Открытый урок по основы экономической теории на тему: Өндірістің жалпы шығындары

Ашық сабақ жоспары

Күні: 12.03.2013ж.

Топ: УА-21д

Пән: Экономикалық теория негіздері

Тақырыбы: «Өндірістің жалпы шығындары»

Сабақтыңмақсаттары:

1.Білімділік: Оқушыларға шығындар туралы түсінік, олардың түрлері. Қысқа және ұзақ кезеңдегі өндіріс шығындары: тұрақты, өзгермелі, жалпы, орта және шекті шығындаржәне өнімнің өзіндік құнын құрайтын шығындардың құрамы туралы білімді өздігімен игеріп, оның негізіінде шығармашылық арқылы жаңа түсінік пен білім құрастыруды үйрету;

2.Дамытушылық: Оқушыларды терең ойлануға; ақпаратты өздігімен түсініп, оны таразылап, екшеп, оның ішінде керектісін таңдап алуға; ақпаратты жан-жақтыталдауға; өздігімен жаңа түсінік пен білім құрастыруға; пікірталастарға қатысып, өз ойы мен пікірін дәлелдеуге; басқа да балама пікірлерді ескеруге үйрету.Теориялық білімді практикада, өндірістік ситуациялардышешуде қолдану біліктерін жетілдіру;

3.Тәрбиелік:Оқушыларды шешім қабылдауға және қиын мәселелерді шешуге; жауапкершілікке (өз біліміне, өміріне); басқалармен тиімді қарым-қатынас құруға, бірлескен әрекеттер арқылы үйренуге, адалдыққа, ұқыптылыққа пән сүйгіштікке,тазалыққа ,мамандықты сүюге тәрбиелеу;

Сабақтың түрі: Тәжірибиелік сабақ

Сабақтың өту әдісі : Оқытудың интербелсенді әдістемесі

(түсіндіру,талқылау,талдау,бағалау)

Сабақтың әдістемелік қамсыздандырылуы : Оқулық, дайын бөлшектеп басылған лекция материалдары, конспект,үлестірмелі материалдар, маркер,плакат қағаздар, тірек «Жаңалық картасы»,шикізат, үлестірмелі қағаздарыақша,тиындар.

Пәнаралық байланыс:Экономика негіздері,Бухгалтерлік есеп , Экономика, Қаржы есептемесін талдау, Банк ісі, Бюджет және бюджеттік жүйе, Ұйым экономикасы;

Қолданылған әдебиеттер:Я.Ә.Әубәкіров ,Б.Б.Байжумаев,Ф.Н.Жақыпова «Экономикалық теория» 82-85бет; Р.Қ. Ниязбекова, Б.А.Рахметов,П.Т.Байнеева «Кәсіпорын экономикасы» 531-548 бет;

Ашықсабақтың барысы мен мазмұны

Ұйымдастыру кезеңі:(5 минут)

Оқушыларды түгендеу, сабаққа дайындығын тексеру, кабинет тазалығын қадағалау;Топқа бөлу,сенім және жұмыс атмосферасын қалыптастыру.

I. Проблеманы айқындау кезеңі(30 минут)

Студенттерге лекция материалы басылған мәтін түрінде тұтастай емес, бөлшектеліп беріледі. Лекцияда студенттердің бірлескен жұмысы қолданылады,жаңа білім студенттердің ой- толғанысы арқылы құралады.

Жаңа тақырып жоспары:

1. Шығындардың түсінігі. Шығындардың түрлері.

2. Қысқа және ұзақ кезеңдегі өндіріс шығындары: түрақты, өзгермелі,

жалпы, орта және шекті шығындар.

3. Өнімнің өзіндік құнын құрайтын шығындардың құрамы

-Топтық жұмыс.Шағын топ ішінде студенттер берілген лекция материалдарын оқып,осы тақырыпша бойынша қысқаша өз түсінгенін жазып, топшадағы студенттермен бөлісіп, талқылау ұйымдастырады, өз ойларын толықтырады, оларға өзгерту енгізеді. Топтық талқылау нәтижесінде студенттер бәріне де ортақ, жалпылама бір шешімге тоқталуы керек. Бұл жұмысқа уақыт көбірек беріледі ( шамамен 20 минуттай).

-Жариялау. Кезекпен әрбір топтан бір студент (шешен, спикер) топ тұжырымдарын ауызша жария қылады. Жаңа тақырыптың қысқаша түсінігітақтаға (плакатқа) жазады. Барлық студенттер лекция дәптерлеріне көшіреді.(10 минут)

II.Проблеманы шешу кезеңі.(30 минут)

Сабақтың бұл кезеңінде студент топтары теориялық білімдерін практикамен ұштастырады.

