«Сан ғасырлық арманы-Тәуелсіздік» атты сценарий

«Сан ғасырлық арманы-Тәуелсіздік» атты мерекелік кештің сенарийі.

1-жүргізуші: Қазақстан аян боп әлемге кең,

«Мәңгілік» деген сөзді дәлелдеген.

Әуені әр қазақтың Тәуелсіздік.

Мен бүгін тағзым етіп сәлем берем.

2-жүргізуші: Елін ойлар-Ерім бар мақтанатын,

Ұлы ұрпақ келеді өсіп жаттап атын.

Тәуелсіздік! Елбасы! Қазақстан!

Аттарымен баянды бақ табатын.

1-жүргізуші: Армысыздар, кең байтақ қазақ елі!

2-жүргізуші:Армысыздар, көк байрағын шалқытып,әлем тарихына мөрін басқан

Тәуелсіз Қазақстан!

Бірге: Елдігіміздің тұмары,ерлігіміздің шынары болған Тәуелсіздік күні құтты болсын!

Ендеше осындай ұлы мейрам қарсаңында өткізіліп жатқан «Сан ғасырлық арманы-Тәуелсіздік» атты мерекелік кешімізді Қазақстан Республикасының Әнұранымен бастауға рұқсат етіңіздер!

1-жүргізуші: Тәуелсіздік-сан буын бабалардың қасиетті жерімізді қорғау үшін төгілетін өлшеусіз қаны мен терінің өтеуі.

2-жүргізуші:Тәуелсіздік-кешегі батыр бабалар өсиет еткендей Қазақстанды қасық қаны қалғанша қорғау жөніндегі әрбір азаматтың қайсар шешімі.

Құрметті қонақтар,әріптестер бүгінгі кешіміздің қадірлі қонақтарымен

таныстырып өтейік: Басқұншы ауылдық округының әкімі Желтоқсан

оқиғасына қатысушы Батырқұлов Тұрған Бақтыбайұлы бүгін қонақта.

Ән:Шүнетов Айдос пен Оспанбеков Бақыттың орындауында:

«Қазақстаным керемет қой» қабылалыңыздар!

1-жүргізуші:16 желтоқсан-бұл күн өз тағдырымызға өзіміз қонжалық етіп, өз болашағымызды өзіміз айқындауға қолымыз жеткен Ұлы күн!

2-жүргізуші:Тарихи әділет салтанат құрып, азаттық үшін төгілген өлшеусіз қанның өтеуі қайтқан күн!

1-жүргізуші: Бұл күн-Тарихи әділет салтанат құрып, азаттық үшін төгілген өлшеусіз қанның өтеуі қайтқан күн!

1-жүргізуші:Бұл күнді-сан дәуірлер өтсе де ұрпағымыз ұлықтап өтетін Ұлағатты күн!

2-жүргізуші:Бұл күн-Алтай мен Атыраудың,Сырдария мен Есілдің арасында еліміздің жылнамасы алтын әріппен жазылған күн!

Бейне баян

Алғашқы сөз кезегін кешіміздің қонағы: Басқұншы ауылдық округының әкімі, Желтоқсан оқиғасына қатысушы Батырқұлов Тұрған Бақтыбайұлына береміз.

Ән:Халық әні «Бел жайлау» орындайтын Жаңагүл Молдахметова

1-жүргізуші:

Кеудемдегі қоламта қоздатқаным

Тұншықса да түрмеде тозбапты әнің.

Жазықсыз жапа шегіп бұл жалғаннан

Жалтақтап кете барған боздақтарым

Туған елдің Тәуелсіздігі жолында көптеген қазақ жастары атап айтсақ: Қайрат Рысқұлбеков, Ербол Спатаев, Ләззат Асанова, Сәбира Мұхаметжановалар сынды жастар Тәуелсіздің жолында құрбан болды. Біз оларды мақтанышпен еске аламыз.

1-жүргізуші:

Олар қазақтың ес жинап,етек жауып,өз алдында ел, мемлекет болғанын,өзгемен терезесі тең болғанын көкседі, бірақ көрген жоқ. Бірақ олар осы күнді жақындатып кетті, осы күнді бізге сыйлап кетті.

2-жүргізуші:

Олар қазақ үшін қан төкті,жанын берді.Қазақтың баласы ешкімнен көзтүрткі көрмеуін күндіз-түні тіледі.

Бірге: Оларды Отан үшін, Қазақстан үшін апат болғандарды әрдайым есте шығармауымыз керек!

Ән: «Гүлгүлім» орындайтын Жаңагүл Молдахметова

1. жүргізуші: Тәуелсіздік,тәуелсіздік-жыр-әнім

Ел іргесі берік болсын ұраным.

Тәуелсіздік-өзіңді еркін сезіну,

Салт-дәстүрім-қолдан түспес құралым.

2-жүргізушы: Тәуелсіздік,тәуелсіздік-жыр-әнім,

Көк байрағым, Елтаңба,Әнұраным.

Атыңнан айналайын Тәуелсіздік,

Қолда елімді қасиетті Құраным-дей келе Тәуелсіздігіміздің тұғыры биік,халқымыздың еңсесі жоғары,егемендігіміз баянды болсын дей келе

«Сан ғасырлық арманы-Тәуелсіздік» атты мерекелік кешімізді қортындыладық.