Ашық сабақ Баскетбол. Баскетбол ойынының жалпы ережелері

Талдықорған қаласы

№4 орта мектеп-гимназиясы

дене тәрбиесі пәнінің мұғалімі

Муханов Бакытжан

Ашық сабақ жоспары

Сабақ тақырыбы:Баскетбол. Баскетбол ойынының жалпы ережелері.
Сабақтың мақсаты:
Білімділік:Оқушыларға баскетбол ойынының элементтерін үйрету.
Дамытушылық:Ойын арқылы оқушының ептілік, икемділік, күш және т. б. қасиеттерін дамыту.
Тәрбиелік:Оқушыларды ұжымдылыққа, достыққа, ұйымшылдыққа тәрбиелеу.
Сабақтың өтетін орны:Мектеп спорт залы.
Сабақтың көрнекілігі:Баскетбол добы, ысқырғыш, шығыршық, кедергі, суреттер.
Сабақтың мазмұны
Әдістемелік нұсқау
I. Ұйымдастыру бөлімі
Оқушыларды сапқа тұрғызу. Спорт секторынан мәлімдеме қабылдау. Сәлемдесу. Журнал бойынша тексеру. Бір қалыпты жәй жүгіру. Бой жазу жаттығулар. Үй тапсырмасын тексеру. Акробатикалық жаттығулар.
Дайындық бөлімі
1. Б. Қ. Аяқ иық көлемінде қол белде басты оңға екі рет, солға екі рет айналдырамыз.
2. Б. Қ. Аяқ иық көлемінде қолды иыққа қою. Бір, екі иықты алға айналдыру. Үш, төрт артқа айналдыру.
3. Б. Қ. Аяқ иық көлемінде оң қол жоғарыда, сол қол төменде. Бір, екі алға. Үш, төрт артқа қолды ауыстыра сілтеу.
4. Б. Қ. Аяқ иық көлемінде оң қол жоғарыда сол қол белде. Бір, екі солға иілу.
5. Б. Қ. Қолды белге қойып секірудің әр түрлі әдістерін жасаңыз.
6. Бастапқы қалып аяқ иық көлемінде, қолды алға созып10 - 15 рет отырып тұрамыз.
7.Жүгіру жаттығулары кезінде аяқты дұрыс қою және қолдың жұмыс істеуіне мән беріп бақылау.
Жылдам жүгіру.

Жаттығудың бірдей жасалуына мән беру.
Денені тік ұстаймыз, көзді жұмбаймыз.
Денені тік ұстаймыз, қолдың иыққа толық тиюін және толық айналуын қадағалаймыз.
Денені тік ұстаймыз қолдың жазылуын, қолдың бүгілмеуін қадағалаймыз.
Қол белде, дұрыс еңкеюін қадағалаймыз.
Толық еңкейеміз.
Толық айналдырамыз.
Дұрыс отырып тұруын қадағалаймыз.

II. Негізгі бөлім.
Жаңа сабақтың тақырыбы:«Баскетбол. Баскетбол ойынының жалпы ережелері»
1. Баскетбол ойынының ережесін түсіндіру.
2. Қауіпсіздік ережелерімен таныстыру.
3. Ойын элементтерін үйрету.

- бір орында тұрып оң және сол қолмен допты жерге соғып, ыршытып жаттығу.
- допты бір қолмен жетелеп жүріп, жерге соғып ыршыту.
- екі қарама - қарсы тұрып, допты екі қолмен кезек жерге соғып ыршытып тоқтамай бір - біріне кеуде тұстан лақтырып жаттығу.

Эстафеталық ойындар.
Оқушыларды екі топқа баскетбол элементтері бар эстафеталық ойын ойнату.
- кедергінің арасынан допты соғып алып өту
- допты жоғарыдан беру
- допты төменнен беру
- жерге қатар қойылған 5, 6 шығыршықтың ішіне соғып келе жатқан допты дәл түсіре ыршыту
- бірден алаңның ортасынан баскетбол қалқанына қарай допты ыршытып келіп, қалқанға жақындағанда тоқтай қалып, допты шығыршыққа екі қолмен лақтырып түсіруге тырысу.

III. Қорытынды бөлім:
Сыныпты сапқа тұрғызу. Бағалау. Мадақтау.
Үйге тапсырма беру:
Баскетбол добымен жаттығулар орындау.