ЖАҢА ФОРМАТ-ТҰЛҒА ЕРЕКШЕЛІКТЕРІН ДАМЫТУ НЕГІЗІ

Жаңа формат тұлғаны дамытуда пән бойынша тапсырмалар құрастырудың маңызы зор. Бұл ретте  сабақтарды Блум таксономиясы бойынша ұйымдастыру оқушылардың дайын ақпаратты қабылдауынан гөрі, ондағы қойылған мәселені зерттеуіне, талдауына және салыстыруына, ой толғауына және бағалауына қолдау ететінін айта кеткен жөн.Блум таксономиясы  бойынша тапсырмалар құруда оқытудың белсенді әдістердің мәні- оқушыларды кәсіби іс-әрекетті меңгеруге бағытталады. Блум таксономиясында белгіленген етістіктерге сәйкес т...
Раздел Физика
Класс -
Тип Другие методич. материалы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:













Жаңа формат- тұлға ерекшеліктерін дамыту негізі





Өткізген:Атик Бибигуль Васильевна,физика пәнінің мұғалімі, Ақсу қаласы, дарынды балаларға арналған мамандандырылған гимназия.
















Бүгінгі таңда Республикамыздың барлық аймағында педагогтар біліктілігін арттыру курстарында Кембридждің сыңдарлы оқыту теориясына негізделген Бағдарлама бойынша өз білімін жетілдіріп, білген-түйгенін тәжірибесінде іске асыруда, солардың қатарында мен де бармын.

Бағдарламаның жетекші мақсаты - әрбір ел үшін маңызды болып табылатын рухани, мәдени және адамгершілік құндылықтардың негізінде жастарды тәрбиелеу мен қатар жылдам өзгеріп жатқан әлемде өзін сенімді және табысты болу дағдылар мен түсініктерін дамытуға, өмірлік жағдайларда өз білімдерін қолдануға ықпалын тигізетін сыни тұрғыдан ойлауға үйретуді қамтиды.

Бағдарламаның 4 қағидатына:

  • Балалар қалай оқиды?

  • Нені оқыту керек?

  • Оқытудың реттілігін қалай құрылымдау керек?

  • Табыстылық деңгейіңізді қалай бағалауға болады? деген басымдықтар негңзңндебелсеңді оқыту тәсілдерін қолданып, ал жаңа форматпен құрылған сабақ тұлға ерекшеліктерін дамытады.

Бұл ретте сабақтарды Блум таксономиясы бойынша ұйымдастыру оқушылардың дайын ақпаратты қабылдауынан гөрі, ондағы қойылған мәселені зерттеуіне, талдауына және салыстыруына, ой толғауына және бағалауына қолдау ететінін айта кеткен жөн.Блум таксономиясы бойынша тапсырмалар құруда оқытудың белсенді әдістердің мәні- оқушыларды кәсіби іс-әрекетті меңгеруге бағытталады. Блум таксономиясында белгіленген етістіктерге сәйкес тапсырмалар құру мұғалімнің ол етістік мағынасын терең түсініп, орынды қолдануды қажет етеді. Мәселенбілу кезеңінде пайдаланылатын етістіктер: білімді еске түсіру, анықтау, мақұлдау, қайталау, атау, әңгімелеу, ұсыну, табу болса түсінуде қайта қарастыру, сәйкестендіру, талқылау, тарту, мойындау, қайта қарау, түсіндіру, әңгімелеу, айқындау мақсаттары қойылады. Қолдану кезеңінде көрсету, тағайындау, орындау, суреттеу, қолдану, пайдалану, айналысу болса, талдауда ажырату, саралау, үміт арту, даулау,жатқызу, салыстыру, тәжірибеден өткізу, қарама-қарсы қою, зерделеуді ұйымдастыруды, ал жинақтау тұжырымдау, оқыту, әзірлеу, дамыту, қайта анықтау, ұсыну, жасауды, бағалауда жорамалдау, бағалау, таңдау, баға қою, анықтау, санау, өлшеу, айыптау етістіктер негізге алынуға тиіс.

Осындай форматта ұйымдастырылған сабақтарда, сонымен қоса жеті модульді сабақтарыма кіріктіру барысында оқушылардың бойында қандай қабілеттермен іскерлік қалыптасқанына тоқталсам деймін. Оқытуда АКТ модулін мен тақырыпқа шығуда ұтымды пайдаланып оқушылардың тақырыпқа қызығушылығы артып, мазмұның игеруге ерекше талпынысын тудырып отырды. Бұл жерде көрсетілетін материал оқушылардың жас ерекшеліктеріне сай таңдалып, олардың ойлау қабілетінің өсуіне ықпал етті.

Оқыту мен оқудағы жаңа тәсілдердің жұптық, топтық диалогтың арқасында тақырыпқа шығу және мазмұнын ашу болды.

Түсіну кезеңінде физика пәні эксперименталды пән екенін ескеріп, топтық диалогты тәжірибе жасаумен ұштастырдым. Оқушылар оқулықты басшылыққа алып, тәжірибені бірігіп жасады, тақырыптың ойын шығара алды. Бастапқыда мағынасын түсінбей тәжірибе жасаса, ол тәжірибесін және басқа топқа ұсынған кезде бірін-бірі бағалау барысында қателерін анықтап, жетілдіру арқылы көздеген мақсатқа жете білді. Осы іскерлігі, сол түйіндерінің дұрыс болуы топ флипчартын таныстыру кезінде көрініс тапты.

Оқытуда сыни тұрғыда ойлауға үйретудің модуліде оқушылардың ойлауына әсер етті. Оны сабақтардың бағалау кезеңінде пайдаланылған шығармашылық тапсырмалар орындағанда айтылған ойлары мен тың идеяларынан байқауға болады. Оқытуда оқушыларды сыни тұрғыдан ойлауға үйретумен қоса, сыни тұрғыдан бағалай білуге көп мән бердім және оқу үшін бағалау мен оқытуды бағалауды үйрету өте маңызды қадам және өзгеріс болды. Топтық диалогта оқушылардың басқару және көшбасшылық қабілеттерінің топ жұмысын ұйымдастыру мен бағалау кезінде көрініс тапты.

Оқу мен оқытудағы өзгерістердің бірі сабақ соңында рефлексия жасау болатын. Онда оқушылар алған білімдеріне, тапсырмаларына қорытынды жасап, пікір жазуға дағдыланды, бұл біріншіден менің сабағымда не ұтымды, не дұрыс қолданбағанымды түсінуіме ықпал етсе, оқушылардың өзінің айта алмаған ойын жеткізуге әсер етеді, өйткені стикерлерге өз аты-жөндерін жазбауға болатынын білген оқушылардың айта алмағанын еркін, қымсынбай жеткізуіне оң әсерін тигізді.

Осындай үлгідегі сабақтардың арқасында, оқушылардың не білетінін және нені жасай алатынын, сондай-ақ қызығушылықтарын түсініп, оқытудың жаңа тәсілдерін тиімді және орынды пайдаланып, оқушы бойында ішкі уәж туады, өз қабілеттеріне сенім артып, ал ол өз кезегінде жаңа материалды саналы түрде меңгеруіне әсер етеді. Тәжірибемде мен оқушылардың білімді меңгеруге белсене араласып, жаңаша көзқараспен қызыға қатысатындығына, баланың дербес ойлау қабілетінің дамуына ықпал ететіндігіне көз жеткіздім.

Қолданылған әдебиеттер:

  1. Мұғалімге арналған нұсқаулық

  2. Мектептептегі тәжірибе кезеңінде орындауға арналған тапсырмалар.


© 2010-2022