Конспект Советы моей мамы из наследия калмыков

«Нилх бичкдүдин туск зааврмуд».

Мини эк үзсән, медсән, соңсан күүкдтән келдг билә. Тер дунд - нилх бичк-

дүдин туск зааврмуд .Эн цагин баахн эк - эцкнр эн медрлиг бийдән шиңгәҗ авхла , туста болх гиҗ санҗанав.

1. Нилх бичкдүдиг нег хəврhәрнь кевтүлəд бəəдмн биш,толһаднь кев орҗ оддмн. Бичкдүдин толhан кевинь чиклəд, толhаhинь илдмн.

2. Нилх бичкдүдин бɵрвинь тинилһдмн .Һарарн илəд тинилhдмн.

3. Бичкдүдиг унтулхларн, сүүҗинь соляд унтулдмн.

4. Һурвн наста бичкдүд махсг (махнд дурта) болдгчн."Нег нүдән өгәд чигн мах идх биләв" - гиҗ сандгчн. Цогц хураҗах наснҗ.

5. Бичкдүд толhаhан мааҗхла - ухан орҗах темдг.

6. Сөөд, харңhу терзүр бичкдүдиг хәләлһдмн биш. Нилх бичкдүд бурхнла әдл болдгчн . Ю болв чигн үздг юмнҗ.

7. Сууhад, көләрн ишкәд уга күүкдиг һазр ишкүлҗ йовулдмн биш.

8. Нилх күүкдиг күн болһнд үзүләд бәәдмн биш. Күн болһн әдл болдмн биш. Күүнә нүдн чигн күрдг юмнҗ.

9. Җил күрәд уга күүкдин ѳѳр нәр кехмн биш. Сүүрнь геедрҗ оддгчн.

10. Нилх бичкдүдин хувц ора күртл һаза бәәлһдмн биш.

11. Шин хувц бичкдүдт ѳмскхин ѳмн , хустг шатаһад , һурвн дәкҗ хувц эргүләд,хустгар әрүсләд, йөрәлһәд өмскдмн.

12. Нүр үздгт бичкн күүкдиг үзүлдмн биш. Уульмха болдгчн.

13. Нилхин өөр хәәкрәд, керүл һарһдмн биш.

14. Нилх дегд ууляд бәәхлә, йисн хустг шатадмн. «Күүнә нүдн, келн - амн « - күрчәх

гиһәд.

15. Бичкн күүкдиг уурлдмн биш, бууляд бәәдмн.

16. Нилх күүкдиг һанцараһнь үлдәдмн биш. Өөрнь хурц юм тәвдмн.

Нәндәшә - (Эрендҗнә) Л.Б. хальмг келнә багш