Конспект урока по удмуртскому языку на тему Вазиськон (обращение)

Раздел Другое
Класс 8 класс
Тип Конспекты
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

8-ти классын уроклы конспект

Дасяз Перевощикова А.Н.

Тема «Вазиськон но сое знакъёсын висъян»

Пуктэм ужпумъёс: обращениос сярысь валанзэс паськытатоно; обращениосты вераськон кылазы пыртылыны но гожъяськыкузы знкаъёсын висъяны быгатон; удмурт кылын вераськыны быгатэмзэс волятоно, дышетоно удмурт крезьгурлэсь чеберзэ шодыны, ог-огедлы юрттон мылкыд пычатоно, шаерзэс гажан мылкыд пычатоно.

Тирлык: компьютер, презентация, карточкаос, кырзанъёс, учебник, словаръёс, портэм мылкыдо суредам ымныръёс (смайликъёс), суредам шунды но пилем.

Личностной УУД: ортчем темая мылкыдзэс верало

Регулятивной УУД: уроклы азьмуг пукто, тодэмзэс дунъяло

Познавательной УУД: текстысь кулэ ивортодэт утчало, ужъёсты быдэсто, огъян лэсьто

Коммуникативной УУД: дышетисен кенешыса ужало, малпанзэс верало, ог-огзэс сак кылзо,

Уроклэн мынэмез:

Д: Туннэ урокмылэн кутсконаз мынам тиленыды тазьы зечбуръяськеме потэ.

(Чузъяське кырзан «Зеч-а, бур-а чебер нылъёс» («Вить Сергейёс»)

Д: Озьыен, зеч-а, бур-а, эшъёс, пиналъёс. Мон малпасько, таче шулдыр кырзан кадь туннэ урокмы но капчи мылкыдо ортчоз.

Ужпумо югдур кылдытон но уроклы азьмугъёс пуктон люкет.

Д: Пиналъёс, доска вылын сётэмын предложениос. Учке но вералэ, ма герза та предложениосты. (котькудаз вань одиг кадь кылъёсыз)

(приложение2)

Шундыё нуналэ эшъёс люкаськизы кызьпу улэ.

Туж яратисько покчи эшъёсме: кочышме, пуныме, аквариумысь чорыгъёсме.

Матысь эшъёстэ зарниен но уд вошты.

Леналэн вань эшъёсыз: Оля, Таня но Дима - вордиськем нуналэныз зечкыланы лыктизы.

Шунды, омыр, чылкыт ву - милям зэмос эшъёсмы.

Эшъёс, милям пиосмы чошатсконын вормисе потизы!

Котькуд шонер валэктон понна - 1 б

Утчаськон-эскерон люкет

Д: Гожтэ предложениосты тетрадяды, шонер знакъёс пуктылыса.

(пиналъёс гожто)

Д: Нош берпумети предложенилы юан пуктыны быгатиськомы-а?

Малы?

Кыче член луэ? (пиналъёс валэктонъёссэс верало)

Д: Озьыен, ма бордын асьмеос ужалом?

(Тодомы, кызьы шуо та выллем кылъёсты но малы соос предложенилэн членэз уг луо?

Пуштросэз бордын ужан люкет.

Позн. УУД - ивортодэт утчало, тодэмзэс гожто.

Д: Туннэ асьмеос тодматскомы обращениосын. Нош кызьы меда сое удмурт кылын шуо? (пиналъёс верало)

Д: Вазиськон сярысь тросгес тодон понна, тилед сётэмын карточкаос. Отысь предложениосъя, асьмеос тетраде вазиськонлы кластер лэсьтом.

Озьыен, нырысетизэ ужез кылзиське.

Практической люкет

Учебникысь «Атай» кылбурез лыдзо (стр 75)

Д: Шедьтэ вазиськонъёссэ но вералэ, маин соос верамын.

Та уже быдэстыса, пиналъёс вывод лэсьто котькуд вазиськон верамын луэ Н.п. сылись существительноен.)

Индивидуальной ужъёс

  • Лыдзе, шедьтэ вазиськонъёссэ но вералэ, маин верамын соос.

  • Я, зеч лу, мусое!

  • Кырзасьёс но эктисьёс, отиськом тиледды шулдыръяськон жытэ.

  • Одигзэ туннэ пимес келялом, нылъёс.

  • Туж бадзым тау, Маши, лыктэмедлы.

Котькуд шонер валэктон понна - 1 б

Лыдзе, шедьтэ вазиськонъёссэ но вералэ, маин портэмесь соос?

  • Тон одиг мон понна, мемие.

  • Дуно но мусо мемие, вай туннэ мон тонэ зыгырто.

  • Шаере, тон котькыче вакытад чебер но шулдыр.

  • Яратон вордиськем шаере, тон монэ улыны дышетид.

