Допты екі қолмен алма – кезек алып жүру

Іс №3-7750 Көшірме

Ұ Й Ғ А Р У

06 қыркүйек 2013 жыл Ақтөбе қаласы

Ақтөбе қаласы мамандандырылған әкімшілік сотының судьясы Е.Ж.Махметов Эльвира Ирсаиновна Шарипова жөніндегі ҚР Әкімшілік кұкық бұзу туралы Кодексінің 165 бабында көрсетілген әкімшілік құқық бұзушылық туралы әкімшілік істі қарауға әзірлеу кезінде,

А Н Ы Қ Т А Д Ы

Ақтөбе қалалық ІІБ-ның Сазды ПБ-мен Э.И.Шариповаға 13 тамыз 2013 жылы сағат 16-30-дар шамасында Ақтөбе қаласы, «Алтай» сауда үйінің алдында, белгіленбеген орында, атқарушы органның рұқсатынсыз жеміс-жидек сатқаны үшін ҚР Әкімшілік құқық бұзушылық туралы кодексінің 165 бабымен әкімшілік құқық бұзушылық туралы хаттама жасақталған.

Қазақстан Республикасының кейбір заңнамалық актілеріне жергілікті өзін-өзі басқаруды дамыту мәселелері бойынша өзгерістер мен толықтырулар енгізу туралы 13 маусым 2013 жылғы №101 Заңына сәйкес ҚР Әкімшілік құқық бұзушылық туралы Кодексіне өзгеріс енгізіліп, аталған Кодекстің 165 бабы осы Кодекстің 541 бабынан алынып, 543 бабына толықтырылған, яғни ҚР ӘҚБтК-нің 165 бабы ішкі істер органдарының қарауына берілген. Заң 24 маусым 2013 жылы күшіне енген.

Сондықтан, ҚР ӘҚБтК-не енгізілген өзгеріске байланысты Э.И.Шарипованың әкімшілік ісі соттың қарауына жатпайды.

Істің осы жағдайында Э.И.Шарипованың әкімшілік құқық бұзушылық туралы хаттамасы іс құжаттарымен бірге Ақтөбе облыстық ІІД-нің Сазды ПБ-не кері қайтарылуға жатады.

Айтылғандар негізінде, ҚР Әкімшілік кұкық бұзу туралы Кодексінің 646 бабының 4 бөлімін басшылыққа ала отырып,

Ұ Й Ғ А Р Д Ы:

Эльвира Ирсаиновна Шарипова жөніндегі ҚР Әкімшілік кұкық бұзушылық туралы Кодексінің 165 бабында көрсетілген әкімшілік құқық бұзушылық туралы хаттаманы және басқа да іс материалдарын Ақтөбе облыстық ІІД-нің Сазды ПБ-не толықтыру үшін қайтаруға.

Ақтөбе қаласы мамандандырылған

әкімшілік сотының судьясы Е.Ж.Махметов

Көшірме дұрыс Е.Ж.Махметов