Викторина по физике и математике на предметной неделе

Викторина.

1. Тактага акбур белән сызганда ни өчен эз кала?

2. Бертөрле 2 ящикның берсенә эре бөртекле дары, икенчесенә вак дары тутырылган. Аларның кайсысының массасы зуррак?

3. Коры агач ни өчен чытырдап яна?

4. Ни өчен самовардагы су башта тиз ага, аннары акрынайганнан-акрыная бара?

5. Сулы савытка агач кисәге төшерелгән. Савыттагы су түгелмәсә, моңардан савыт төбенә булган басым үзгәрерме?

6. Терекөмешле савытка тимер кисәге төшерәләр. Ул батармы?

7. Ни өчен җылынган һава салкын һавадан югарырак күтәрелә?

8. Айда космонавтларны күчереп йөртү өчен һава шарыннан файдаланырга мөмкинме?

9. Кайсысының егәрлеге зуррак: бер үк тизлектәге кышкы җилнеңме, әллә җәйге җилнеңме?

10. Кинәт селкегәндә яңгыр тамчылары киемнән аерылып китәләр. Ни өчен?

11. Мөлдерәмә итеп су салынган стаканда боз кисәге йөзеп йөри. Боз эрегәч су түгелерме?

12. Дирижабльгә җиңел газ тутыралар. Аның һавасын гына суырту яхшырак булмас идеме?

13. Ни өчен яна торган керосинны су сибеп сүндереп булмый?

14. Җылы бүлмәдә бозны тун белән капласак, аның эрүе тизләнерме?

15. Нинди савытта аш-су төпкә утырып, тизрәк көя: бакыр савыттамы, әллә чуендамы? Ни өчен?

16. Ике вакланма бирелгән: берсенең санаучысы ваклаучысыннан кечерәк, ә икенчесенең санаучысы ваклаучысыннан зуррак. Бу ике вакланма тигез булырга мөмкинме?

17. Һәр марсианның 3әр кулы бар. 7 марсиан пар-парлап үзара бер-берсенең кулларын тота аламы?

18. Саннар рәтен дәвам ит: 18, 20, 24, 32, …

19. Ике җисемнең кайсысы катырак икәнен бернинди приборсыз җиңел генә ничек белеп була?

20. Каты салкыннарда урманда агачларның чатнавын ничек аңлатырга?

21. Колбага урнаштырылган бактерия 1с эчендә 2гә бүленә. Бу кисәкләрнең һәркайсы 1с тан соң яңадан 2гә бүленә һ.б…. 2 мин үткәч колба бактерияләр белән тула. Әгәр башта колбага 2 бактерия урнаштырылган булса, колба күпме вакыттан соң тулар?

22. 20 дән 88не алып 22 табып карагыз…

23. Суга 10г массалы бакыр шакмак һәм 10г массалы юка бакыр пластинка төшерелгән. Ике очракта да этеп чыгару көче бертөрле булырмы?

24. Тегүченең 100м тукымасы бар. Ул һәр көнне 2м тукыма кисеп ала. Соңгы кисәкне ул ничәнче көнне кисеп алыр?

25. А һәм В шәһәрләренең арасы 30 км. Бу ике шәһәрдән бер үк вакытта кара-каршы ике җәяүле юлга чыга. Аларның һәркайсы даими 5км/сәг тизлек белән бара. А шәһэреннэн чыгучы җэяүле белән бергә сәгатенә 10 км ара очучы чебен дә очып чыга. Чебен А дан чыккан җәяүлене узып В дан чыкканына таба очып китә. Аны очраткач, яңадан кире борылып, А дан чыкканына таба очып юлын дәвам итә. Җәяүлеләр очрашканчы, ул шулай очып йөри. Аннары берсенең бүрегенә куна. Чебен ничә км юл үткән?

26. Лептоннар, мезоннар, барионнар- болар нәрсәләр?

27. Бөтен санның квадраты 11гә тәмамланырга мөмкинме?

28. Сан үзенең цифрлары суммасының кубына тигез. Бу нинди сан?

29. Җисемнең массасы 89,4г. Шушындый бер миллион җисемнең массасының 1% ы ничә тонна булыр?

30. Пароход Түбән Новгородтан агым буйлап Астраханьга 5 тәүлектә бара, ә Астраханьнан Түбән Новгородка 7 тәүлек. Сал Түбән Новгородтан Астраханьга күпме тәүлек барыр?

31. 1 2 3 4 5 6 7 цифрлары арасына бары тик кушу + , алу - тамгалары гына куеп берничә төрле ысул белән 55 санын табыгыз.

32. 3 кеше шашка уйнаганнар. Барлыгы 3 партия уйналган. Һәр кеше ничә партия уйнаган?

33. Бары тик 1 генә шырпы кулланып 11 шырпыны күтәреп карагыз, өстәмә материаллар кулланырга ярамый.

34. Унике эндекальон тугыз йөз сиксән ике октальон илле биш квинтильон ундүрт триллион егерме сигез миллиардны цифрлар белән языгыз!!!

35. Салкын су яки кар, боз белән яңа гына кайнап чыккан суны яңадан кайнатып чыгарып буламы? Җылыткыч кулланмаска.

36. Безнең эраның 6 нчы гасыры математигы Ариабхата тарафыннан төзелгән системада кайбер саннарның әйтелеше бирелгән:

2- кха

214- дхакхи

1423. - ничек әйтелә?