Жас мамандарға «Сәтті адам –бұл Мен» аясында тұлғалық өсу тренингі

Жас мамандарға «Сәтті адам - бұл Мен» аясында тұлғалық өсу тренингі

Мақсаты:Жас маман педагогтарының жетістікке жету үшін ішкі позицияларының қалыптасуы.

Міндеттері:

1. Педагогтардың жеке сенімділік аясының кеңейтілуі;

2. Қоршаған орта адамдарымен өзара тиімді әрекет ету үшін жеке тұлғаның күшті қасиеттері;

Жұмыс барысы:

1.Ережемен танысу

- Салеметсіздер құрметті ұстаздар ұжымы менің есімім ...

Біздің бүгінгі жұмысымыз бірнеше ережелерден тұрады, нақтырақ айтсақ:

• қарым -қатынастың сенімді стильі;

• болып жатқан іс-әрекетке белсенді ат салысу;

• «мұнда және енді» принципі бойынша қарым-қатынас;

• сұхбаттасушыға құрмет;

2. Сәлемдесу.

Құрал-жабдықтар: визиткалар, фломастерлер, ине мен түрлі -түсті қарындаштар.

- Визитканы әрлендіру яғни тренингтегі есіміңізді көрсету керек.Өз есіміңізді басқа қатысушылар жақсы есте сақтайтындай етіп құрастыру қажет.

Сұрақтар:

• Тренинг қатысушылары жайлы жаңа ақпарат біле алдыңыз ба?

• Не нәрсе есте сақталды?

• Қазір қандай сезімдесіз?

3. Жаттығу «Мадақтама әткеншегі»

- Барлығымыз да балалық шағымызда әткеншекке отырғанды ұнататынбыз,ал қазір біз сіздермен мадақтама әткеншегіне отырамыз. Ол үшін екі шеңбер жасауымыз қажет (сыртқы және ішкі) және бір-бірімізге бетпе-бет тұруымыз керек. Адам алдында тұрғанда оған мадақтама айту керек,бірінші адам алдында тұрған кезде ғана әткеншек тоқтатылады.

Сұрақтар:

• Қазір қандай сезімдесіз?

• Сіздің жағдайыңызда не өзгерді?

• Жаттығу қиындық туғызды ма?

4. Жаттығу«Мақтау»

- Енді сіздердің жетістіктеріңіз жайлы әңгіме қозғасақ.Өмір әртүрлі болғандықтан оның қандай да бір сферасында сіздің жетістігіңіз бар. Қандайда бір жетістіктеріңізді естеріңізге түсіріп көріңіздер,соңғы уақыт ішінде оның үлкен немесе кіші болғаны маңызды емес. Ең бастысы жетістігіңіздің сізге маңызды болғаны.Осы жайлы 1-2 минут ойлансақ.

- Қазір сізге өзіңіздің жетістігіңіз жайлы барша отырған адамдарға айтуыңыз керек. Қуантқан әсеріңізді көрсетуге тырысыңыз.Жетістігіңізбен бөліскен адам сізге «Сен үшін қуаныштымын» деп жауап береді.

Сұрақтар:

• жетістігіңізді айту оңай болды ма?

• басқалар жайлы жаңа ақпарат біле алдыңыз ба?

• басқалармен бірге қуану оңай болды ма?

• өзіңіздің жетістігіңіз жайлы айтқанда қандай сезімде болдыңыз?

5. Жаттығу «Қорғаныс нүктесі»

Құрал-жабдықтар: қалам, ақ қағаз.

- Жетістікке жеткен жағдайда біз өзімізді сенімді ұстаймыз.Оның сіз үшін маңыздылығы? (пікірлесу).Ол үшін сізге қажетті нәрселерді жазыңыз

- Өзімізбен жұмыс немесе өзін-өзі өзектендіру тек қателіктер анализі мен әлсіз жақтарымен күресу деген түсінікпен қалыптасып қалғанбыз.Бірақ, өзімен жұмыс жасау барысында ескеретін бір жайт,өзіміздің бойымыздан дос немесе көмекшіні табу болып табылады. Әрқайсымыздың бойымыздан күшті жақтар табылады,бірақ оны табу оңайға соқпайды. Кейбіреулер тіпті, өздеріне қызмет ететін ішкі «қорғаныс нүктесі» болатын қасиеттермен игермейміз деп те ойлайды. Сіздердің назарларыңызды «күшті жақтар-бұл мінездің жағымды қырлары мен жетістіктері» екендігіне аударғым келеді.

- қазір тренингтің әр қатысушылары 3-4 минут аралығында өзінің «күшті жақтары» туралы ойланып, айтуы керек,ішкі сенімділік өзіне не беретіндігі және өмірдің әртүрлі жағдайларындағы қорғаныс нүктелері жайлы сөз етуіміз керек.

Сұрақтар:

• Жаттығуды орындау барысында қандай сезім бойыңызды биледі?

• Қатысушылардың пікірлеріндегі ортақ нәрселер?

