Тірек мектебі оқушыларының білім сапасын арттырудағы оқыту технологияларының тиімділігі

Тірек мектебі оқушыларының білім сапасын арттырудағы оқыту технологияларының тиімділігі.

Қазіргі кезде барлық қазақстандықтардың бәсекеге қабілетті әлемдік стандарттар талабына сай келетін сапалы білім алу ерекше өзектілікке ие болып отыр. Әрбір азаматтың денсаулығы және білім деңгейімен мемлекетіміздің әлемдік қауымдастықтағы орны айқындалмақ. Ауыл мектептеріндегі білім беруді дамыту саласындағы мемлекеттік саясат толыққанды білім беру ортасын қалыптастыруға бағытталып, яғни, шағын жинақты мектептердің кадрлық потенциалы ақпараттандырылуы, материалдық - техникалық базасы нығайтыла отырып, ауыл баласының білім сапасындағы айырмашылықтарды жою нақты қолға алынуда. Бірақ ауыл мектептеріндегі оқушылар контингентті санының азаюына байланысты баланы толық білім беру ресурстарымен қамтамасыз етілген мүмкіндіктері шектеліп отыр. Бұл білім сапасына ықпал ететін үлкен проблемалардың бірі болып табылады. Ауылдық жердегі мектеп оқушыларының білім сапасын көтеру және жаңа білім беру мазмұнына өтуге дайындық ретінде бейіндік оқытуды енгізу мәселелерін шешудің бір жолы - ресурстық орталықтар ұйымдастырылуы. Білім беру жүйесі қазіргі кездегі нәтижеге бағытталған білім беру бағытында оқушылардың білімін көтеру әр сабақты жоспарлағанда оқу технологиялар әдістерімен толықтыру мақсаты талап етілуде.

Біздің мектептің ресурстық орталықтың мақсаты - базалық және бейіндік оқытуды толық дерлік жүзеге асыру, ауыл мектебі балаларының оқу қабілеттері мен жеке тұлғалық ерекшеліктерін, бейімділігін ескере отырып, сапалы біліммен қамтамасыз ету, кең ауқымды ақпаратпен жұмыс жасай білуге дайын өз білімін жүзеге асыра алатын құзырлы бітірушіні даярлау болып табылады.

Білім беру үрдісінде оқу мониторингінің маңызы ерекше. Білім деңгейінің диагностикасы оқушының физикалық, психологиялық, рухани, адамгершілік дамуын зерттейтін зерттеу үшін құрылған жан - жақты медико - психолого - педагогикалық мониторингтің құрамдас бөлігі болып табылады. Әрбір сессия кезінде оқу сабақтары, қосымша білім және тәрбие жұмыстары, яғни, дамыту блогтары өз алдына жеке жоспарланады.

Оқыту сессиясы баланың біліміндегі айғақ кемшіліктерді жоюға бағытталған. Сондықтан жұмыс қолданбалы, зертханалық - тәжірибелік сабақтар, өз бетімен жұмыс жасау және талдау сипатында және өз бетімен білім алу, әлеуметтік және өзін-өзі кәсіби тану бағытындағы негізгі құзыреттіліктерді қалыптастыру бағытында ұйымдастырылады.

Магниттік мектептен келген балалардан Тірек мектебіндегі оқушылармен бірге микротоптар құрылып, оқушы жаңа ортаға бейімделеді, бірлесе жоспарлау, пікір алмасу жұмыстары жүреді. Сессияаралық кезеңдегі теориялық білімді практика түрінде бекітуге арналған блоктар өткізіледі. Бала мұғалімнің басшылығымен тек тәжірибе жасап қана қоймай, өз бетімен жұмыс жасауына, дағдысын қалыптастыруға, талдап - қорытындылауы үшін мұндай сабақтар екі сағатқа жоспарланады. Зертханалық жұмыстар баланың қызығушылығын арттырады және біздер үшін өзекті нәрсе. Бұрын ауыл балалары тек гуманитарлық бағытты ғана таңдаса, кейінгі 3-4 жылда басым көпшілігі химия, физика, биология пәндерін таңдауда. Базалық және бейіндік пәндер бойынша мұғалімнің ұсынысы оқушының талап - тілегіне сәйкес (математика, тіл, тарих) қосымша сабақтар қойылды.

Биылғы оқу жылының өзгешелігі - бұл оқытудың түбегейлі жаңа сапасына қол жеткізу мәселесіне баса назар аудару. Ойлай білуді және білімді ала білуді дамыту - бүгінгі таңда әр адамға белсенді өмірінің әр күніне ауадай қажет.