“Балаларның cәламәтлеге –сәламәт гаиләдә” темасына үткәрелгән күңелле уеннар

Балык бистәсе муниципаль районы

Шетнево-Тулуш төп гомум белем мәктәбе

"Балаларның cәламәтлеге -сәламәт гаиләдә"

темасына үткәрелгән күңелле уеннар

үткәрде физкультура укытучысы Харисова Г.Т.

2013 ел 4 сентябрь

Саулык - иң зур байлык диләр. Чөнки аннан башка кеше бик күп нәрсәләрдән мәхрүм булыр иде. Сәламәтлек - кеше бәхетенең нигезе, исәнлек булганда гына кеше үзенең теләк-омтылышларына ирешә, тирә-юньне танып белә, җәмгыять тормышында актив катнаша, хезмәттән, уеннардан, күңел ачулардан, физик күнегүләрдән канәгатьлек ала.

Һәрбер кешенең сәламәтлегенә балачактан нигез салына. Ә инде баланың сәламәтлеге әти-әнинең тазалыгы ни дәрәҗәдә булуга, яшәү рәвешенә, мохитнең торышына бәйле. Баланың һәрьяклы үсеше өчен гаилә белән бакчаның үзара аңлашып, ярдәмләшеп эшләве кирәк. Бигрәк тә сәламәт яшәү рәвеше белән тәрбия мәсьәләсендә.

Сәламәт яшәү рәвеше - тормыштан ямь һәм тәм табып яшәүнең нигезе. Яраткан шөгылең булу, физик һәм акыл хезмәте, организмны чыныктыру, төрле мавыгулар кешегә рәхәтлек бирә, шатлык өсти. Сәламәтлек һәм бәхет булган очракта «сәламәт тәндә-сәламәт акыл» хакимлек итә. Балаларны кече яшьтән сәламәтлеген сакларга , аның кадерен белергә өйрәтү -безнең бурыч.

Максат: Укучыларда коллективизм, түземлелек, ярдәмчеллек тәрбияләү; аралашучанлык, дуслык мөнәсәбәтләре урнаштыру.

Күңелле уен барышы.

Командага бүленү

Фәннур Булат

Илдар Рәсил

Марат Зөлфәт

Илмаз Язилә

Гөлшат С.Гүзәлия

Алия Ләйлә

Динә Илүзә

Җ.Гүзәлия Рания

Кирәкле җиһазлар: сыбызгы,маталар,флаг,баскетбол туплары, 2 обруч,чиләк,фанер такта кисәге,капчык,гимнастик скамейка

1уен . Командаларга берәр флажок бирелә. Алар флажок белән билгеләнгән урыннан әйләнеп кайтып эстафетаны команданың икенче уенчысына тапшыра

2уен.Уенчы мәтәлчек атына,баскетбол кәрзиненә кадәр йөгереп бара,тупны ата

3уен.Уенчы 2 кулына 2 баскетбол тубы тотып ,туплар аша куелган обручларга кадәр йөгереп бара.тупларны калдыра һәм йөгереп кайтып,эстафетаны икенче уенчыга тапшыра.Ул туплар аша үтеп,теге 2 баскетбол тубын кире алып кайта һәм алдагы уенчыга тапшыра.

4 уен. Командалар алдына читтәрәк чиләк куела.Уенчылар аңа кечкенә тупларны атып кертергә тиешләр.Кемнең тубы күбрәк керә.

5 уен. "Логик һәм математик мәсьәләләр"

1. Кәрзиндә 5 алма бар.Шуны 5 кызга бүлеп бирергә кирәк. Ләкин 1 алма кәрзиндә калырга тиеш.(1 кызга алманы кәрзиндә килеш бирәсең)

2. Өч укучы бала бакчага алма ашарга киттеләр.Юлда 2 укучыны очраттылар. Сорау.Бакчага ничә укучы килде? (3әү,чөнки тегеләре инде каршыларына очрадылар)

3.Өч страус оча иде,охотник шуның берсен атты,ничә страус калды?(страус очмый)

6 уен. Обруч белән йөгереп килеп 2 нче уенчыны алып китә,уен шулай дәвам итә командадагы кешеләрне алып китеп бетергәнче.

7 уен . Ике аяк арасына туп кыстырып сикереп киләләр (эстафета).

8 уен Аркасына әйләнгән ташбака кебек арт белән кул-аякларга таянып басабыз, эчкә туп куела. Билгеләнгән урынга кадәр шулай барабыз һәм кире йөгереп кайтабыз.

9 уен. Уенчы 2 тупны тотып башта йөгереп килә ,аннары 2 нче уенчыга тапшыра ,уен шулай дәвам итә (эстафета).

10 уен. Идәнгә фанер кисәге куеп шуның өстен басабыз, шулай итеп фанер кисәген күчереп барабыз.

11 уен. Каршылыклар аша үтү.

Мәтәлчек әйләнәбез,капчык эченнән шуып чыгып,гимнастик скамейкадан йөгереп барабыз, обруч эченнән чыгып йөгереп киләбез.

Рәхмәт барыгызга да, сәламәт булыгыз!

Фотолар