Урок по самопознанию

№17 жалпы орта білім беретін саралап оқытудың бейіндік мектебінің

бастауыш сынып мұғалімі Смагулова Бакытжан Какимовна

Тақырып: Жақсылық жасай білейік.

Сабағымыздың алдында келген қонақтарымызбен амандасып қояйық

Мұғалім

-Балалар, бәріміз шаттық шеңберіне жиналайық. Енді бір-бірімізге бүгінгі күніміздің тамаша өтуіне арнап жақсы тілектер айтайық.

Өзіңді тану

Жақсы болу - өзіңнен,

Жаман болу- өзіңнен.

Өзіңді өзің ая да,

Өзің үйрен өзіңнен.

Жақсылық көрсең біреуден,

«Мен қандаймын?» деп ойла.

Өзіңді өзің қолыңа ал,

Өзіңсің - ақыл айнасы.

Тиеді саған мәні бар

«Өзіңді тану» пайдасы.

«Суретке қарап , болжау»

Балалар барлығымыз мына көрніске назар аударайық.

-Сендерге мына көрністер қалай әсер етті?

Олардың бойынан адамға жақсылық жасау қасиеттерін байқауға болама?

Мұғалім: Бүгінгі сабағымыз «Жақсылық жасай білейік деп аталады.

Ал жақсылық жасай білу үшін біз мейірімді болуымыз керек.

Мейірімділік дегенді қалай түсінесіңдер?

- Мейірімділік әр адамның жүрегінде өмір сүреді.

- Мейірімділікті адамның көзінен көруге іс қимылынан тануға болады.

- Мейірімді адамды барлығы жақсы көреді.

- Адамдар бір-біріне ,табиғатқа, жануарларға мейірімді болу керек.

Назар аударыңыздар

Ал енді балалардың «Мейірімділік» туралы жаттаған өлеңдерін назар қойып тыңдайық.

Күн нұрындай көңілім,

Даламдай кең пейілім

Жүрегім толы мейірім,

Бәріне ортақ шуағы

Мейірімді сақтаймын.

Отанымды сатпаймын,

Ақылсызға жатпаймын.

Халқымның мен үмітін,

Әрқашан да ақтаймын!

Сахналау: Табғатта құстар да бір-біріне мейірімділік жасайды екен соны тамашалайық.

• Ал енді балалар «Сары тауық пен балапандары» атты көріністі тамашалайық.

Күздің бір күні сары тауық балапандарын ертіп, ауылдан ұзап кеткен.

Аяқ астынан жаңбыр құйып кетті. Суық жаңбырдың астында қалған

сары тауық балапандарын қанша асықса да мекеніне жеткізе алатын емес

Өйткені балапандарының жылы жүні әлі шықпаған балғын жас еді.

Сары тауық қатты састы. Шөжелерін қос қанатының астына алып, бауырына басты. Бір балапаны сыймай сыртта қалды. Ана айла жасап, балапандарын кезектестіріп бір-бірден тыста ұстап, тоңа бастағанда бауырына алып отырды. Кезек ең кенжесіне келгенде ана оны сыртқа шығармады.

Ақ балапан: - Оны неге шығармайсыз? - деп сұрады бір ақ балапан.

Тауық: - Ол тым жас.

Ақ балапан: - Жас болса қайтеді? Кезегі келгенде ол да шықсын.

Тауық: - Сырқаттанып қалады. Кішімізге өзгеміз қамқоршы болуымыз керек емес пе? Кәне , мұның орнына кім барады? - деп сұрады анасы.

Үлкен балапан: - Мен, - деді тұңғышы.

Екінші балапан: - Мен барайын! - деді оған тетелесі.

Ортаншы балапан: - Кезекті маған беріңіз! - деді одан кішісі.

Ақ балапан: - Мен қалам ба сонда? - деді алғашқы қарсылық білдірген ақ балапан.

Тауық: - Қатесін түсінген сенің барғаның жөн! - деді сары тауық балапанды тысқа қарай ысырып.

Сары тауық су өтіп қатты жауырады. Бірақ балапандарын тоңдырған жоқ. Балаға деген ыстық махаббатымен жылытып, сақтап қалды. Күн ашылып, ана жүрегіндей жадырады.

