- Преподавателю
- Физкультура
- BƏ Qabiliyyetinin inkisaf etdirilmesi
BƏ Qabiliyyetinin inkisaf etdirilmesi
Раздел | Физкультура |
Класс | - |
Тип | Конспекты |
Автор | Гусейнов Г.А. |
Дата | 26.12.2014 |
Формат | docx |
Изображения | Есть |
Dərs
MÖVZU: Gövdənin və ətraf əzələlərinin inkişaf etdirilməsi.
STANDARTLAR:
1.3.4. Ayrı-ayrı fiziki keyfiyyətlərin inkişafı üçün zəruri hərəkətləri sadalayir.
2.1.3. İdman növlərinin ( atletika , gimnastika, futbol ) hərəkətlərinin icrasinda ardicilliq və səlistlik nümayiş etdirir.
2.2.2.Müvafiq qaydalara əməl etməklə müxtəlif idman növlərinin ( atletika , gimnastika, futbol ) elementlərindən ibarət mütəhərrik oyunlarda iştirak edir.
2.2.3. Oyun zamanı müvafiq təhlükəsizlik və özünümühafizə qaydalarına əməl edir .
3.1.1 Amplitudalı hərəkətlərin icrasi zaman elastiklik .
4.1.1. hərəkətlərin icrasi prosesində məqsədyönlülük və mübarizlik nümayiş etdirir.
MƏQSƏD: Bədənin əyilmə qabiliyyətinin inkişaf etdirilməsi.
DƏRSİN VƏZİFƏLƏRİ:
-
Gövdə və ətraf əzələlər haqqında məlumat verir;
-
Əzələlərin elastikliyinin inkişaf etdirən hərəkətləri,onlarin icra ardicilliğini müəyyən edir və icrasina şərait yaradir;
-
Şagird fəaliyyətini qiymətləndirir.
FƏNDAXİLİ İNTEQRASİYA : 1.3. , 2.1., 2.2., 3.1., 4.1.
İŞ FORMASI : frontal, fərdi, qoşa, qruplarla.
RESURSLAR : - ayrı-ayrı oynaqların mütəhərrikliyinin inkişafına yönəlmiş dinamik hərəkətlər;
- müəyyən vəziyyətlərin saxlanılması üçün istifadə edilən statik hərəkətlər;
- qeyri-fəal əyilmələr, dartınmalar;İŞ ÜSULU : İzah, hərəki təfəkkürün formalaşdirilmasi, nümayiş etdirmə ,təkrar.
- ətrafların geniş amplitudalı yelətmə hərəkətləri.
ZƏRURİ AVADANLIQ VƏ LƏVAZİMAT: top , fit, təbaşir, ruletka, bayraqcıq, oyunun sxemi.
DƏRSİN GEDİŞİ
GİRİŞ HİSSƏ :3-5 dəq.
Bir cərgədə düzülüş, raport, salamlaşma.
MOTİVASİYA: problemin qoyuluşu :
Hərəkətlərin sərbəst və axıcılıqla icrası nədən asılıdır?
TƏDQİQAT SUALİ : Sən nə qədər elastik və mütəhərriksən?
İNFORMASİYA TƏMİNATİ: dərsdə istifadə olunacaq hərəkətlər, oyunlar, qaydalar haqqinda məlumat vermək.
HAZİRLAYİCİ HİSSƏ : 8- 10 dəq.
Sira fəndləri , irəliləmələr , yeriş ,qaçış, hoppanmalar. Seyrəlmə.
ÜMUMİNKİŞAF HƏRƏKƏTLƏRİ : Şagirdlərin sayına uyğun olaraq bölgü yaradıram, sonra onları zalın mərkəzində bölgüyə uyğun düzürəm. Ümuminkişaf hərəkətləri haqqında onlara məlumat verirəm. Keçmiş və yeni mövzuya uyğun olaraq müəyyən hərəkətlər seçirəm, hər bir hərəkəti ayrı-ayrılıqda 3-4 dəfə icra etdirirəm.
1.Qolların xaricə və daxilə dairəvi yeldədilməsi ilə yeriş.
Hər dairəni dörd addımla icra etmək (qollar yanlara, yuxarı, daxilə, çarpaz, aşağı).
Qolların hərəkətini fasiləsiz və qovuşuq icrası. Dörd təkrardan sonra dairələrin istiqamətini dəyişmək.
Müntəzəm nəfəs almaq.
2.Qolların yellənməsi ilə hücum addımla yeriş.
1s. - irəli sağ ayaqla hücum addımı, sağ qol arxada, sol - irəli-yuxarı;
2s. - sol ayaqla hücum addımı, yellətməklə qolların vəziyyətinin yerdəyişməsi və s.