6. Жаттығу «Қызғалдақтың ашылуы»

- Шығыс пен Батыс елдерінде ерте заманнан келе кейбір гүлдер «Мен» символы ретінде қарастырылған.Үнді мен Тибетте -лотос, Европа мен Персияда - раушан гүлі.Біздің елімізде-қызғалдақ гүлі.Сондықтан сіздерге «Қызғалдақтың ашылуы» жаттығуын орындауды ұсынамын. Бұл сіздерге ішкі өмірлік күшті сезінуге мүмкіндік береді.

Сұрақтар:

• қазір сіз қандай сезімдесіз?

• жаттығуды орындау барысында қиындықтар болды ма?

7. Жаттығу «Шынайы қарапайымдылық»

Құрал-жабдықтар: ақ қағаз, түрлі-түсті қарындаштар.

- Біз өзіміз жайлы жақсы айтқанда жетістікке жетуге жақсы көмектеседі,қиын жағдайларды уайымдап, жұмысты аяғына дейін жеткізуге көмектеседі

.- Қазір сіздер маңызды үш нәрсені ойлаңыздар,үйренгіңіз келетін немесе қазіргіден жақсырақ орындағыңыз келетін іс-әрекеттер. Осы үш нәрсені еске ала отырып, жасай алатындарыңызға сеніңіз.Мұны сенімді түрде құрастырыңыз.Мысалы: «Мен өте жақсы жүземін», «Қызықты мақалалар жазамын». Алдарыңыздағы қағазға енді осы айтылғандарды үлкен әріппен жазып, рамка салыңыздар.Өздеріңіздің плакаттарыңызды барлық қатысушыларға көрсетіп,онда не жазылғаны туралы баяндап беріңіз.

Плакаттарыңызды үйге алып, жиі қараған сайын осы айтылғандар шынайылыққа айналуы әбден мүмкін.

8.Ойланайық, пікірлесейік айдары «Жағдаятты талдау»

Қабылдаудың визуалды (көзге көрінетін) түрі-көзбен қабылдау.Адам көзбен қабылдай отырып,өз назарын заттардың пішіні, көлемі,өлшемі, түсі сияқты қоршаған дүние шындықтарының ерекшеліктеріне жинақтайды.Оның ауызекі тілінде «мынау былай көрінді», «көріп тұрсыз ба» деген сияқты сөздер басым келеді.

Визуалдық (көзбен көру) -есту арқылы қабылданатын ақпарат қабылдаудың аудиалдық каналының арқасында қолайлы болмақ.Қабылдаудың аудиалдық типі басым болғанда,адам дыбыстардың сипатына,тілдік ерекшеліктерге,сұхбаттасушылардың дауысына назар аударады.

Есту (аудиалдық)-сигнал сөздер: «тыңдаңызшы», «тыңдағым да келмейді».

Кинестетикалық (қолмен)-қабылдаудың кинестетикалық каналы (грек тілінде «кинес»-«қозғалыс») сезім рецепторларынан келіп түсетін эмоциялық райды, ақпараттың талдауы үшін «жауапты». Осыған орай, үш түрлі: визуалдық, аудиалдық және кинестетикалық тәсіл арқылы ақпаратты енгізіп, тренинг қатысушылары алдарында отырған оқушыларға қабылдаудың қай түрімен ақпаратты меңгертетіндігін айқындау.Қатысушыларды әр топқа бөліп,қабылдаудың үш түрі бойынша талқылау.

9.Қызықты ойындар (слайд)

1. бес жануар аты беріледі,оларды өз қалауыңызбен реттеп жазыңыз:

• карьера;

• ар-ұят, ождан;

• махаббат;

• отбасы;

• ақша;

2. Мыналарға анықтама беріңіз:

• Ит;(өзін-өзі бағалау);

• Мысық;(жақсы көрген кісінің қасиеті);

• Егеуқұйрық (жек көретін кісі);

• Кофе (отбасындағы қарым-қатынас);

• Теңіз (өмір жолы)

3. Келесі түстердің қасына өзіңіздің жақындарыңыздың аттарын жазып шығыңыздар:

• Сары;(ешқашан ұмытпайтын кісі)

• Қызғылт сары;(ең жақын досың)

• Қызыл;(жақсы көретін адамың)

• Ақ;(жаныңа жақын кісі)

• Жасыл;(өле өлгенше ұмытпайтын адам)

10. Рефлексия (арнайы дайындалған бланк)

• Не білдіңіз?

• Не үйрендіңіз?

• Нені қолдана аласыз?

• Нені үйренгіңіз келеді?

• Не таңқалдырды?

• Не қанағаттандырмады?

11.Қоштасу Өзіңіздің меңгеру деңгейіңізді бағалау

-білмеймін

-күдіктімін

-жақсы меңгердім

Өзіңіздің меңгеру деңгейізді бағалау үшін тренингтегі ақпаратты қабылдап игергеніңізге қарай тор көздің біреуіне белгілеп қойыңыз.

Рефлексия

Тренер_______________________________________________________________________

Тақырыбы___________________________________________________________________

Аты-жөні_____________________________________________________________________

Ауданы,қаласы_______________________________________________________________

Мектебі______________________________________________________________________

Мамандығы__________________________________________________________________

Не білдіңіз?

Не үйрендіңіз?

Нені қолдана аласыз?

Нені үйренгіңіз келеді?

Не таңқалдырды?

Не қанағаттандырмады?