-Топтық жұмыс.Студенттер шағын топ ішінде проблеманы шешу ісімен шұғылданады, яғни өндіріс шығындарын қалыптастырып,өнім өндірумен айналысады.Әр топ бір-бірімен жарысып, іскерлік ойын ойнайды

Іскерлік ойын: «Өндіріс шығынын қалыптастыру,табысын есептеу және пайданы анықтау»

Ойын шарты:

1)ойында халық шаруашылығындағы 5 саланың жағдайы қарастырылды:

-азық түлік өндірісі;

-киім-кешек өндірісі;

-отын өндірісі;

-шикізат өндірісі;

-машина жасау өндірісі;

Барлық сала бір-бірімен байланысты,өйткені бір өнім өндіру үшін екінші саланың өнімі қажет.

2) барлық ойыншылар ең бірінші-алғашқы капитал-30 теңге және

А-технологиясына сәйкес өндірілген өнім мөлшерін алады.(35 азық-түлік,25 киім-кешек...және т.б.)

3) ойынның мақсаты-алғашқы капиталды көп мөлшерде өсіру;

4) мақсатқа жету тәсілі-өнімнің ең жоғары технологияға сәйкес түрлерін өндіру;

5) әр ойыншы сатып алу және айырбастау арқылы белгілі бір өнім

Түрін өндіру үшін қажетті шикізат жиынтығын жинау керек;

6) бастапқы баға «Жаңалық картасында» көрсетілген,шын мәнінде баға бастапқы бағадан ауытқып,нарық бағасымен жүруі мүмкін.

7) ойыншылар өндірістің белгілі бір саласына бекітілмейді,олар машина өндіруден,киім-кешек өндіруге,ал киім-кешектен тамақ өндірісіне ауысуына болады.

8) ойыншы өзіне керекті,қажетті шикізат жиынтығын жинағаннан кейін оны жүргізушіге өткізеді де орнына технологияға сәйкес өнім мөлшерін алады.

9) ойын кезінде кейбір тауарлардың тапшылығы не болмаса артықшылығы байқалуы мүмкін. Бұл жағдайда нарықтық баға өзгеруі керек.

- нарық экономиканың қандай заңдылықтары байқалады және ол қалай

айтылады

Қай салада ең жоғарғы пайда болса өндірістің өзгеруі тиімді және капитал сол салаға жиналады.

10) Ойынның соңында әр ойыншы қолындағы шикізатты бастапқы бағамен және қалған ақшасын санайды. Сонымен соңғы капиталдың мөлшері шығады.

Қай салада ең жоғарғы пайда болса өндірістің өзгеруі тиімді және капитал сол салаға жиналады.

Сол топ ойын жеңімпазы аталады.

ІІІ. Проблеманы шешімін қолдану кезеңі(25минут)

Сабақтың бұл кезінде оқытушы студенттердің өздерінің жаңа біліміне баға беру процесін ұйымдастырып, болашақта(сабақтан кейін, ертеңгі күні)жаңа білімді қалайшаөздігімен толтыру және жетілдіру ісіне айналысатындығы туралы ойларымен бөлісуге шақырады.

- Презентация. Кезекпен әрбір топтың атынан бір студент (шешен,спикер) ортаға шығып, берілген уақыт ауқымында плакатта келтірілген өз тұжырымдарын жария қылады, оларды қорғайды, оқытушы мен басқа топтардың сұрақтарына жауап береді. (Не үйрендім? Тағы не білгім келеді?Менің қосарым?)

-Қорытындылау. Оқытушы әр топ келтірілген шешімдердің тиімді жақтарына тоқталып, қысқаша комментарий береді. Өз тарапынан проблема шешудің басқа да жолдарына ұсынады.

- Толықтыру. Студенттер топ ішінде (2-3 минут) өз ұсыныстарын тағы да бір рет сараптап шығарып, жасаған өзгертулерді жайында аудиторияны хабардар етеді.

- Бағалау. Студенттердің жауаптары,жұмысы жария түрінде бағаланады.

- Үй жұмысы. Сабақта меңгерген жаңа білімдерін тереңдету мақсатында үйге студенттерге есептерберіледі.

-Қорыту. Оқытушы сабақта қарастырылып,студенттердің түсінбеген сұрақтарына жауап беріп, өз шешімін тапқан проблемаларға қысқаша тоқталып, бір екі студенттен сабақтың қалайша өткендігі

(«Ұнады- ұнамады, Пайдасы -шамалы» тұрғысында), туралы пікірін сұрайды.

Оқытушы : Кукшибаева Махаббат Лияновна