Электрондық оқулықтарды пайдалана отырып, оқушылардың танымдық белсенділігін қалыптастыру

Электрондық оқулықтарды пайдалана отырып, оқушылардың танымдық белсенділігін қалыптастыру.

Жамалова Алима Ауезхановна

физика пәніннің мұғалімі

Шелек политехникалық колледжі

Қазіргі қоғамдағы білім жүйесін дамытуда ақпараттық -коммуникациялық технологиялардың маңызы зор. Білім беруді ақпараттандыру және пәндерді ғылыми - технологиялық негізде оқыту мақсаттары алға қойылуда.

Ақпараттандыру технологиясының дамуы кезеңінде осы заманға сай білімді, әрі білікті жұмысшы мамандарын даярлау оқытушының басты міндетіболып табылады.

Электрондық оқулықтарды теориялық сабақтарда пайдалану кезінде білім алушылар бұрын алған білімдерін кеңейтіп, өз бетімен шығармашылық тапсырмалар орындайды. Әрбір оқушы таңдап алған тақырыбы бойынша тапсырмалар орындап, тесттер шешіп, сызбалармен жұмыс жасауға дағдыланады.

Физика пәні оқушылардың қызығушылығы мен тапқырлығын, логикалық ойлау қабілетін дамытып, шығармашылық белсенділігін арттырады. Олар өз бетімен ізденуі барысында білімнің шығармашылық деңгейіне көтеріледі. Әрбір оқушыға жас ерекшелігі мен ойлау қабілеті айналасы үлкен әсерін тигізеді. Сонымен қатар физика сабағында ойын элементтерін қолдана отырып, сабақ өткізу -оқушылардың есте сақтау, ойлау қабілеттерінің дамуына көмектеседі, сабаққа ынтасын арттырып, қызығушылығын туғызады. Әр тарауды оқып аяқтаған соң, физикалық сөзжұмбақ шешудің де маңызы зор. Осыған дәлел ретінде жақында өткізген тұрақты электр тоғын қайталау сабағымда «Кедергі» және «Тоқ күші» және «Вольта» сөзжұмбақтарын оқушылар қызығушылықпен жарыса шешті.

Оқушыларөздері компьютерлік бағдарламадағы MS Word ортасындағы графика бөліміне кіріп сөзжұмбақтарды өздері кескіндеп, жауаптарын тұжырымдайды. Бұндай сабақтарда оқушылар өзіндік жұмыстарды өз бетінше орындауға және шығармашылықтарын дамытуына мүмкіндік алады,және теориялық білімдерін шыңдайды.

Сөзжұмбақ «Кедергі»

І

Г

Р

Е

Д

Е

К

Сұрақтары:

1. Тоқ тудыратын электр өрісін сипаттайтын физикалық шама (Кернеу)

2. Электрлік зарядталған бөлшектерге әсер ететін, шығу тегі электрстатикалықтан басқа кез келген күшті қалай атаймыз? (Бөгде)

3. Тогы бар өткізгіштен бөлініп шығатын жылу мөлшері өткізгіштің кедергісіне, ток күшінің квадратына және оның өту уақытының көбейтіндісіне тең деп осы заңды қай ғалым тағайындаған? (Джоуль- Ленц)

4. Кернеуді өлшеу үшін қандай прибор қолданамыз? (Вольтметр)

5. Тізбектегі ток күшін реттеу үшін көптеген жағдайда арнаулы қандай прибор қолданамыз? (Реостат)

6. Электр станцияларында электр тогын өндіру үшін нені қолданамыз? (Генератор)

7. Өткізгіштің көлденең қимасы арқылы бір секунд ішінде өтетін электр заряды тізбектегі нені анықтайды? (Ток күші)

Компьютердің қай сабақта болмасын берер көмегі өте зор.Компьютерге енгізілген арнайы бағдарламаның көмегімен тақырыптың мазмұнымен танысуға, және тексті естуге де мүмкіндік туады. Сабақта физикалық тәжірибелерді құр әңгімелеу мен оны өз көзімен көрудің айырмасы жер мен көктей екені түсінікті.

