6нчы сыйныфта татар теленнән исем темасына зачет сораулары

№ 1.

1. Исем нәрсә ул? Ул нәрсәне белдерә? Кайсы сорауларга җавап бирә?

2. Урын-вакыт килешендәге исем нинди кушымчалар ярдәмендә ясала, җөмләнең кайсы кисәге була?

3. Исемнәрне табарга, морфологик анализ ясарга

Урман авыл баласын үз кочагына ала.

№ 2.

1. Ялгызлык һәм уртаклык исемнәрнең язылышын аңлатыгыз.

2. Чыгыш килешендәге исем ничек ясала, җөмләдә кайсы кисәге була?

3.Исемнәрне табарга, морфологик анализ ясарга

Атның якында гына ашап йөрүе җанга тынычлык бирә.

№ 3

1. Ясалышы ягыннан исемнәрнең төрләре.

2. Төшем килешендәге исем нинди кушымчалар ярдәмендә ясала, җөмләнең кайсы кисәге була?

3. Исемнәрне табарга, морфологик анализ ясарга

Геологлар илебездәге җир асты байлыкларының яңа ятмаларын табалар.

№ 4

1. Кушма исемнәр ничек ясала һәм ничек языла?

2. Юнәлеш килешендәге исем ничек ясала, җөмләнең кайсы кисәге була?

3. Исемнәрне табарга, морфологик анализ ясарга

Өйдәгеләр, эшләреннән бермәлгә туктап, тынып калдылар.

№ 5

1. Тезмә исемнәр ничек ясала һәм ничек языла?

2. Иялек килешендәге исем ничек ясала, җөмләнең кайсы кисәге була?

3. Исемнәрне табарга, морфологик анализ ясарга

Кибеттән чыкканда, әнисенең сумкасы әйбер белән тулы була.

№ 6

1. Парлы исемнәр ничек ясала, нәрсәне белдерә, ничек языла?

2. Баш килештәге исем кайсы җөмлә кисәге булып килә?

3. 3. Исемнәрне табарга, морфологик анализ ясарга

Балалар Вазихның хыянәтен шундук кичерделәр.

№7

1. Кыскартылма исемнәр ничек ясала?

2. Татар телендә ничә килеш бар, аларның сораулары

3. Исемнәрне табарга, морфологик анализ ясарга

Бу көн Габдулланың күңелендә аеруча бер эз калдырды.

№ 8

1. Исемнәрдә күплек сан кушымчалары. Ялгану үзенчәлеге.(мисаллар)

2. Чыгыш килешендәге исем ничек ясала, җөмләнең кайсы кисәге була?

3. Исемнәрне табарга, морфологик анализ ясарга

Өстәлнең түбән башындарак Йөзлебикә утыра.

№ 9

1. Тартымлы исемнәр ничек ясала, килеш белән төрләнеше.

2. Баш килештәге исем кайсы җөмлә кисәге булып килә?

3. Исемнәрне табарга, морфологик анализ ясарга

Кыз ишектән карый да, өйдә беркем дә юклыгын күргәч, эчкә керә.