«Дені сау ұрпақ – ұлт болашағы»

Тақырыбы: «Дені сау ұрпақ - ұлт болашағы»

Мақсаты: балаларға адам денсаулығының қымбаттылығы, өмір сүру үшін қажеттілігін, бағалы байлық екенін түсіндіру. Балаларымызды сұлу да сымбатты, денсаулығы зор, күшті болуы үшін денені шынықтыру, оларға спортпен айналысу қажет екенін түсіндіру үшін, ата-аналарын үлгі ретінде ойынға қатыстыру, екі жақты қарым-қатынасты нығайту. Тәрбиеленушілерді салауатты өмір салтына тәрбиелеу.

Көрнекілік: қанатты сөздер

Қажетті құралдар: доп, обруч, скакалка, қапшық, үлкен шар

Жүргізуші: Сәлеметсіздерме құрметті ата-аналар, тәрбиеленушілер, қонақтар және біздің әділ қазылар! Бүгінгі біздің көңілді ойынға қош келдіңіздер! Ойынның барысына «Дені сау ұрпақ - ұлт болашағы» деген тақырыпты алдық. Себебі біздің тәуелсіздігімізді алғалы міне 20 жылдың жүзі өтті. Осы аралықта біз өте жоғары жетістіктерге жеттік және біздің болашағымыз, әрі қарай өрлеуіміз Қазақстан жастарының қолында. Сондықтанда жұмыста жемісті болу үшін, дамылсыз еңбек ету үшін ең алдымен бізге денсаулық маңызды. Дені саудың жаны сау демекші бүгінгі іс-шарамызды бастайық. Сонымен бүгінгі күннің жарысушы топтарымызды ортаға шақырып, танысайық.

І - бөлім «Таныстыру»

І- топ «Болашақ»

Ұраны:

Топ капитаны топтың атывн қорғайды:

ІІ-топ « »

Ұраны:

Топ капитаны топтың атывн қорғайды:

Жүргізуші: Құрметті қатысушылар мен жанкүйерлер ойынның дұрыс, әділ болуын әділқазылар қадағалайды. Әділқазывлармен танысайық: директордың тәрбие ісі жөніндегі орынбасары Сағывндықова А.Ү., дене шынықтыру пәні мұғалімі

Ойынның ұпай сандарын 1-3ұпай сандары бойынша бағалайсыздар.

ІІ-бөлім «Ойындар»

1. « допты біріне-бірі беру»

Шарты: командалар колонналарға тұрғызылып, қатысушы қолдарын жоғары көтереді. Бірінші тұрған ойыншы допты келесіге береді, ол әрі қарай жалғастырып кете береді, осылай ең соңғы тұрған ойыншы бірінші болып тұрса сол топ жеңді.

2. «доппен секіру»

Шарты: әр ойыншы допты аяқтарының ортасына қысып алып кеглиді айналып,допты келесі ойыншыға береді.

3. «қапшықпен секіру»

Шарты: әр топтың ойыншысы кезек-кезек қапшықты киіп секіреді. Бірінші болып аяқтаған топ жеңеді.

Жүргізуші: қане жанкүйерлер ойыншыларымызға қолдау көрсетейік.

Келесі ойынымызға көшейік.

4. «қаз жүрісі»

Шарты: әр топтың ойыншысы «қаз» жүрісімен белгіленген жерге дейін барып, сол жүріспен қайтып келуі тиіс. Жүріс кезінде тұру, аяғына дейін істемеу ойын шартының бұзылуы деп есептеледі және сіздердің ұпай сандарыңыз төмендетіледі.

5. «кенгуру» ойыны

Шарты: сіздерге үлкен шар беріледі. Осы шардың үстіне отырып кеглиді айналып келесіздер де шарды келесі ойынша бересіздер. Ең соңғы ойыншыға дейін жалғасады. Бірінші келген топ жеңімпаз.

Жүргізуші: Жарайсыздар ойыншылар! Енді келесі ойынымыз «бәйге» деп аталады. Бұл ойында сіздерге денсаулыққа байланысты толық емес мақал-мәтелдер беріледі, олардың жалғасын тауып, шешулеріңіз керек. Әділ-қазылар әр топта 4 мақал-мәтелден берілген. Әр тапқан мақал-мәтелге 1 ұпайдан қоясыздар.

І топқа

1. Денсаулық - ..... (зор байлық)

2. Ас тұрған жерде - ..... (ауру тұрмас)

3. Тазалық - .... ( саулық негізі)

......... (саулық байлық негізі)

4. Тәні саудың - ...... (жаны сау)

ІІ топқа

Емнің алды - ...... (еңбек)

2. Ішің .... аузыңды .... (ауырса, тый)

3. Ауру мен ... араз (тазалық)

4. Денсаулық кепілі ....(тазалық)

Жүргізуші: Рахмет. Өте жақсы. Енді келесі жарысымыз «Ойлан тап»

дп аталады. Сіздерге жұмбақтар беріледі. Ойлануға 1 минут уақыт беріледі. Кім бірінші тапқан топ жауап береді.

І топ

Дымқылдап күнде сен

Қолыңа сүйкесең .

Кетіп кір-ласың

Тап-таза боласың (сабын)

Шомылған баланы

аймалап алады

сүртеді қолын да

сүртеді жонын да (сүлгі)

ІІ топ

Аузы жоқ, көзі жоқ

Тілі жоқ, өзі жоқ

Бірақ та тісі бар

Басыңмен ісі бар (тарақ)

Біз едік, біз едік, отыз еуі қыз едік.

Қатар-қатар тізілдік

Кезек -кезек үңілдік (тіс)

Жүргізуші: Қане жанкүйерлер ойыншыларымызға қошемет соғып қояйқ. Әділ қазылар бағаларын қойып жатыр. Қатысушылар ендігі сіздерге сұрақтар қойылады. Сұраққа толық, нақты жауап берулеріңізге қарай әр сұраққа 1 ұпайдан қойылады.

Рахмет! Жарайсыздар! Енді жанкүйрлер топтарымыз үшін бір қошеметтеп қояйық. Әділ-қазылар ұпай сандарын есептеп, жеңімпазды анықтап, ойынның жалпы нәтижесін айтып, мадақтамалар береді.

Жүргізуші: Бүгінгі ойынымыз аяқталды, жеңімпаздарымыз анықталды. Келесі ойындарда жүздескенше, сау болыңыздар!

Жұмбақтар

І топ

Дымқылдап күнде сен

Қолыңа сүйкесең .

Кетіп кір-ласың

Тап-таза боласың

Шомылған баланы

аймалап алады

сүртеді қолын да

сүртеді жонын да

ІІ топ

Аузы жоқ, көзі жоқ

Тілі жоқ, өзі жоқ

Бірақ та тісі бар

Басыңмен ісі бар

Біз едік, біз едік, отыз еуі қыз едік.

Қатар-қатар тізілдік

Кезек -кезек үңілдік

Мақал-мәтелдер

1. Денсаулық - .....

2. Ас тұрған жерде - .....

3. Тазалық - ....

.........

4. Тәні саудың - ...

ІІ топқа

Емнің алды - ......

2. Ішің .... аузыңды ......

3. Ауру мен ... араз

4. Денсаулық кепілі .....