Сценарий школьного ысыаха Ысыах-2015

Аламай маҥан күн сырдык чаҕыла саамай үрдүүр, уһуннук тыгар кэмигэр, үрүҥ тунах ыйыгар сахалар былыр былыргыттан ураһаҕа тахсар саҕана ыһыах ыһаллара, оһуокайдаан итии тунах күнтэн күүс-сэниэ ылаллара, күнү көрсөллөрө. Дьыл уларыйан эргэ дьыл ааһан саҥа дьыл үүнүүтүгэр Үрүҥ Аар Тойоҥҥо, Аан дойду иччитигэр, Иэйэхсит ийэҕэ, Дьөһөгөй Айыыга элбэх үрүҥ-хара түүлээҕи сылгыны- ынаҕы дьайбыт махталларыгар баай киһи ыһыаҕы тэрийэрэ эбитэ үһү. Былыргы баайдар сыл аайы ыһыах ыһар буоланнар ыһыах ыһар сирдэрэ аналлаах буолар эбит. Ол сирдэрэ түһүлгэ диэн ааттанар эбит. Ыһыахха былыр саха дьоно саамай мааны таҥастарын таҥнан, көмүстэрин иилинэн киэргэнэн-симэнэн, үөрэн-көтөн, кырдьаҕастыын- эмэнниин бары түһүлгэҕэ мусталлара. Чугастааҕылар сатыы, ыраах олорооччулар оҕуһунан, атынан кэлэллэрэ. Ол үгэс үөдүйэн күн бүгүҥҥэ дылы саха омук саамай кэтэһиилээх бырааһынньыга ыһыах буолар!

Чэйиҥ эрэ, "Самаан сайыны уруйдуубут" диэн ыһыахха аналлаах кэнсиэрбитин саҕалыырбытын көҥүллээҥ.

• Сыанаҕа дохсун ытыс тыаһынан көрсүҥ улуустааҕы доруобуйаларынан хааччахтаах о5олор Сааскы мичээрдэр күрэхтэригэр 2 миэстэлээх Ангелина Бурнашеваны, үҥкүү «Амсат эрэ дьэдьэҥҥиттэн". Уус-уран салайааччы Розалия Михайловна Федорова.

Элбэх омук кутун туппут

Хохуруолаах тыллаах

Хоҥкунас тыастаах

Холобура суох хоһоонноох,

Хомус барахсан.

• Сыанаҕа ыҥырарбын көҥүллээҥ Динара Дмитриеваны. Хомус. Уус-уран салайааччы Розалия Михайловна Федорова.

Ырыа. Төһөлөөх киһи санньыар курус санаатын уоскутан, үөрүүтүн-көтүүтүн өрүкүтэн, ымыы чыычаахтыы тэлээрэ көппүтэ буолуой? Ырыа-олох аргыһа, үйэлэргэ сүппэт үтүө үгэс, ырыа үөскүүр ылланаары.

• 3 кылаас үөрэнээччилэрин толоруутугар __Айылҕа __. Уус-уран салайааччы Л.В. Горохова.

Музыка для всех проект үлэлиэҕиттэн оҕолорбут фортепиано кружогар үөрэ-көтө фортепианоҕа оонньуур буолан эрэллэр. Эһиги иннигитигэр

• Маша Попова толоруутугар матыыптар. Уус-уран салайааччы Пермякова А.Г.

Күөх сайын биир сүрүн бэлиэтинэн кэрии тыаҕа кэҕэ кыылбыт этиитэ буолар. Кини чоргуйар саҥата сарсыардааҥы сарыалы кытта тэҥҥэ, киэһээҥҥи имниин бииргэ иһиллэр. Субу да түгэҥҥэ кини биһигини кытта тэҥҥэ үөрэр-көтөр, ыллыыр-туойар, самаан сайыны уруйдуур.

• Дохсун ытыс тыаһынан көрсүҥ 1 кылаас үөрэнээччилэрин толоруутугар ырыа "Сайын". Горохова Любомирв Васильевна.

Сарсыарда үрэххэ киирбитим:

Оҕолор сөтүөлээн чалбыыллар,

Умсаллар, куотуһан харбыыллар,

Кумахха оонньууллар, ыллыыллар.

• Сыанаҕа ыҥырабын 2 кылаас чабырҕахсыттарын "Көрдөөх оҕолор". Уус-уран салайааччы Горохова С.Д.

Сайын күөлгэ күн умайар,

Тыалга сибэкки үҥкүүлүүр,

Кэрээбэт кэҕэ манна этэр,

Күөрэгэй ыллаан дьиэрэтэр.

• Улуустааҕы күрэхтэр кыттыылаахтара Лера Бурнашева толоруутугар « Оьуор ойуу айылҕа". Уус-уран салайааччы Любомирв Васильевна Горохова.

Уһун ууга утуйбут

Улуу дойду обургу

Эҕэрдэлээх ырыаҕа

Үөрэ-көтө өндөйдө.

• 3 кылаас үөрэнээччитэ Олеся Гоголева толоруутугар ырыа "Оьуордар". Уус уран салайааччы Алина Гаврильевна Пермякова

Сайын көтөр-сүүрэр барыта тиллэр, үөрэр-көтөр, сырдыыр- мичилийэр. Өссө төгүл самаан сайын кэлбитинэн эҕэрдэлээн туран сыанаҕа ыҥырарбын көҥүллээҥ

• 5 кылаас кыргыттарын толоруутугар ырыа "Тулабар лыахтар көтөллөр". Уус уран салайааччы Алина Гаврильевна Пермякова.

Тэлгэһэбэр тэлгэммиттэр

Тэһэ анньан тахсыбыттар

Оһуор ойуу түһэрбиттэр

Току-току ньээм ньээмнэр.

• 1 кылаас кыргыттарын толоруутугар «Алтан арыы төбөчөөннөр». Уус-уран салайааччы Алина Гаврильевна Пермякова.

Ыһыахха аналлаах кэнсиэри түмүктүүр Артур Оконешников. Сахалыы матыыптар. Уус-уран салайааччы Алена Алексеевна Саввина.

\