Ашық сабақ по казахском языке на тему Ауаның ылғалдылығы

Урок по физике 8 класс «Ауа ылғалдылығы. Ылғалдылықтың маңызы»

Ауа ылғалдылығы. Ылғалдылықтың маңызы

Сабақтың мақсаты:Ауа ылғалдылығы және оның пайда болу себептерін түсіндіру, ауа ылғалдылығын өлшейтін құралдармен таныстыру. Оқушылардың білім деңгейін тереңдетіп,шығармашылыққа баулу.

Сабақтың міндетті:Оқушылардың есте сақтау қабілетін, ой - өрісін дамыту, олардың танымдық белсенділіктерін қалыптастырып, шығармашылықпен жұмыс істеуге дағдыландыру.

Күтілетін нәтиже:Оқушыларды ұйымшыл болуға, ынтымақтастыққа, өзін - өзі басқаруға баулу.

Эстетикалық, экологиялық және кәсіптік бағдар беру.
Сабақтың типі: Жаңа білімді меңгерту.
Сабақтың түрі. Саяхат сабақ
Сабақтың әдісі: сұрақ - жауап, баяндау, ойындар өткізу
Сабақтың көрнекілігі: слайдтар, интерактивті тақта, психрометр. ұлттық ойын,үлестірме
Сабақтың барысы
Құрметті оқушылар, біз бүгін «Ауа ылғалдылығы. Ылғалдылықтың маңызы» деген атпен саяхат сабағын өткіземіз. Саяхатты мынадай 3 елге жасаймыз
1. «Зеректілер» еліне
2. «Білімділер» еліне
3. «Ойшылдар»еліне
4. «Алғырлар» еліне
Саяхат кезінде біз ауа ылғалдылығы және оның пайда болу себептерін түсіндіріп, ауа ылғалдылығын өлшейтін құралдармен таныстырамыз.
Саяхатқа шығу үшін оқушылар көлікті өздері таңдайды.
1. Зеректілер елі
Саяхатқа шығу үшін оқушылар кассадан билет алулары керек. Ол үшін өтілген тақырыптар бойынша мынадай сұрақтарға жауап береді.
Сұрақтар тізімі:

а) Қаныққан бу дегеніміз не?
б) Қаныққан бу қысымы неге тәуелді?
в) Кризистік температура дегеніміз не?
г) Қаныққан бу қысымының температураға тәуелділігін
қалай білеміз?
Сұрақтарға дұрыс жауап берген оқушыларға карточкалар таратылып отырады.
2. Білімділер елі
Біз саяхат сызбасы бойынша Білімділер еліне саяхатқа шығамыз. Бұл ел жаңалықтарға толы. Жаңа сабақты түсіндіу барысында біз мынадай мағлұматтар аламыз
1. Ауа ылғалдылығы дегеніміз не?
2. Атмосферадағы су буы
3. Ауа ылғалдылығының пайда болу себептері
4. Ылғалдылықты сипаттайтын шамалар
5. Ылғалдылықты өлшейтін құралдар

Жаңа сабақты түсіндіру.
Ауа ылғалдылығы дегеніміз - ауадағы су буының мөлшері. Су жер шары бетінің 70, 8% алып жатыр. Тірі организмдер құрамында 50 - 99, 7% су бар.
Атмосфералық су буы ауа райы мен Жер климатына әсерін тигізеді.
Ауа ылғалдылығын тудырушы факторлар: қар, бұршақ, жаңбыр, қырау т. б
(Ылғалдылықты тудырушы факторларды бейнелеген видеофильмдер көрсетіледі)
Ылғалдылықты сипаттайтын шамаларға мыналар жатады.
1. Су буының парциал қысымы.
2. Салыстырмалы ылғалдылық
3. Абсолют ылғалдылық
3. Ойшылдар елі
«Ана тілің - арың бұл»
Ұятың боп тұр бетте,
Өзге тілдің бәрін біл
Өз тіліңді құрметте,- деп Қ. Мырзалиев ағамыз айтқандай, оқушылардың
өз ойларын тиянақты, ұшқыр жеткізе алуын ескере отырып, ылғалдылықтың маңызы туралы дайындап келген пікірлерін тыңдаймыз.
1. Метрологияда
2. Тоқыма, кондитер т. б өндірістерінде
3. Адам ағзасы үшін
4. Өсімдіктер мен жануарлар дүниесінде ылғалдылықтың маңызы зор.

Автор: Светлана Ногаева Избергеновна