Конспект урока по крымскотатарскому языку Антонимлер

Раздел Другое
Класс -
Тип Конспекты
Автор
Дата
Формат doc
Изображения Есть
For-Teacher.ru - все для учителя
Поделитесь с коллегами:

Дерс конспекти

Дерс мевзусы: Антонимлер.

Дерс макъсады: 1. «Синонимлер» акъкъында талебелернинъ бильгилерини умумийлештирмек, текрарламакъ. 2.«Антонимлер» мевзусынен багълы янъы малюмат бермек ве пекитмек. 3. Талебелернинъ агъзавий ве язма нутукъларыны зенгинлештирмек, инкишаф этмек. 4.Талебелерге Ватангъа, Ана тильге севги дуйгъуларыны ашламакъ.



Дерс теминаты: дерслик, джедвель, даркъатма васталар (карточкалар).



Дерс кетишаты



  1. Тешкилий къысым. Селямлашув, дерске кельмегенлерини къайд этюв, талебелерни дерснинъ макъсадынен танытув.

  2. Кечкен мевзуны тешкерюв, текрарлав.

  1. Фронталь суаль - джевап:

а) Ресимде къач шей тасвирленген?(бир шей) Бу шейлер бир къач сёзнен адлангъанмы, я да бир сёзненми? (Бир къач сёзнен)

б)Насыл сёзлерге синонимлер дейлер?(айры предметлер(алямет,арекетлер) бир къач сёзнен адлана билирлер, бойле сёзлерге синонимлер дейлер)



2. Учь талебе тахта узеринде карточкаларнен чалыша. Вазифелер:

Карточка № 1.

Берильген сёзлерге синонимлер тапмакъ ве олардан джумле тизмек.

Дюльбер, къартана, мышыкъ,беяз,текяран.

Карточка №2.

Синонимик сыралар тизмек.

баш бита

давуш бузлады

бу дюльбер

ушюди сес

гузель шу

ката къафа

Карточка №3.

Берильген ата сёзни анълатынъыз, синонимик сёзлерни тапынъыз.

Терек не къадар юксек оссе де, тамыры ердедир.

  1. Эв вазифени тешкерюв. 24-юнджи иш: Берильген сёзлерге синонимлер тапмакъ ве олардан джумле тизмек.



  1. Янъы мевзуны анълатув.

Талебелерге проблем усулы иле янъы мевзуны анълатмакъ ичюн, бойле вазифелер бериле:

Берильген сёз бирикмелерни талиль этинъиз:

а) Тузлу аш- тузсуз аш (къарама-къаршы мана, амма сёзлер тамырдаш)

б) Гузель къыз- чиркин къыз (биринджи сёз бирикмеде яхшы,дюльбер къыз косьтериле; экинджи сёз бирикмеде ярамай, чиркин къыз; сёзлер тюрлю тамырлы)

Оджа ярдымы иле талебелер нетидже чыкъаралар:

Къаршы маналы сёзлерге антонимлер дейлер. Олар тизимине коре тамырдаш ве тюрлю тамырлы олалар.



  1. Янъы мевзуны пекитюв.

  1. Учь талебе тахта узеринде чалыша. Карточка вастасынен вазифелер бериле:

Карточка №1.

Берильген сёзлернинъ антонимик чифтини тапмакъ.

Сагъ тараф,тазе отьмек,анда тура, ярыкъ гедже.

Карточка №2.

Антонимлернен джумлелер тизмек.

Беяз-къара, котериле-тюше, къадын-эркек.

Карточка№3

Антонимик сыралар тизмек.

кучюк индемек

къалын тузсуз

тузлу индже

татлы къатты

йымшакъ аджджы

лаф этмек буюк





2.Эки талебе «Интервью» ( Журналист белли спортчыдан интервью ала) вазиетке эсасланып, диалог тизелер. Диалогта антонимик сёзлерни тампакъ ве оларнынъ чифтини айтмакъ.

3.Къалгъан талебелерге ресимлер косьтериле, бу ресимлерге эсасланып олар антонимик сёзлерни къулланып экишер джумле тизелер.

4. Кроссворд. Тахтада оджа кроссворд чезе.

Конспект урока по крымскотатарскому языку Антонимлер



V. Дерсни умумийлештирюв ве нетиджелев.

1) Насыл сёзлерге синонимлер дейлер? (сёзлер бам-башкъа, мана бир).

2) Насыл сёзлерге антонимлер дейлер? (къарама-къаршы мана ифаделеген сёзлерге)

3) Тизимине коре антонимлер насыл олалар? (тамырдаш ве тюрлю тамырлы)



VI. Эв вазифеси:

1. Къаиделерни эзберлемек (С. 10, 11, 14).

2. 27-иш (С.12) Джумлелерден антонимлерни сечип алув, 34-иш (С.13) Берильген сёзлернинъ антонимик чифтини тапмакъ.



VII. Баалав.



Конспект урока по крымскотатарскому языку Антонимлер



Конспект урока по крымскотатарскому языку Антонимлер

Конспект урока по крымскотатарскому языку Антонимлер

© 2010-2022