Төр: «Давтхм! Медхм! Тодлҗ авхм!»

Төр: «Давтхм! Медхм! Тодлҗ авхм!»

Кел өргҗYлhнə кичəл.

КYцл: дассн төрмYдəн , YгмYдəн, YлгYрмYдəн, дуд давтх; дассн ахр шYлгYд,

дарҗнгуд сергəhəд давтҗ, тодлҗ, бичкдYдин кел өргҗYлх ;

нег - негндəн дөң болдг, ах кY тевчдг, ни- негн бəəдг сурhмҗ өглhн.

Yзмр дөнцлмYд: мультипроектор, компьютер, презентац

Кичǝлин йовуд.

I. Сурhмҗлачин цǝǝлhвр Yг.

- Мендвт, мини бичкн нǝǝҗнр болн гиичнр! Мана кичəлин төр «Давтхм!

Медхм! Тодлҗ авхм! Кел өргҗYлhнə кичəл. (Слайд 1)

Эндр бидн кичǝлдǝн дассн төрмYдəн, YгмYдəн, YлгYрмYдəн, ахр шYлгYдəн,

дарҗнгуд сергəhəд давтҗ, товчлҗ авхмн, дассн келлhнə чадвран улм

цааранднь өөдлYлхмн ;

Сурhмҗлач: Кезǝнǝ - кезǝнǝ нег гер бǝǝҗ. Эн гер өндр, эн гер ик бǝǝҗ. Герт ора бǝǝнǝ ( хойр альхан негдYлǝд бичкдYд давтад YзYлнǝ). Эн герт турва, терз

бǝǝнǝ. Эн герт YYдн бǝǝнǝ. (Слайд 2)

Сурhмҗлач: Герин ора юуна бǝǝдлтǝ?

БичкдYд: Герин ора hурвлҗна бǝǝдлтǝ.

Сурhмҗлач: Герин өнцг юуна бǝǝдлтǝ?

БичкдYд: Герин өнцг hо булңта.

Сурhмҗлач: Эн герин терз юуна бǝǝдлтǝ?

БичкдYд: Герин терз дөрвлҗн бǝǝдлтǝ.

Сурhмҗлач: КедY терз бǝǝнǝ?

БичкдYд: Һурвн терз бǝǝнǝ.

Сурhмҗлач: Эн герт кен бǝǝнǝ? (Слайд 3)

БичкдYд: Эн герт аав бǝǝнǝ.

Сурhмҗлач: Аав ямаран ?

БичкдYд: Аав көгшн, аав сахлта.

Сурhмҗлач: Бас кен бǝǝнǝ?

БичкдYд: Бас ээҗ бǝǝнǝ.

Сурhмҗлач: Ээҗ ямаран ?

БичкдYд: Ээҗ көгшн.

Сурhмҗлач: Эн герт бас кен бǝǝнǝ?

БичкдYд: Эцк бǝǝнǝ.

Сурhмҗлач: Эцк ямаран?

БичкдYд: Эцк чидлтə?

Сурhмҗлач: Эн кемб?

БичкдYд: Эн эк.

Сурhмҗлач: Эк ямаран?

БичкдYд: Эк сəəхн.

Сурhмҗлач: Бас кен бǝǝнǝ?

БичкдYд: КYYкн бǝǝнǝ.

Сурhмҗлач: КYYкн ямаран?

БичкдYд: КYYкн ухата.

Сурhмҗлач: Эдниг цуhараhинь нег Yгəр яhҗ келхмб?

БичкдYд: Ɵрк - бYл.

Сурhмҗлач: Эн Ɵрк - бYлд йир көгшн, йир кYндтǝ кYн кемб?

БичкдYд: Йир кYндтǝ кYн - эн аав.

Сурhмҗлач: Ɵрк - бYлин тускар ямаран YлгYр меднǝвидн?

БичкдYд: «КYн ахта - девл захта».

