Творчество учеников (Сурһульчнрин билг-эрдм)

Мана баатрмуд

Дөчн негдгч җилд

Дәәнә һалв шатла.

Эврә Төрскән харсхар

Эӊкр үрднь босла.

Хортн күчтә гиҗ,

Хооран цухрсн уга.

Халун цусан асхҗ,

Хортн дәәсән дарла.

Кедү мана баатрмуд

Күүнә һазрт кевтнә.

Көләр одсн гидгт

Көгшн ээҗнь күләһә.

Цевр җирһлин төлә..

Цусан асхсн баатрмудт

Мөӊк зулнь герлтҗ,

Мөӊкршго нерднь бичгдлә.

Битүкән Санҗ.

Мана теегин сәәхлә.

Киитн булгин уста,

Көк өвстә Һазрт,

Өлг теҗәл кеҗ,

Гөрәсн аӊ бәәршлнә.

Сәәхн теегин гөрәсн

Салькн мет хурдн

Җирлсн җирлҺн мет

Җирлзҗ холд үзгднә.

Җигтә иим сәәхләг

Җилмүдиннь туршарт үзхиг,

Хөв өгснднь җирҺлдән

Ханлтан би өргнәв!

Хальмг теегин сәәхләг

ХадҺлх арҺ хәәхмн,

Әмтнд туста аӊгин

ТооҺинь улм икдүлхмн!

Надбитова Булгун.

Цаhан сарин йөрәл.

Υвләс менд һарсн

Аршан-Булгин улс.

Әмәрн өнр болҗ,

Аһрусарн байн болҗ,

Теңгрин өвчн уга,

Төрчин аюл уга,

Салаһартн тосн һоҗҗ,

Уух-идхтн олн болҗ,

Өвсн-тоосн элвг болҗ,

Дөрвн зγсн малтн

Дала-нала болҗ,

Кесн кергтн өмәрән йовҗ,

Дән-даҗг уга,

Җиләс җилд γвләс менд һарч,

Цаһаһан кеҗ,

Җирһҗ, байрлҗ йовхитн

Олн деедс бурхд өршәх

Болтха!

Лиджин Дава

Гөрәсн теегин кеермҗ.

Өргн теегин аһуд

Көк өвстә һазрт

Өлг-тееҗәл кеҗ

Гөрәсн аң бәәршлнә.

Ке сәәхн кевцтә

Кезәңк буурл тохмта,

Хар зеегтә нγдтә,

Хамгин ик хамрта.

Хурц хойр өвртә.

Хурдн нәрхн көлтә.

Хөв-кишгән олсн

Хальмг теегт байрлна

Бичкн сәәхнь цагдань

Байрлҗ өөрнь тогльна

Гөрәсн - йиртмҗин бахмҗ

Гөрәсн - теегин кеермҗ!

Хальмг теегин кеерγлиг

Хадһлх арһ хәәхмн.

Әмтнд туста аңгин

Тооһинь улм икдγлхмн!

Лиджиев Санал.