Бб дыбысы мен әрпі

Жалпы білім беретін Жамбыл негізгі мектебі

Тақырыбы:

Бб дыбысы

мен әрпі

(1-сынып)

Өткізген: Б.Б.Тұяқова

2013-2014 оқу жылы

Бб дыбысы мен әрпі

Сабақтың мақсаты:

1. Б дыбысының әріптік таңбалануын, айтылуы мен жазылуын таныстыру. Басқа дыбыстардың ішінен айыра білуге, сөзге дыбыстық талдау жасауға, дұрыс буынға бөлуге үйрету. Сөздерді дұрыс оқи білуге дағдыландыру;

2. Танымдық қабілеті мен қызығушылығын арттыру;

3. Ұқыптылыққа, таза, әдемі жазуға, дұрыс оқуға тәрбиелеу.

Түрі: аралас сабақ

Әдісі: сұрақ-жауап, түсіндіру

Көрнекілігі: әліппе оқулығы, суреттер, кеспе әріптер, үнтаспа

Сабақтың барысы

1. Ұйымдастыру. Оқушылардың сабаққа қатысуын тексеру, оқу құралдарын түгендеу

2. Өткен сабақты пысықтау

• Балалар, біз өткен сабақта қандай дыбыспен таныстық?

• Е дыбысымен

• Е дыбысы қандай дыбыс?

3. Жаңа сабақ

1 слайд.

• Балалар, біз қай елде тұрамыз?

• Қазақстанның астанасы қай қала?

• Астанада не бар?

• Бәйтерекке шыққыларың келе ме?

• Балалар, бәйтерек сөзі қандай дыбыстан басталып тұр?

• Олай болса біздің бүгінгі жаңа дыбысымыз «Бб» дыбысымен танысамыз

Бб дыбысын дыбыстатып айтқызу

• Оны дыбыстың қай түріне жатқызамыз, неліктен?

Көк ұяшыққа б әрпін салу. Б- еріннің бір-біріне нық тиіп, артынша кілт ашылуынан пайда болатын қазақ тіліндегі дауыссыз дыбыс

2 слайд. Балапан, бақа, бота, бөрік сөздеріне дыбыстық, буындық талдау жасау. Б әрпі сөздің қай жерінде тұр?

Бб дыбысы сөздің басында, ортасында және орыс тілінен енген клуб, штаб деген сөздерде ғана сөздің аяғында келеді.

Клуб - түрлі-түрлі ойын сауық кештері өтетін мәдени орын

Штаб - әскери ұйымдарға басшылық беретін жер

Б дыбысына байланысты сөздер айтқызу.

Оқулықпен жұмыс. 3 слайд. Суретте не көріп тұрғанын сұрап, бақа, бақбақ, балық сөздеріне сөйлем құрау

Бақа, бақа, бақ-бақ

Сеніп жүрсем мақтап

Бетің неге сатпақ?

Бақа,бақа, бақ-бақ

Жүру үшін мақтап

Болу керек аппақ

4 слайд.Тақтадан сөздерді оқыту

1. Хормен оқиды

2. Жекелеп оқиды

Түсінбеген сөздермен жұмыс

Баба - үлкен кісі, ата-бабаларымыз

Бата - ас қайыру, үлкен тойларда айтылады.

Сергіту сәті

Дәптермен жұмыс

Бб әрпін таныту

«Буыннан сөз құра» ойынын ойнату

Қорытынды

• Қандай дыбыспен таныстық?

• Б дыбысы қандай дыбыс?

• Б дыбысы сөздің қай жерінде кездеседі?

• Балалар, біз бәйтерекке де жеттік

• Ал, бәйтеректің басында не бар

• Балалар, біз де өз қолтаңбамызды қалдырайық

• Ендеше балалар, сендер де осы Нұрсұлтан атамыздай елімізді көркейтетін ел азаматы боп өсіңдер, - деп тілек тілеймін

Үйге тапсырма. Бағандағы сөздерді оқу