Сабақтың тақырыбы: Киелі сан 7

Мерзімі:23.01.2016

Сынып: 7

Сабақтың тақырыбы:Киелі сан «7»

1.Білімділік - Сабақ бойы жеті санының сырын ашу, оқушылардың таным белсенділігін арттыру. Проблемалық сұраққа жауабын іздеу.

2. Дамытушылық - Оқушылардың ойлау және тілдік қабілеттерін, қарым -тқатынастық біліктілігін дамыту, грамматикалық тапсырманы дұрыс орындау, өз пікірін қорғай алу, ой қорытындысын жасату.

3 Тәрбиелік - Оқушыларға өз халық дәстүрлерін қастерлеуге, қасиетті сандарын есте сақтауға тәрбиелеу.

Сабақтың көрнекілігі: Интерактивті тақта, үлестірмелі парақтар, плакат.

Сабақтың түрі:Дәстүрлі сабақ.

Сабақтың әдісі: Түсіндіру, сұрақ - жауап, топпен жұмыс, мәтінмен жұмыс.

Сабақтың барысы:

I Ұйымдастыру кезеңі: Сәлемдесу, оқушыларды түгендеу.

II Жаңа сабақ: (Оқушыларға Не білемін? Не білгім келеді? Не білдім? Парақтары таратылады)

1. Ой шақыру: Сұрақтар қою. (Сөзжұмбақ шешімін ашу)

1. Бүгін нешесі?

2. Бүгін аптаның қай күні? (Сенбі)

3. Бүгін ауа райы қандай?

4. Бүгін кім жоқ? (Түгел)

5. Бүгін қазақ тілі сабағы нешінші сабақ? (Бірінші)

6. Сендер нешінші сыныпта оқисыңдар? (Жетінші)

• Ортасында қандай сөз шықты? (Жеті)

• Ендеше бүгінгі біздің тақырыбымыз жеті санымен байланысты болады. «Киелі сан жеті»

• Сабақ басталмас бұрын, мен сендерге жеті қасиетті сан туралы қосымша мәліметпен таныстырамын.

• Бүгін біз сабақта, сабақ бойы проблемалық сұраққа жауап іздейміз.Проблемалық сұрақ: «Киелі сан жеті неге қасиетті деп атаймыз?»

Бұл қызықты:

Қазақ халқында жеті саны киелі деп есептеді. Себебі, орта ғасырларда ғалымдар жеті күнге, жеті жұлдызға ат берген. «Жеті» сөзімен байланысты халқымызда жеті қазына, жеті күн, жеті ата, жеті ұрпақ, жеті байлық сөздері пайда болған. Тәуке ханның «Жеті жарғысы» да жеті санының қасиеттігіне байланысты болған. Қасиетті «7» санына байланысты:

1. Жеті ата

2. Жеті жоқ

3. Жеті ұрпақ

4. Қазақстанныі жеті кереметі

5. Жеті ғашық т.б

6. Наурыз көженің 7 тағамы.

• Сендер екі топ болып отырсыңдар. Қазір сендер топпен тапсырмаларды орындайсыңдар.

1 Тапсырма: Оқушыларға мәтіндер таратылады. 1 топқа - «Жеті ата», 2 топқа - «Жеті ұрпақ» деген мәтіндермен жұмыс жүргізу.

• Қазір сендер осы мәтіндерді мұқият оқып, аударасыңдар. Содан кейін мәтіннің мазмұнын айтып беру керек. Ватмандар таратылады. (жұмысына 15 мин)

• Мәтін бойынша сұрақтар қою.(1 топқа)

1. Жеті атаны атап шық?

2. Жеті ата кімнен бастап тарайды?

3. Өзінің жеті атасын атап шық?

(2 топқа)

1. Жеті ұрпақты атап шық?

2. Ата салты бойынша ұрпақ жүрежатқа жеткеннен кейін, ел қалай деп есептеді.

3. Жеті атасын атап шық?

• Бағалау парағы бойынша оқушылар бәр - біріңді бағалайды.

2 Тапсырма: Интерактивті тақтада әр топ бір - бір сөйлемнен талдау жүргізеді. Жұрнақ, жалғауларын анықтайды.

• Енді сабақты қорытындылайтын болсақ! Проблемалық сұраққа қайтадан қайтып келеміз. Сонымен Киелі сан жеті неге қасиетті деп айтамыз?

• Рефлексия: «Бағдаршам» .Оқушылар сабақты бағалайды.Сабақ ұнайтын болса, жасыл түсті дөңгелекті көрсетеді, ұнамаса, қызыл түсті дөңгелекті көрсетеді.Сабақ бойынша сұрақтар немесе түсініксіз сұрақтар болса, сары түсті дөңгелекті көрсетеді.

• Сабақ аяқталды!

• Сау болыңыздар!