• Балалар, сары тауық өз балапандарын қандай жақсы қасиеттерге баулыды?

• Сары тауық өз аналық мейірімін қалай көрсете білді?

• Балапандар бір-біріне жақсылық жасай білді ме?

Ал балалар сендер мейірімділікті, қайырымдылықты жақсылық жасауды кімдерден үйренесіңдер?

Мұғалім:

Жақсылық атаулының бәрі ананың ақ сүтінен жаратылған дейді халақ..

ІІІ.Мәтінмен жұмыс.

Жақсылық пен жамандық (ертегі)

1.Неліктен адам жақсылықтың айтқандарын орындады деп ойлайсың?

2. «Жамандыққа ерсең жаман боласың, жақсылыққа ерсең жақсы боласың» деген ой туралы қандай пікір айта аласыңдар.

Балалар сендер жақсылық-жамандық туралы қандай мақал білесіңдер?

V.Тыныштық сәті.

-Балалар, орындарыңызға емін-еркін жайғаса отырыңыздар. Енді көзімізді жұмып, әркім өзінің досына, ата-анасына, ұстазына қандай жақсылық тілейтіні туралы ойлайық. (2-3 сек)

-Балалар, ойлап болсақ, көзімізді ашайық. Параққа аты-жөнімізді жазып, жақсылықты кімге ойладық, жазайық. Осы ойлаған жақсылығымыз күннің шуағы арқылы сол адамға жетеді.

VІ.Дәйексөз.

-Енді, балалар, бүгінгі тақырыбымызға сай мына дәйексөзді оқып, дәптерімізге жазып алайық.

VІІ. «Ертегілерді өз ойларыңмен жалғастырып көр»

«Қарлығаш пен дәуіт»

Бір қарлығаш ұя салып, балапандарын асырап жүреді. Бір күні жауыз жылан балапандарды жегісі келіп, ұя салынған ағашқа өрмелеп шыға бастайды. Қарлығаш жыланды көріп, қатт қорқып, қорғап қалатын арашашы іздейді. ...

«Арыстан мен мен тышқан»

Бір тышқан аңдаусызда аюдың апанына тап болып қалады. Одан адасып жүріп, аюдың құлағына кіріп кетеді.

Аю шошып оянып, құлағын басып қояды:ъ

-Менің құлағым-сенің інің деп пе едің? - деп ақырады. Өзіңді жақсылап сабайын ба?

-Сабамашы. Мен де бір керегіңе жарармын.

-«Бармақтай болып, не керегіме жарармын дейсің»,-деп күледі аю. Дегенмен, босатып жібереді.

VІІІ. Жүректен-жүрекке жылы лебіз білдіру.

Ән «Біз әдепті баламыз»

Оқушылар бір-біріне , ұстаздарына,қонақтарға жылы жүрекке жылы тілектер айту.

Балалар жер бетіндегі аналардың барлығы балаларына тек жақсылық тілейді.

Қазір «Аналардың өсиетін» таспадан тыңдайық.

Ана айтты бір өсиет баласына ,

Бір жолдың шығарып сап саласына:

-Ей ,балам, шамаң келсе жақсылық ек,

Ақ пейіл адамзаттың арасына.

Егер де жол үстінде тікен жатса,

Кірер деп аяғына біреу басса,

Ерінбей -ақ иіліп қолыңменен

Сол тікенді көтеріп,алып таста.

Бұл еңбегің қалмас-ты ,босқа бекер.

Соны көрген соңғы жас солай етер,

Жақсы үлгінні жалпы жұрт дәстүр жасап,

Жол тазарып, жолаушы жолдан өтер.

Балалар бүгінгі сабақтан не үйрендік?

ІХ.Қорытынды.

Ризашылық әні.

(сөзі мен әнін жазған Луиза Хей)

Ризамыз бүгінге,

Ризамыз бүгінге!

Ризамыз бүгінге,

Ризамыз қазірге!

Ризамын³, бүгінге!

Ризамын³, қазірге.

Оқушылар осы сабағымыздан аз да болса, жақсылық нұрын, адамгершілік дәнін алдыңдар деп ойлаймын. Әрқашан жарқын күндей мейірімді, шуақты, көңілдерің адамға тек жақсылық жасай білетін адамгершілігі мол, азамат пен азаматша болыңдар.