Лыдзе, шедьтэ вазиськонъёссэ но вералэ, предложенилэн кыче интыяз быгатэ сылыны вазиськон.

  • Пуксьы, туганэ, мон возы матэ.

  • Шудэлэ ти, серектэ, егит калыкъёс.

  • Зоя Ивановна, мынам тилед туж бадзым куронэ вань.

  • Алёшка! Тон ма палэнын юбо кадь сылиськод? (Крас.)

Д: Кызьы висъясько вазиськонъёс вераку но гожтыку?

(пиналъёс верало)

Д:Шонер-а пормиз кластермы?

(кластерез эскеро)

Ойдолэ учкыса потэ, ма меда гожтэмын учебникын вазиськон сярысь?

(пиналъёс учебникысь правилоез лыдзо)

Практической уж.

Сётэм схемая предложение малпалэ но гожтэ.

О,…

…, О,…

…, О

5 балл

Д: Улонамы кызьы кутиське вазиськон?

Либыт, лякыт верам кыл котькинлы яра. Чемгес ке кутиськысалзы улонамы мусое, зечоке, гажанэ кылъёс, улонмы но оло шулдыргес луысал.

Ф/минутка

Яратом асьмедыз.

Синъёсмес вылэ жутом,

Эшъёсмы шоры учком,

Собере нош мынялом.

Практической уж

Д: Та ужез шонер лэсьтыса но кулэ букваосты шедьтыса, тиляд пормыны кулэ кыче ке но кыл.

  • Э пе зазеге тон-а бадзым? (вазиськонысь нырысети буква)

  • Ой шудо егит дыр пуксьы вал на возам. (вазиськонысь прилагательнойлэн 1-ти букваез)

  • Малы учы тон чирдиськод сюлэмме вырзытиськод? (вазиськон бере 2 кыллэн 1-ти букваез)

  • Самовардэ пукты али ой уроме. (вазиськонлэн 3-ти букваез)

  • Дышетскисьёс каникул дыръя ужалозы портэм кружокъёс но секциос. (вазиськон борсьы сылись кыллэн 1-ти букваез)

  • Кылзэ али ой эшъёсы арган куара мар вера. (вазиськонысь 3-ти буква)

  • Кытчы сюрес лёгиськод Миши? (вазиськон азьпалан сылись кыллэн 2-ти букваез)

  • Ой ти чебер нылъёс малы сычеесь? ( вазиськонысь берпумети буква)

Ужез эскеро, пормоно кыл - Зечокъёс


Котькуд шонер валэктонлы - 5 балл

Дунъян люкет

Лыдъяло, коня балл пуктизы

«5»-лы - 40 балл но тросгес

«4» -лы - 35-40 балл

«3»-лы - 20-35 балл

Рефлексия

Кыче мылкыдды ?

Яраз яке оз яра урок?

(пиналъёс азе тыремын портэм мылкыдэз возьматись смайликъёс (ымныръёс), соосты мылкыд каремъя тыроно суредам шунды улэ (урок яраз ке), яке пилем вылэ (урок оз ке яра)

Доре уж

Гожтоно 2 яке 3 кылбур яке кырзан люкет, кытын вань вазиськонэз.



Приложение:

1.

Саша _0__1___2____3____4___5_

Лена ___0___1___2____3___4_____5_

Настя __0____1___2____3____4____5_

2.

Шундыё нуналэ эшъёс люкаськизы кызьпу улэ.

Туж яратисько покчи эшъёсме кочышме пуныме аквариумысь чорыгъёсме.

Матысь эшъёстэ зарниен но уд вошты.

Леналэн вань эшъёсыз Оля Таня но Дима вордиськем нуналэныз зечкыланы лыктизы.

Шунды омыр чылкыт ву милям зэмос эшъёсмы.

Эшъёс милям пиосмы чошатсконын вормисе потизы!

3.

  • Э пе зазеге тон-а бадзым? (вазиськонысь нырысети буква)

  • Ой шудо егит дыр пуксьы вал на возам. (вазиськонысь прилагательнойлэн 1-ти букваез)

  • Малы учы тон чирдиськод сюлэмме вырзытиськод? (вазиськон бере 2 кыллэн 1-ти букваез)

  • Самовардэ пукты али ой уроме. (вазиськонлэн 3-ти букваез)

  • Дышетскисьёс каникул дыръя ужалозы портэм кружокъёс но секциос. (вазиськон борсьы сылись кыллэн 1-ти букваез)

  • Кылзэ али ой эшъёсы арган куара мар вера. (вазиськонысь 3-ти буква)

  • Кытчы сюрес лёгиськод Миши? (вазиськон азьпалан сылись кыллэн 2-ти букваез)

  • Ой ти чебер нылъёс малы сычеесь? ( вазиськонысь берпумети буква)











© 2010-2022