Сурhмҗлач: Ода бичкдYд оньган өгəд соңтн. Мана Yр көвYн Боован Юра эврəннь өрк - бYлин тускар келҗ өгхəр седҗəнə. (Слайд 4)

Сурhмҗлач: Чик йир сǝн. Ɵрк - бYлин туск ямаран наад бидн меднǝвидн?

БичкдYд: Эн хурhн - аав, эн хурhн - ээҗ, эн хурhн - эцк, эн хурhн - эк, эн хурhн - би. Мини өрк - бYл ни - негн.

Сурhмҗлач: Сǝн. Ээҗ - аав хойр ач кYYкǝн йир дурлна. Ач кYYкндǝн дала сǝн юм дасхна. Яhҗ бийǝн бǝрхм? Кен келнǝ?

БичкдYд: 1. Элкǝн бичǝ тевр - экд му болх.

2.Нурhан бичǝ YYр - эцкд му болх.

3. Тавган бичǝ харhул - му йор.

Сурhмҗлач: Йир сǝн, ода тадн меднǝт: « Яhҗ бийǝн бǝрх» гидг зокалмуд.

/ бичкдYд цуhарн «Ээҗ ю келǝ?» гидг ду дуулна/

Сурhмҗлач: Эк - эцк кYYкндǝн дала юм белглнǝ. Эн юмб? (Слайд 5)

БичкдYд: Эн бYшмYд, эн майг, эн беелǝ…

Сурhмҗлач: Тиигǝд, эдниг нег Yгǝр яhҗ келхм?

БичкдYд: Эн хувцн.

Сурhмҗлач: Чик, сǝн кYYкд. Тиигǝд мана кYYкн Саглр hаза hарад наадхар йовна. Саглр доhчн йовҗ тYргǝр иим ахр шYлг келнə:

« Манахн, манахн, маңhдур нYYхм…» / цуhар дураhад доhчна /

Сурhмҗлач: Тиигəд кYYкн доhчад йовҗ йовхла хаша деер суусн керə Yзнə. Саглр керəг наадлад келнə: «Сə кел, сə кел

Сурhмҗлач: Саглр кYYкн цааранднь йовҗ йовхла Yкр харhна. Yкр ямаран?

БичкдYд: Yкр өндр, Yкр ик. (Слайд 6)

Сурhмҗлач: Yкр маднд ю өгнə?

БичкдYд: Yкр маднд мах, Yс, тос, өрм, арс өгнə.

Сурhмҗлач: Дəкəд Саглрд темəн харhна. Темəн ямаран?

БичкдYд: Темəн өндр, темəн ик.

Сурhмҗлач: Темəн маднд ю өгнə?

БичкдYд: Темəн маднд мах, булл, арс өгнə.

Сурhмҗлач: Йир сəн. Yкр темəн хойр ямаран мал?

БичкдYд: Yкр темəн хойр герин мал.

Сурhмҗлач: Темəнə йовдлын тускар ямаран шYлг меднəвидн?

БичкдYд: « Хатхм ишк, хатхм ишк,

Хаhрхаhинь олҗ ишк.

Цумлн ишк, цумлн ишк,

Цоорхаhинь олҗ ишк .»

Сурhмҗлач: Чик, йир сəн. Тиигəд мана кYYкн цааранднь йовҗ йовна. Һаза дала кYYкд Yзнə. Эдн цасар наадҗана. Цасна туск ямаран тəəлвртə тууль меднəт? (Слайд 7)

БичкдYд: « Деер цаhан, дор цаhан.»

Сурhмҗлач: Чик, цасн ямаран?

БичкдYд: Цасн цаhан, киитн.

Сурhмҗлач: җилин ямаран цагла цасн орна?

БичкдYд: Цасн Yвлəр орна.

Сурhмҗлач: Нə, цуhар долда хаяд наадхмн. ТYрYлəд бичкн долда кетн, дəкəд дунд долда, чилгчəрнь ик долда кеhəд. Цуhарн ни - негн наадад, байрлхмн!

Сурhмҗлач: Иигəд, бидн кичəлəн төгсəхмн. Гертəн хальмгаhар келтн. Менд, байрта харhия! (Слайд 8)

3