Өзін-өзі тану сабағының пікірі

Пікір

Мен осы пәнді жалпы мектептің оқу жоспарына енгізілгенін қолдаймын. «Өзін-өзі тану» оқулығы да, жұмыс дәптеріндегі берілген тапсырмалар да баланың тұрақты зейіні мен ойын жинақтауға, рухани-адамгершілікке тәрбиелеудегі қажетті жағдайларды қалыптастыруға терең мән береді. Сабақ барысында оқушы жан-жақты ашылып, өзінің нәзік ішкі дүниесінің құндылығын көрсетуге тырысады. Өзін-өзі жеке тұлға ретінде сезінеді. Мұғалімнің басшылығымен оқушының жеке тұлғасының дамуымен қатар оның рухани - құндылық қасиеттері де дами түседі. Оқушылар шығармашылық жұмыстардың көптеген түрлерін пайдалану барысында, өздерінің шығармашылық қабілеттерімен бірге белсенділігін, өз бетінше ойлауын қалыптастырады. Сонымен қатар, әр бала өз пікірін еркін айтып, оны қорытындылап, нәтиже жасауға үйренеді, өз мүмкіндігін бағалауға тырысады. Осы сабақта үйренгенін ана тілі, қазақ тілі, дүниетану сабақтарында да пайдалануға бейімделеді. Сонымен қатар «Өзін-өзі тану» сабағы баланың іздену, зерттеу қабілеттерінің дамуына өз әсерін тигізеді. Сондай-ақ, оқушылардың жан-жақты ойлауы, көз алдына елестетуі, қиялы жақсарады. Оқулықтың дидактикалық негізі ұлттық педагогикамен байланыса отырып, баланы мейірімділікке, елжандылыққа, ізеттілікке, еңбексүйгіштікке, адамгершілікке тәрбиелейді, достыққа, адами қарым-қатынасқа баулиды.

Орыс тілі мұғалімі: Нурбекова М.Ж.

«Өзін-өзі тану» сабағын өту барысында біз таным жолдарын, қарым-қатынас мәдениетіне, адам мен әлем тұтастығын және осы сияқты құндылықтарды бойымызға сіңіре отырып, қызықты сабақтар өтеміз. Мен «Өзінөзі тану» сабағын өте жақсы көремін. Осы пәнді енгізген Сара Алпысқызына ризашылығымды білдіремін.

8 сынып оқушысы: Қапанова Айжан

Осы пәнді жүргізетін Сапарова Назымгуль Социалқызы, пәнге деген қызығушылығын оятып қана қоймай, қызымның бойында адами құнды қасиеттерді аша отырып, өзін-өзі дамытып, шығармашылықпен ізденуге үйретті. Қазір қызым 4 сыныбында оқиды. Өзіндік көзқарасы қалыптасқан, тілі дамыған, ойын жүйелі жеткізе алады, өз ісіне баға беріп, өзгелерге түсіністікпен қарап, қамқорлық жасай алады. Бір байқағаным, адам баласына құрметпен қарайды, ренжітпеуге тырысады. Жақсы қарым-қатынас жасауға әрдайым дайын тұрады. Мұғалімнен үйренген жаттығуларын үйде қолданып, әрдайым жақсы қарым-қатынас туғызып, бізді қуантып отырады. Бұл жетістік осы Сапарова Назымгуль Социалқызының ерен еңбегі деп білемін.

Ата-ана: Искакова Мейрамгүл Еркінқызы

Тіршілік иесі атаулыға аяушылық сезіммен қараудыы үйренген қызым өте мейірімді, қылықтарымен сүйкімді, жан-жақты дамыған, рухани бай, адами құнды қасиеттерді меңгеріп өсіп келеді.

Жеке тұлғаның рухани адамгершілігін дамыту мен адами құнды қасиеттерді меңгертуде «Өзін-өзі тану» пәнінің берері көп. «Өзін-өзі тану» пәні керек және жаппай бүкіл білім ордасында жүргізілсе деген ұсынысым бар.

Ата-ана, педагог-психолог:Бекмуханбетова Жанар Мұқанқызы

«­Өзін-өзі тану» пәні - баланың бойында адамгершілік, махаббат, жауапкершілік, сыйластық сияқты қадір-қасиеттерді қалыптастыратын пән. Жалпы пән тек оқушылардың ғана емес, сабаққа қатысып отырған мұғалім қауымының сезімдерін оятады. Сабақта әр бала өз шығармашылық қабілетін көрсетіп, өз көңіл-күйі мен мінезін сөзі арқылы ұштастыра алады. Оған дәлел 2-сыныпта «табиғатпен сырласу» атты тақырыптағы сабақта, «Мен және менің көңіл-күйім» және «Әдептілік отбасынан басталады» деген тақырыптардағы сабақтардан оқушылардың алған әсерлері мол болды деп ойлаймын. хпәнініңӨмірге дегенкөзқарас, сүйіспеншілік табиғатты қорғау сияқты игі істер сабақта өз жалғасын тауып, үйлесіп кетті. Балалардың сөзі, қимылы, сезімі рухани жағынан байығандай болды. Алдағы таңда бұл пән сәтті табыстарға жетеді деп сенеміз.

тарих пәнінің мұғалімі:

Құнанбаева Гүлзайым Мұратбайқызы

Бұл сабақ арқылы мен нағыз достық не екенін ұғындым.

Дос деген асыл дана,

Дос деген мәңгі пана.

Дос болатын мәңгілік,

Ақкөңіл адам ғана.

Егер адам өзін-өзі ұқса, онда тек қана жақсы істер жасайды.

Біздің мектепте бір сиқыршы кабинет бар. ішіне кірсең көңілің күндей жайнайды. Оның іші қызықты кітаптарға, видео кассеталар мен әуенді таспаларға толы. Біз қазір өз ойымызды еркін баяндаймыз және де тек әрқашан мейірімділік жолымен жүреміз!

9 сынып: Бекқалы Алия