- Преподавателю
- Другое
- Ашық сабақ Шешендік сөздер
Ашық сабақ Шешендік сөздер
Раздел | Другое |
Класс | 11 класс |
Тип | Другие методич. материалы |
Автор | Бадирова К.Н. |
Дата | 14.01.2016 |
Формат | docx |
Изображения | Нет |
Сабақтың тақырыбы: «Шешендік сөздер»
Сыныбы: 11 «А»
Күні: 15.02.2016ж
Сабақтың мақсаты: а) білімділік: оқушылардың қазақ халық ауыз әдебиетінің үлгісі - шешендік өнер туралы білімдерін толықтыру;
ә) дамытушылық: тақырып аясында ауызекі сөйлеу тілін дамыту, сөздік қорын молайту;
б) тәрбиелік: топтық жұмыс арқылы оқушыларды ауызбірлікке, ынтымақтастыққа тәрбиелеу,сауатты әрі әдемі сөйлеуге баулу.
Сабақтың көрнекілігі: әртүрлі тапсырмалар жазылған кеспе қағаздар,
постер,түрлі-түсті қарындаштар, стикер, «Тілек ағашы»
Сабақтың түрі : аралас
Сабақтың әдіс- тәсілдері : топтық жұмыс, сұрақ - жауап, түсіндіру,түртіп алу стратегиясы
Пәнаралық байланыс : әдебиет, орыс тілі, тарих
Сабақтың барысы:
І. Ұйымдастыру кезеңі: оқушылармен сәлемдесу
Әнұран орындау
оқушыларды түгелдеу
«Шаттық шеңбері» сабақта білім шыңына жету үшін шеңберге тұрып,
бір - бірімізге игі тілектер айтамыз.
ІІ. Оқушыларды топқа бөлу: Ы.Алтынсариннің «Кел, балалар,оқылық!», А.Құнанбаевтың «Адам болам десеңіз» өлеңдерінің әр жолы жазылған кеспе қағаздар арқылы екі топқа бөлу
ІІІ. Жаңа сабақты түсіндіру:
Мұғалімнің кіріспе сөзі: Шешендік өнер туралы жалпы мәлімет беріп, оқушылар шешендік сөздердің негізгі тақырыптарын дәптер-леріне түртіп отырады
«Мәтінмен жұмыс» : әр топқа тақырып бойынша мәтін беріледі,оқушылар оқып аударады
1 топ: Шешендік өнер
Қазақтың шешендік сөз тарихы Майқы би, Аяз биден басталады. Шешендік өнердің кеңінен дамып, биіктеген кезеңі - ХV-XVIII ғ.ғ. Бұл кезең - қазақ халқының жоңғар, қалмақ, қытай басқыншыларына қарсы тұрып, өз тәуелсіздігін қорғау жолындағы күрес жылдары еді. Шешендік сөздердің алғашқы үлгілерін халық ауыз әдебиетінің туындыларынан, ертегі, аңыз-әңгімелерден кездестіреміз.
кеңінен - широко
күрес жылдары - годы борьбы
туынды - произведение
басқыншылар - воины
2 топ: Шешендік өнер
Қазақ ауыз әдебиетінің ерекше бір жанры - шешендік өнер. Халқымыздың даналығының үлгісі - шешендік сөздер ғасырлар бойы халық сынынан ерекшеленіп өткен құнды мұра, асыл қазына. Шешендік өнерге ерте заманда-ақ үлкен мән берілген. Ежелгі грек, рим елдерінде шешендік өнерді «риторика» деген атпен жеке пән ретінде оқыған. «Риторика» ғылымы өнердің падишасы ретінде ерекше бағаланған.
даналық - мудрость
сын - критика
жеке пән - отдельный предмет
падиша - король
«Әңгімені жалғастыр» кеспе қағазда «Балабидің жұмбағы» әңгімесінің жартысы берілген, өз ойлары бойынша аяқтайды
Балаби қартайған шағында халқын жинап:
-
Жерден ауыр не?
-
Судан терең не?
-
Оттан ыстық не?
-
Көктен биік не? - деп төрт сұрақ берген екен. Алайда шешуін ешкім айта алмапты.Сонда Балаби өзі айтқан сұрақтарын өзі былай шешкен екен...
Сәйкестендіру стратегиясы: әр топқа дұрыс жауап жазылған қағаздар беріледі, оларды сәйкестендіріп,постерге жабыстырады, мұғалімнің көмегімен дұрыстығын тексереді:
Жерден ауыр дегенім- ақыл, білім
Судан терең дегенім - оқу, ғылым
Оттан ыстық дегенім - адамның өмірі
Көктен биік дегенім - тәкаппардың көңілі
Топтастыру стратегиясы: «Шешендік өнер дегеніміз не?» деген сұраққа кеспе қағазда берілген зат есімдерден тиістісін постерге жазу
ғимарат,тапқырлық,ой,шешім,үй,сана,мағына,мұра,күлкі,әлем,даналық,әдебиет,мән,оқырман,белгі,ата-баба, шешен,мұхит,дау,сезім
Сөздің мағынасын ашу: екі топқа берілген кеспе қағазда «көтерді» сөзінің бірнеше мағыналық түрлері берілген
білімін көтерді - көңіл көтерді -
қиындықты көтерді - сөзін көтерді -
аяғын көтерді - айғай-шу көтерді -
танауын көтерді -
Топтастыру стратегиясы: «Шешендік қандай өнер ?» деген сұраққа кеспе қағазда берілген сын есімдерден тиістісін постерге жазу:
құнды,әдемі,ерекше,биік,түзу,асыл,дөңгелек,өшпес,мәнсіз,арзан,қысқы,қымбат,заманауи,саяси,жазбаша,қисық,дәмді,тарихи,тұзды,ежелгі.
ІҮ.Сабақты қорытындылау: Оқушылардың сабақта алған білімдерін сұрақ - жауап арқылы пысықтау
Ү. Оқушыларды бағалау: әр топ біліміне қарай бағаланады
ҮІ. Үйге тапсырма: 91 бет, «Жетес шешен» мәтінін оқу,аудару,мазмұндау
Кері байланыс: бүгінгі сабақтан алған әсерлері туралы пікірлерін стикерге жазып, «Тілек ағашына» іледі.