Мақала Жаңа форматтағы сабақтар

Хасанова С.М

Қарабалық ауданы

Тоғызақ орта мектебі

І деңгей мұғалімі

Жаңа форматтағы сабақтар

Біздің мектепте жаңа форматтағы біліктілігін арттыру ( үшінші, екінші, бірінші деңгей) курстарынан өткен 10 мұғалім жұмыс істейді. Біздер өз мектебімізде шығармашылық тобымызды құрдық . Мұндағы мақсатымыз: оқу-оқыту тәжірибесімен алмасу, бір-бірімізден үйрену, кәсіби шеберліктерімізді арттыру болып табылады . Шығармашылық топ арасында жоспар бойынша ашық сабақтар, коучинг,Lesson study тізбектелген сабақтар топтамасы, пән мұғалімдерінің аудандық әдістемелік бірлестік семинарлары өткізіліп тұрады. Мұғалімдер ашық сабақтарда оқушылардың коммуникативтік дағдыларын дамыта отыра, ынтымақтаса оқытудың стратегияларын тиімді қолдана біледі. Талқылау арқылы өзара оқытуда, проблемалық сұрақтардың шешімін табуда жұптық, топтық жұмыс түрлері нәтижелі ұйымдастырылады. Ахуалды психологиялық атмосфера, сын тұрғысынан ойлауға берілген тапсырмалар, АКТ-ны қолдану, бағалаудың түрлерін қолдану-осының бәрі оқушылардың өз бетінше жұмыс атқаруына, коллаборативтік ортаның құрылуына себепші болады. Әріптестерімнің осындай сабақтарынан кейін, деңгейлік курс бағдарламасының негізгі идеялары мектебімде жақсы деңгейде енгізіліп жатыр деп ойлаймын. Мұғалімдердің тәжірибесін және білімін жетілдіруге коучинг сабақтары өте қажет екендігі байқалады. Коучинг сабақтары арқылы жаңа әдістерді үйретіп, бағыт бере отырып жас ұрпақтарымызға аса қажетті және жан-жақты білім беруді қамтимыз. Мұғалімдердің курстан алған білімдері оларға педагогикалық жаңашыл ойлауына, өзін-өзі кәсіби іске асыруына, шығармашылық тұрғыда өсуіне мүмкіндік береді.

Абайдың: "Ұстаздық еткен жалықпас үйретуден балаға", - деген өлең жолдары еріксіз ойға оралады. Егер әр шәкірт өмірде бір кірпіш болып қаланып, ұстаздан озып жатса, төккен тер мен адал еңбектің ақталғаны емес пе?! Қазіргі білім беру саласы қызметкерлерінің алдында тұрған басты міндет - жас ұрпаққа заман талабына сай білім беру. Біз осыны мінсіз атқаруға тиіспіз.