Мысалы «Салмақсыздық» жағдайын түсіндіруге ыңғайлы бірден-бір жақсы мысал-лифтінің қозғалысы.Дәл осындай мультимедиялық бейнені экраннан көруге болады.Оқушының лифтінің бастапқы жылдамдығы,үдеу секілді физикалық шамаларды қалағанынша өзгертіп,оның қозғалысын бақылайды және заңдылықтарын тексеруге мүмкіндігі бар.Осындай тиімділіктердің барлығы пайдаланылғаннан кейін сабақ қорытындыланады.Өтілген сабақты қайта пысықтайтын есетер мен сұрақтардан тұратын тесті оқушыларға ұсынады. Тесті орындағанда оқушының білімін компьютерлік жүйе бағалайды,яғни оқушы білімінің әділ бағалануына кепілдік береді.Мұнан кейін оқушыларға шығармашылық жұмыс тапсырылады,яғни оқушы «ғаламтор» жүйесінен өзіне қажет мәліметтерін іздейді, сонымен қатар оқушылардың ақпараттық құзырлылығы мен ақпараттық мәдениетi дамиды . Физика сабақтарында ақпараттық - коммуникациялық технологияларды пайдаланудың тиімділігі:
- оқушының өз бетімен жұмысы;
- аз уақытта көп білім алып, уақытты үнемдеу;
- білім-білік дағдыларын тест тапсырмалары арқылы тексеру;
- шығармашылық есептер шығару кезінде физикалық құбылыстарды түсіндіру арқылы жүзеге асыру;
- қашықтықтан білім алу мүмкіндігінің туындауы;
- қажетті ақпаратты жедел түрде алу мүмкіндігі;
- экономикалық тиімділігі;
- іс-әрекет, қимылды қажет ететін пәндер мен тапсырмаларды оқып үйрену;
- қарапайым көзбен көріп, қолмен ұстап сезіну немесе құлақ пен есту мүмкіндіктері болмайтын табиғаттың таңғажайып процестерімен әр түрлі тәжірибе нәтижелерін көріп, сезіну мүмкіндігі;
- оқушының ой-өрісін дүниетанымын кеңейтуге де ықпалы зор.
Ақпараттық - коммуникациялық технологияны пайдалану оқытудың тиімді әдістерінің бірі деп ойлаймын.
Физикалық процестер мен құбылыстарды модельдеу оқу процесін дамыту мен жетілдірудің болашағы болып табылады, әсіресе оқушылардың шығармашылық белсенділігін арттыруда, зерттеу жұмыстарын дамытудағы ролі ерекше.
Электрондық оқу құралы - бұл оқу курсының ең маңызды бөлімдерін, сонымен бірге есептер жинағы, анықтамалар, энциклопедиялар, карталар, атластар, оқу эксперименттерін жүргізу нұсқаулары, практикумға, курстық және дипломдық жобаларға нұсқау және т.б. білім беруді басқаратын мемлекеттік органдар тағайындаған арнайы статусы бар берілген түрдегі баспаларды қамтитын электрондық оқу басылымы. Жаңа ақпараттық технологияны физика сабақтарында пайдалана отырып, оқушылардың білім, білік дағдыларын қалыптастыруға қызығушылығын арттырып, түрлі деңгейдегі есептерді шығарып, оны талдай білуге үйреттім. Логикалық ойлау қабілеттерін дамытып, интернет желісінен сабаққа қажетті деректерді өз бетімен ізденуге, компьютерлік сауаттылықтарына жол аштым. Сабақта алған білімдерін өмірде қолдана білуге тәрбиелеп келемін. Саналы да сапалы білім алған оқушы ұлтымыздың келешегі.
Осы айтылғандардың барлығы-физика пәнін оқытуда компьютердің тиімділігінің аса жоғары екендігінің нақты дәлелі бола алады.Бүгінгі заманда білім беру, оқыту ұстаз үшін қиын да қызықты. Әр мұғалім өз сабағын бүгін тартымды, нәтижелі жүргізуі өзіне байланысты. Біз болашақта білімді, сауатты, мәдениетті ұрпақты тәрбиелеуіміз қажет екенін әрқайсысымыз өз сабағымызда басшылыққа алғанымыз жөн.Балаға сапалы білім алуына, бар ынтамыз мен жігерімізді жұмсап жұмыс атқарсақ, біз алдыңғы дамыған мемлекет қатарына енуіміз хақ .

Пайдаланған әдебиеттер:
1. Назарбаев Н.Ә. Қазақстан халқына Жолдауы. Егемен Қазақстан. 2008 ж. 7 ақпан.

2.Кәсіптік мектеп журналы 2010ж №6

3.Инновациялық технологияларды білім беруде қолдану. Білім, №5, 2007ж

4. «Физика және астрономия» республикалық ғылыми - әдістемелік педагогикалық журналы. 1999ж. №6