Открытый урок Тартымдалған тауық тағамы, оның ерекшелігі

Қазақстан Республикасының Білім және ғылым министрлігі

«Қапшағай көпсалалық колледжі» МҚКҚ

Өндірістік оқытудан

ашық сабақ

Тақырыбы: Тартымдалған тауық тағамы, оның ерекшелігі.

Өткізілетін топ-217

Өндірістік оқыту шебері: Жармуханбет Р.О

Сабақ жоспары

Тақырыбы: Тартымдалған тауық тағамы, оның ерекшелігі.

Сабақтың мақсаты:

Білімділік: Теориялық білімдерін тереңдету, практика жүзінде тағамдардың түрлерін дайындауды іс жүзінде үйрету.

Дамытушылық: Оқушылардың мамандыққа қызығушылығын арттыру, тағамды дәмді дайындау қабілетін дамыту.

Тәрбиелік: Оқушыларды қызмет көрсетуге жауапкершілікті сезінуге, ұқыптылыққа тағам дайындауға, гигиенасын сақтауға тәрбиелеу.

Пәнаралық байланыс: азық-түлік өнімдерінің тауартануы, физиалогия, тамақтандыру кәсіпорынын жабдықтау.

Сабақ түрі: Тәжірбиелік сабақ.

Тәжірбиелік сабақ, 6 сабақ 270 мин.

Сабақтың көрнектілігі: Бейне проектор, технологиялық карта, инструкциялық карта.

Жұмыс орындарының құрал- жабдықтары:

Шикізат, асхана ыдыстары, тақтайлар, пышақтар, тәжірбиелік жұмысқа қажетті өнімдер.

Сабақтың барысы

Кіріспе нұсқау: (45 мин)

I. Ұйымдастыру кезеңі (2 мин)

1) Оқушылармен сәлемдесіп, сабаққа қатысуын тексеру.

2) Оқушылармен сабаққа дайындығын тексеру

Үй тапсырмасы. (10 мин)

1. Ауылшаруашылық құстары мен жабайы қанаттылары тамақтану кәсіпорынынан қандай түрде және қандай күйде түсіріледі?

2. Құс пен жабайы қанаттыларды не үшін формалайды және қандай

әдістері бар?

3. Құс сүбесінен қандай шала фабрикаттарды дайындайды?

4. Құстан котлет массасын қалай дайындайды?

5.Тауық және жабайы құс етінен тағамдарды дайындауда қандай аспаздық жылулық өңдеулер қолданылады?

Сабақтың тақырыбын және мақсатын хабарлау: (3 мин)

Түрлі тартымдардымен тартымдалған тауықты дайындау, оның ерекшелігін білу. Құстан әзірленген тағамдарға қойылатын талаптар.

Сабақты баяндау. ( 15 мин )

Құс пен жабайы қанаттыларды тұтасымен және сыбаға кесектері түрінде қуырады. Оларды негізгі әдіспен қуыру шкафында немесе тоғытпа майда қуырады. Қуыру кезіндегі шығын оның түріне және құрамындағы майына қарай 25-40 пайызды құрайды.

Тұтас құсты сыртынан және ішінен тұзбен сылайды. Формаға келтірілген тауық не тауық балапанын арқасын төмен қаратып, қыздырылған майы бар табаға салады және алқызыл қабық пайда болғанша қуырады. Қуыру кезінде құсты бүйірлеріне, бауырына қаратып аудармалайды. 200 С температурада қуыру шкафында толық даяр болғанша қуырады. Қуыру кезінде етті мезгіл-мезгіл аудармалаумен қатар үстіне бөлінген май мен сөлді құйып қояды.

Тауық етінің сіңімділігі 93 пайызы оның химиялық құрамына байланыты. Химиялық құрамы құс түріне, жасына, күйлілігіне, тегіне, азықтандыруына және басқа факторларға тәуелді. Құс етінде полиқанықпаған май қышқылдары сиыр және қой еттеріне қарағанда 3-5 есе көп. Минералды заттардың ішінде 0,5-1,2 құс етінде калий, натрий, кальций, фосфор, темір, т.б тұздары болады. Экстрактивтік заттар 1,5 пайыз құс етінде мал етіне қарағанда көбірек. А, В тобы және РР, Д дәрумендері долады. Құс етінің құндылығы 100 г шаққанда 110-250 ккал құрайды.

Тауық 1 дана

Дайын дәмдеуіш немесе

қаймақ 100 г

Саңырауқұлақ 100 г

Күріш 80 г

Бас пияз 100 г

Өсімдік майы 100 г

Тұз, қара бұрыш

Көкткер

Дайындау технологиясы:

Саңырауқұлақ пен бас пиязды күнбағыс майында қуырып алып, ал күрішті суда пісіріп аламыз. Дайын болған тауықты ішін, сыртқы жағын тұзбен және дәмдеуіш немесе қаймақпен ысамыз. Ішіне дайын болған тартымды салып, тігеміз. Противенге аз мөлшерде өсімдік майын жағамыз.Тауықты пісіргіш пешінде қуырып, өз шырынын құя отырып пісіреміз.

Тауық 1 дана

Дайын дәмдеуіш немесе

қаймақ 100 г

Кепкен жемістер 300 г

Бал 20г

Өсімдік майы 10 г

Тұз, қара бұрыш

Көктер 50г

Дайындау технологиясы:

Дайын болған тауықты ішін, сыртқы жағын тұзбен және дәмдеуіш немесе қаймақпен ысамыз. Ішіне туралған кепкен жемістерден дайын болған тартымды салып, тігеміз. Противенге аз мөлшерде өсімдік майын жағамыз.Тауықты пісіргіш пешінде қуырып, өз шырынын құя отырып пісіреміз.

Сергіту сәті: мақал-мәтелдер, жұмбақтар. (5 мин)

Техника қауіпсіздік ережесін және санитарлық гигиеналық ережелерді қайталау. (5 мин)

Тенологиялық карта нұсқауымен жұмыс. (5 мин)

III. Ағымды нұсқау ( 180 мин)

Жұмыс орнының жұмысқа дайындығын тексеру.

1-ші айналымда. Оқушылардың жұмысқа дайындығына назар аудару, әр оқушының технологиялық нұсқау картасымен танысқандығын байқау. Оқушылардың жұмысының дұрыстығын тексеру, қате болған жағдайда оларға көмек көрсету, техника қауіпсіздігі ережелерінің орындалуын талап ету.

2-ші айналымда. Оқушылардың жұмыс барысында материалды ұғынуына көңіл аударып, қиын сұрақтарға түсінік беру. Тағам дайындау әдістерінің орындалуын тексеру, әр оқушының іс әрекетіне көңіл аудару, әсіресе олардың құрал- жабдықтармен пайдалана білуіне көңіл аудару.

3-ші айналымда. Дайындалған тағамның сапасын тексеру, құрал-жабдықтарды, жұмыс орындарын қабылдап алу.

IV Қорытынды нұсқау (45 мин)

1.Оқушыларды қатыстыра отырып сабақты талдау.

2.Оқушыларға мақтаулар мен ескертулер айту және бағалау.

3. Жұмыс орнын жинап, гигеналық ережелерді орындау.

Үйге тапсырма беру.

Сүт тұздығындағы саңырауқұлақпен тартымдалған құс сүбесінен котлет.