Жүзден жүйрік эстафета №3, 4, 5 топтар

«Жүзден жүйрік» эстафеталық ойын

Мақсаты: Салауатты өмір салтын насихаттай отырып эстафета,спорттық ойынын дамыту және спортшылар арасында достық,қарым-қатынасты нығайту.Балалардың дене дайындығын арттырып, денсаулығын нығайту.

І. Салтанатты іс-шараның ашылу салтанаты.

Жүргізуші: Құрметті қонақтар, жарысқа қатысушылар, жанкүйерлер. Бүгін өткізгелі отырған «Жүзден жүйрік, мыңнан тұлпар» жарысына қош келдіңіздер!

Жүргізуші:Салауаттық өмір салтын қолдаймыз,

Жамандықтан жанымызды қорғаймыз.

Денсаулықты жанымызға серік қып,

Болашаққа аманат қып жолдаймыз! -дей келе ортаға қатысушы командаларды шақырамыз.

Спорт алаңына: (музыкалық әуен)

№3ортаңғы тобының «Қыран» тобы

№4 ересек тобының «Жалын» тобы

№5 мектеп алды даярлық тобының«Сұңқар» тобы

Жүргізуші:

Ал енді спорт заңы бойынша қазылар алқасымен таныстырып өтейік:

1) «Болашақ» мектепке дейінгі қазақ гимназиясының медбикесі: Л. Жасенова

2) «Болашақ» мектепке дейінгі қазақ гимназиясының би жетекшісі: Л.Жұмағазиева

3) «Болашақ» мектепке дейінгі қазақ гимназиясының шаруашылық меңгерушісі : А. Кокимбаева

Ұйымдастыру кезеңі

Саптағы жаттығулар (бас, қол, бел, аяқ жаттығулары) (Әуен арқылы)

Жүргізуші:

Бағдарламадағы ойындар тізбегі бойынша таныстырып өтелік.

1. Таныстыру (топтың аты, ұраны, төс белгі.)

2. Кім жылдам?(себетке доп тастау)

3. Кім күшті? (берілген доптарды құлатпай алып жүру)

4. Кім епті? (доппен секіру)

5. Кім озар? ( допты аяқпен алып жүру)

6. Кім батыр? (арқан тартыс).

Жүргізуші

Құрметті педагогтер мен балалар! Елбасы Н.Ә.Назарбае «Қазақстан - 2050» жолдауында біздің болашақ балаларымыз. Салауатты өмір сүру өз қолымызда. Осы мақсатта біз бүгін «Жүзден жүйрік» эстафеталық жарысын ұйымдастырып отырмыз. Олай болса кезеңдерге көшелік.

І кезең таныстыру кезеңі. Ортаға

№3ортаңғы тобының «Қыран» тобы

Топтың аты: Қыран тобы.

Ұраны: Қырандай қалықтаймыз, оқудан жалықпаймыз

№4 ересек тобының «Жалын» тобы

Топтың аты: «Жалын»

Ұранымыз: "Көк бөрідей, жүректі қайраттымыз,
Жігерлі де, білімді, айбаттымыз"

№5 мектеп алды даярлық тобының«Сұңқар» тобы

Топтың аты: «СҰҢҚАР»
Топ ұраны: Сұңқардай қалықтаймыз,
Ізденуден жалықпаймыз !

Жүргізуші:

Шынықсың аяқ,

Қатайсын нық қол.

Жақсы ойын баскетбол

Күштіге жуық бол! -демекші ендігі ІІ кезеңіміз Кім жылдам?(себетке доп тастау) жарысы. Бұл жерде допты себетке лақтыру.

Жүргізуші:

Ал ендігі III кезеңімізді бастайық. Кім күшті? (берілген доптарды құлатпай алып жүру) сайысы. Бұл сайыста үш допты кеглилардың арасымен алып жүру керек.

Жүргізуші:

Ендігі IҮ кезеңіміз Кім епті? (доппен секіру). Әр қатысушы өзіне берілген тапсырманы орындау керек.

Жүргізуші:

Ендігі Ү кезеңіміз Кім озар? (футбол добын аяқпен алып жүру). Әр қатысушы өзіне берілген тапсырманы орындау керек. Допты қолмен ұстамай, аяқпен алып жүруі керек.

Жүргізуші:

Ендігі ҮІI кезеңіміз Кім батыр? (арқан тартыс). Бұл сайыста барлық балалар арқанды дұрыс ұстай арқылы арқанды тартуы керек.

Жүргізуші:

Ал, спорт сүйер қауым, асыға күтіп отырған боларсыз, бүгінгі сайысымыздың жеңімпаздарын анықтауды қазылар алқасына тапсырайық. Қорытынды сөз.

МКҚК «Болашақ»мектепке дейінгі қазақ гимназиясы

«Жүзден жүйрік» эстафеталық ойын

Жүргізген:Дене шынықтыру нұсқаушысы:Жұмасатова Самал

Құрық - 2015ж