План урока по татарскому языку Нардуган

Татарстан Республикасы Яшел Үзән муниципаль районы

3 нче номерлы гимназия муниципаль бюджет гомуми белем бирү учреждениесе

Татар теленнән

7 нче сыйныф рус телле укучылар өчен

беренче категорияле татар теле һәм әдәбияты укытучысы

Якупова Римма Мансуровнаның

дәрес эшкәртмәсе (ФДГББС буенча).

Тема. Борынгы бәйрәмнәр-Нардуган. Покрау.

Планлаштырылган нәтиҗәләр :

1. Метаредмет-Татарстан җирлегендә яшәгән халыкларның йолаларына, бәйрәмнәренә кызыксыну уяту.

2. Предмет- Нардуган. Покрау бәйрәмнәрен өйрәнү.

3. Танып белү- Укучыларның иҗади фикерләү дәрәҗәсен, кызыксынучанлыгын үстерү

4. Коммуникатив ууг- коллективта бергәләп ял итү күнекмәләрен үстерү.

5. Шәхескә кагылышлы-балаларда гореф-гадәт, йолаларга ихтирам тәрбияләү.

Материал: дәреслек (1 нче кисәк 18-22 битләр).

Дәрес тибы: яңа белем бирү һәм ныгыту дәресе.

Җиһазлау: мультимедиа проектлары, экран, слайдлар.

Дәрес барышы.

- Исәнмесез балалар! Утырыгыз.

- Дәресне башлыйбыз.

- Сез бик матур күренәсез.

-Кәефләрегез ничек?

-Мин сезгә уңышлар телим

1. Мотивлаштыру-ориентлаштыру этабы.

1. Өй эшен тикшерү.

-Укучылар сезгә өй эше итеп Сабантуенда үткәрелә торган ярышларны искә төшереп

килергә әйтелгән иде.

(Укучыларның җаваплары тыңлана: көрәш, ат чабышы, баганага менү, капчык белән сугышу, капчык киеп йөгерү, чүлмәк вату, бию, җырлар...). Слайд №1

2. Актуальләштерү. Слайд №2-4

- Сезнең сыйныфта ничә бала?

- Нинди милләт балалары укый?

-Нинди милли бәйрәмнәрне беләсез?

-Сабантуе, Раштуа ...

3. -Кайчан? Кайда уза Сабантуе? Слайд №2-4

-Язгы эшләр беткәч, җәй башында. Матур, зур мәйданда.

-Анда кемнәр катнаша?

-Зурлар да, кечкенәләр дә...

-Син бу бәйрәмне ничек беләсең?

-Минем анда булганым бар.

- Димәк, без бүген дәрестә нишләрбез?

Уку мәсьәләсе. Бүген без дәрестә бәйрәмнәр турында сөйләшербез.

2. Уку мәсьәләсен өлешләп чишү

1. (Сүзләр-Нардуган. Покрау. Уярня ).

Биредә сезгә берничә сүз бирелгән. карагыз һәм тагын өстәгез әле.

(Балалар сүзләр әйтәләр-Май чабу, Нәүрүз, Раштуа...).

-Бу сүзләр безгә нигә кирәк әле?

-Бәйрәмнәр турында сөйләшер өчен.

2 Дәреслектәге нәтиҗәне уку.

Слайд №5.

-18 нче бит "Нардуган"текстын укыйлар

-Нардуган нинди бәйрәм?

- Яңа елны каршылау.

-Ул кайчан бәйрәм ителә?

-20.12 дән 07.01 гә кадәр.

- Бәйрәмдә нишлиләр?

-Төрле уеннар уйныйлар, теләкләр әйтәләр.

20 бит "Покрау" текстын чылбырлап укыйлар.

-Покрау турында нәрсәләр белдегез? Сезнең бу турыда ишеткәнегез бар идеме?

-Ул кайчан бәйрәм ителә?

-14 нче октябрь кеөнне.

-Нинди ризыклар пешерәләр?

-Алма, миләш, балан пироглары.

-Нинди сынамышларны белдегез?

3. Нәтиҗә. (Парлап эшләү, тикшерү, үзбәя)

Берәр бәйрәм турында сөйлә. (Диалоглар өчен темалар Май чабу, Нәүрүз)

-Кайчан? Кайда уза ?

-Анда кемнәр катнаша?

-Бәйрәмдә нишлиләр?

-Нинди ризыклар пешерәләр?

-(Слайд №6-7)

4. Нәтиҗә. (Мөстәкыйль эшләү, тикшерү, үзбәя ) -Слайд №6 Масленица

Ул кыш белән саубуллашу. "Саубуллашу"сүзеннән татарча яңа сүзләр ясагыз. Шул сүзләр белән җөмләләр төзегез.

Ау-охота, аш-суп, шуа-катается... Балалар тауда шуалар. Без тәмле аш пешердек.

3. Модельләштерү- Бүген дәрестә алган белемнәрегезне модельләштереп куегыз.

-Сүзләр.

-Җөмләләр.

-Аралашу.

-Төрле бәйрәмнәрне белү.

4. Ысул чыгару.

- Төрле бәйрәмнәрне белү өчен нишләрсез?

- Аралашып яшәрбез.

- Сөйләшергә өйрәнербез.

- Сүзләрне белербез.

V. Рефлексив бәяләү.

1.Рефлексив кабатлау.

-Нәрсә белдек?

-Ничек белдек?

2. Үзбәя, үзара бәяләү. (Кызыл "5"ле, яшел "4"ле, сары "3"ле түгәрәкләр -Үзләренә нинди билге тиеш дип уйласалар, шул төсле түгәрәкне күрсәтәләр ).

3. Өй эше. . Слайд №.

А) -Ни өчен без безнең җирлектә яшәгән халыкларның бәйрәмнәрен, йолаларын белергә тиеш? Шул сорауга җавап язарга.

Б) Яраткан бәйрәмең турында хикәя язырга.