Hücum addımı geniş icra etmək.
Müntəzəm nəfəs almaq.
3.Ç.v. - əllər beldə.
1s. - sağla addım, gövdəni sağa dondərməklə sağ qol yana - nəfəsi buraxmaq.
2-3s. - sol və sağla addımlayaraq ç.v. - nəfəs almaq. Eyni hərəkəti əks tərəfə icra etmək.
4. Ardıcılıqla dizi sinəyə sıxmaqla yeriş.
1s. - sol ayağı bükmək və əllərlə sinəyə sıxmaq - nəfəsi buraxmaq;
2s. - əlləri açmaq, sol ayaqla irəli addım - nəfəs almaq;
3-4s. - eyni hərəkət sağ ayaqla icra olunur.
5. Düz qollar arxada, yarım oturuşda, oturuşda yeriş. Başı düz saxlamaqla, bütöv pəncəyə istinadla yeriş. Hərəkəti adı yerişlə növbələmək (məsələn, hər səkkiz addımdan sonra). Müntəzəm nəfəs almaq.
6. Qolların hərəkəti ilə yeriş.
1s. - solla addım - əllər çiyinlərdə, barmaqları yığmaq yumruqda;
2s. - sağla addım, qollar yuxarı barmaqları açmaq;
3s. - solla addım, barmaqları yığmaq;
4s. - sağla addım, qollar aşağıya.
Hərəkətləri kəskin və fəal icra etmək.
Müntəzəm nəfəs almaq.
7. Qolları dirsəklərdən bükərək qaçış. Müntəzəm nəfəs almaq. Qaçışdan sonra yerişə keçmək.
ƏSAS HİSSƏ: 15-20 dəq.
HAZİRLAYİCİ HƏRƏKƏTLƏR
ƏSAS HƏRƏKƏTLƏR :
Sinif ,şagirdlərin sayından asılı olaraq 3-4 komandaya bölünür.İlkin yarişacaq komanda cütlüyü püşk vasitəsilə müəyyən edilir . Yarişan komandalar bir birindən 1m məsafədə çəkilmiş paralel xətlər üzərində sırada düzülürlər. Sırada birinci duran içtirakçılar əllərində tutduqları topu əyilərək qıçlarının arasından arxadakı yoldaşına ötürürlər.Sırada sonuncu dayanan iştirakçi topu alan kimi bütün komanda arxaya dönərkən , top baş üzərindən arxaya ötürülür və oyun davam edir.Topu daha tez birinci oyuncuya qaytaran komanda qalib hesab olunur.
Sinif , 2 komandaya bölünür.İlkin yarişacaq komanda cütlüyü püşk vasitəsilə müəyyən edilir . Yarişan komandalar bir birindən 1m məsafədə çəkilmiş paralel xətlər üzərində sırada düzülürlər. Hər bir komandanın qarşısında bir iri dairə( içində 5 top olmaqla ) və ondan 6 m məsafə uzaqlıqda 5 dairə çəkilmişdir. Topu daha tez kiçik dairələrə dolduran komanda qalib hesab olunur.
TAMAMLAYICI HİSSƏ : 3-5 dəq.
Tənəffüs və bərpaedici hərəkətlər.
ÜMUMİLƏŞDİRMƏ VƏ QİYMƏTLƏNDİRMƏ: Sınfə sual verilir :"bu dərsdəki hərəkətlərin və oyunun icrası hansı hərəki qabiliyyəti inkişaf etdirir ? ".Şagirdlərin diqqəti hərəkətlərin geniş amplitudalıicrasiına yönəldilir, dərsdə fərqlənənlər qeyd olunur.Şagirdlər fəaliyyət prosesində bədənin əyilmə qabiliyətinin "icra sərbəstliyi" yaratdığını dərk edirlər.
Zəif
Orta
Yüksək
Dinamik müvazinət hərəkətlərinin və oyunlarının icrası qüsurludur.
Dinamik müvazinət hərəkətlərinin və oyunlarının icrasında kiçik qeyri-dəqiqliyə yol verir.
Dinamik müvazinət hərəkətlərini və oyunlarını nümunələrə müvafiq icra edir.
Zəif
Orta
Yüksək
Hərəki fəaliyyəti inamsızdır.
Hərəki fəaliyyəti zamanı yoldaşları ilə ünsiyyət qurur.
Hərəki fəaliyyəti zamanı əzimkarlıq və qətiyyətlilik nümayiş etdirir.
EV TAPŞIRIĞI: Ayaq üstə duraraq irəliyə əyilərik ovucları ayaqların qarşısında döşəməyə toxundurmaq