Коучинг: Сыни ойлау – ойды шыңдау

Атырау облысы Қызылқоға ауданы Жасқайрат ауылы

Ш.Т. Еркінов атындағы орта мектебі.

Қазақ тілі мен әдебиет пәнінің мұғалімі:

Құмарова Құралай Тұрғалиқызы

Күні

11.03.2015

Тақырыбы

Сыни ойлау - ойды шыңдау

Сабақ мақсаты

Сыни тұрғыдан ойлау-ойлау туралы ойлану деп сипатталады және көбінесе оқушыларды қарсы пікір айтуға, ойлау немесе жаңа тәсілдерді енгізуге дайын болуға баулиды. Оқушылардың қызығушылығын оятуда көптеген жұмыс түрлерін ұсынып, ойлау дағдыларын дамытуға болады. Бұл модульдің негізгі ойлау тәртіптері әр түрлі дағдыларды, зерттеуді жазып алуды және бағалауды талап етеді. Осы жолдағы ең оңтайлы тәсіл - балаларды түрлі дәлелдерге мән беруге ынталандыру. Сыни ойлауға берілетін тапсырмалар жеке тұлғаның өз пікірін негіздеп, дәлелдеуді талап етеді.

Оқыту нәтижесі

Еркін ойлауға мүмкіндік беріледі, ақыл ойын дамытады; Шығармашылық белсенділігі артады, тіл байлығы жетіледі;

Ұжымдық іс-әрекетке тәрбиелейді; Жан - жақты ізденеді, өз ойын жеткізеді. Сыни тұрғыдан ойлау әдісінде қызығушылықтан бастап оқушыларға тақырыпқа болжам жасатып, мақсат қойып іс-қылыуға, сұрақ беріп жауап алуға, мазмұнды толық түсінуге жағдай туындалады.

Түйінді идея

Жалпы сыни тұрғыдан ойлайтын оқушылар белсенді болып, жаңашыл идеяларға сеніммен қарайды. Сондықтан да сыни ойлауды оқыту кезінде оқушылардың бойынан мынадай ерекше қасиеттерді байқауға болады: Бір - біріне қарсы сұрақтар қою, дәлелдерді талап етуді, нақты жан - жақтылықты және өз көзқарастары мен сенімдерінің орнауын. Сабақта қолданылған әдістердің көмегімен жеке тұлға ретінде дамыған шығармашылық ойлау арқылы білімді меңгереді.

Сілтеме

Мұғалімге арналған нұсқаулық

Стратегия

Жеке, жұптық, топтық жұмыс, диалогтік оқыту,

ресурстар

А4 қағазы, стикерлер, маркерлер, қағаз, интераткивті тақта

Кері байланыс

Берілген тапсырманы орындату және бағалау түрлері арқылы кері байланыс жасау

Бағалау әдісі

Қалыптастырушы, жиынтық, бір - бірін бағалау

Сабақтың жүрісі

Ұйымдастыру кезеңі. Сәлемдесу. Мұғалімдерді коучинге психологиялық дайындау, өзін - өзі реттеу, топқа бөлу.

Топқа бөлу

Берілген мақал - мәтелдердің жалғасын табу арқылы жұптасу, түстерге қарай топтасу.

Іс - әрекет

Коуч іс- әрекеті қатысушылар іс -әрекеті

Тренинг «Танысу»

-Алдымен танысайық, біз оны былай жасаймыз: дөңгелене отырып, сағат тілі бойынша, кезек - кезек әр қатысушы өз атын және өзінің нақты сүйікті ісін айтады. Екінші ойыншы өзі туралы айтпас бұрын алғашқы адамның сөзін қайталап айтуы керек. Содан кейін өзі туралы айтады. Ал үшінші адам бірінші, екінші адамның айтқанын қайталап, сонан соң өзі жайында хабарлайды. Ойын осылай жалғаса береді.

Қатысушылар дөңгелене отырып, коуч берген тапсырманы орындайды.

Талқылау

1. Қай ойыншының есімі, сүйікті ісі сіздің есіңізде жақсы сақталды?

2. Несімен жақсы сақталады деп ойлайсыз?

3. Қай қатысушыны еске түсіруі қиынға соқты?

4. Не үшін қиын болды деп ойлайсыз?

5. Қатысушылардың сізді есінде сақтай алмауы қалай әсер етті?

6. Сыни ойлау мен жай ойлаудың арасында қандай айырмашылық бар?

Қызығушылықты ояту

«Бірлік, секірген, күш, төрткүл, әбестік, жалтырау, жетіген, сегізөрме, тоғызқұмалақ, тон, қырықтық, келу, желтоқсан, жүзім, жымыңдаған».

Бұл сөздерді қандай мәселе біріктіреді?

Топ мүшелері берілген сөздерді оқи отырып, сыни ойлайды. Қандай атау екенін табады.

Мағынаны тану

«Дыбыстар дейді»

Мақсаты: Әріптестер кез-келген дыбысты таңдап алып, қойылған сұраққа қолдарындағы әріптен басталатын сөзбен жауап беруі тиіс.

• Бүгінгі көңіл күйіңіз қандай?

• Оқушының пәнге деген қызығушылығын қалай оятасыз?

• Сабағыңызда қандай әдіс-тәсілдер қолданасыз?

• Үш деңгейлік курсқа барғыңыз келе ме?

• Курстан өзіңізге керекті әдіс-тәсілдер ала аламын деп ойлайсыз ба?

• Тренингке не мақсатпен келдіңіз?

• Тренингкте кездескен сұрақтарға қалай жауап беремін деп ойлайсыз?

• Маған айтар ұсынысыңыз…

Қолдарына берілген әріптер бойынша жауап береді.

Сергіту сәті

Талдау

2. "Күріш өсіру" Шетелдің ғалымы үш бірдей 2 литрлік банкіге бірдей көлемде су құйып, күріш салып, аузын жауып қояды. Күнделікті сол банкілерге барып бірінші банкіге «Сен қандай кереметсің, сұлусың, әдемісің, жақсысың, тамашасың», екінші банкіге «Сен жақсысың, жарайсың», деп үшінші банкіге мүлде көңіл бөлмейді. Бір апта өткеннен кейн банкілерді тексереді. Сонда бірінші банкі құлпырып, жайқалып тұр, екінші банкі орташа қалыпта тұр, ал үшінші банкі мүлде өспей шіріп кеткен.

Сыни тұрғыдан ойлай отырып, оқу әдісіне

байланыстырып топта талқылайды. Пікірлерін жазады. Топ мүшелерінің бірі қорғайды.

Ой толғаныс

«Оқушылардың сыни ойлау қабілеттерін қалай дамытуға болады?»

Сауалды топта талқылап, постерге жазып қорғайды.

Кері байланыс

Қалдық шелек, ет тартқыш, чемолан суреттерін тақтаға ілемін.

Қажет деп тапқанын чемоданға, әлі де білгім келеді дегенін ет тартқышқа, қажет емес дегенін қалдық шелекке жазып салады.