Хуыцау!

- Бирæ кувынæй бирæ хæрзтæ хуыздæр сты,

Æмæ нын бирæ хæрзтæ балæвар кæн.

- Оммен, Хуыцау!

Æрбацæуынц хæдзаронтæ.

1. Хæдзаронтæ, хæдзаронтæ,

Уæ райсом хорз уа!

Уæ алы аз уыл хорзæй цæуа,

Уæ сæдæ фидæн хуыздæр уа!

2. Уæ лæг саг амара,

Уæ ус тыр ныййара,

Уæ фос цот ракæной!

Уæ хуымтæ æфсир æфтауой!

3. Уе 'фсин басыл скæна!

Уæ басылы къух мæн фæуа!

Уæлæ хъæды хъæдау,

мæнæ не 'фсин рæдау.

Бур гал къæлæсы,

уæртæ не 'фсин къуыммæ фæлæсы!

4. Уæ басилтæ, басилтæ, фæууæмæцæуæн!

Кæд нæ нæ хезетæ, нæ уæмæ цæуæн!

Уæ басилтæ, басилтæ!

Хуарз басилтæ, гъой, гъой!

Гъой уе фсини лæхъуæн фæууа!

Гъой уæ хецау саг рамара!

Махæн басийлаг раттайтæ, раттайтæ!

Цъæх авгидзаг цъæх арахъ, цъæх арахъ!

Сау гъосини сау бæгæни, сау бæгæни!

Цæхцæхгæнгæ цæхгун фарс, цæхгун фарс!

Не ртæ къерей, не ртæ къерей -

Радæттетæ, радæттетæ!

Цæлæнбуд осæн цубур чирт къахетæ!

Чъифтæ бухтæ ибæл калетæ!

Рæсугъд кизгутти хæццæ нæ кафун кæнетæ!

Иууылдæр рацæуынц.

Æрбацæуынц нæлгоймæгтæ топпæй æхсгæйæ.

Ацы топпы гæрæхтæ куыд фесæфдзысты, афтæ нæ фыдбылызтæ дæр фесæфæнт. Фæндараст у, зæронд аз, ахæсс демæ, фыдæй дæм цы уыд, уыдон. Ног аз, ды та æгас цу! Ног цардамонд нын æрхæсс рæдауæй. Бахиз нын нæ сабиты, нæ фосы, нæ тыллæг.

Сылгоймæгтæ хъæмпимæ бацæуынц хæдзармæ.
Ам цал хæтæлы ис, уал азы ныл æгасæй цæуæд..

Фидæнæй фидæн хуыздæр куыд кæнæм.

Хъæлдзæг азтæ ныл цæуæд».

Зарæг «Æртхурон»

1. Мæ Райгуырæн бæстæ, уæлахиз, æндон!
Дæ сæрвæлтау ратдзæн мæ уд!
Сæрбæрзондæй дзурын: «Æз дæн ИРОН!»
Нæ адæм, фæрнæйдзаг мын ут!

Мах стæм Ирыстоны фæсивæд,
Мах цæрæм нæ фыдæлты зæххыл!
Уарзон бæстæ 'нустæм хурау 'рттивæд
Хæдбар æмæ сæрибарæй æрвыл!

2. 3О, Хуыцау! Фылдёр тых ратт нæ Ирæн,
Цы фидар кæна не уæнгты хъару,
Мах фæнды æдас, мæ райдзаст фидæн,
Стыр Хуыцау, æххуыссгæнæг нын у!

Цæй, нæ рæсугъд фидæнмæ, æмгæрттæ,
Иумæйагæй самайæм фæндаг!
Ма фесафæм рагфыдæлты 'гъдæуттæ,
Ирыстоныл ма фæтых уæд знаг!

3. Пускай сияет вечно солнце
в горах Осетии моей,
Пускай беда обходит горца,
а горы радуют детей.

Пускай Осетия не знает
ни войн,ни боли. ни тревог
и каждый раз бог вспоминает
великий,маленький народ.

4. Осетия. я в горы твои верю
и в наш великий маленький народ.
Я пред тобой теряюсь и робею
-люблю тебя осетия до слёз.

Могучих скал мне не понять величья,
а гор твоих вовек не покорить,
какая честь в Осетии родиться
какая ж честь Осетию любить

5.Любовью к женщине и чести
народ наш славился всегда
и не терпел он подлой лести
и трусом не был никогда.

Народ наш мудр, смирен и краток
хоть мал, но всё же и велик
народ наш прост и дружелюбен,
как добрый ласковый старик.

Симд.