Мектепішілік Айгөлек сайысы 1-4 сынып

«Тәуелсіздігіміздің 25 жылдығына» орай ұйымдастырылған «Айгөлек» ән-би байқауы

1- жүргізуші:

Қазақ елі қашан да жыр елі,

Тарихында тұлғалар көп киелі.

Қазақстан аясында бұрыннан,

Жүздеген ұлт бірге өмір сүреді.

2 -жүргізуші:

Қазақстан Тәуелсіздікті аңсап келді,

Телегей теңіз аңсаған мансап келді.

Қазақтың бойтұмары ана тілін

Ту етіп, айғақ етіп жар сап келді.

1- жүргізуші:

Көптен күткен көк Байрақ желбіреді,

Күннің көзі көктемдей елжіреді.

Мұнан ыстық , жалын-от бар ма, сірә,

Отан-әнмен жүрегім тербеледі.

Бірге: Тәуелсіздіктің 25 жылдығына орай ұйымдастырылған «Айгөлек» ән - би балалар байқауын тамашалаңыздар.

2- жүргізуші:

Жиналыппыз сәтті күні бәріміз де,

Үлкен -кіші, жасымыз, кәріміз де.

Төрлетіңдер, қадірменді қонақтарым,

Гүл-гүл жайнап мына біздің төрімізге.

1- жүргізуші:

Бүгін біздің мектебімізде дүбірлі той,

Ден қойып тыңдаңыздар, көңілді қой.

Әннен шашу шашылсын, би биленіп

Қош келдіңіз халайық, сергісін бой.

2- жүргізуші: Құрметті өнер сүйер қауым, бүлдіршіндердің өнер сайысы «Айгөлек» байқауына қош келдіңіздер! Иә, балалық шақ адам өміріндегі ұмытылмайтын, қызықты да бақытты кезең.

1 жүргізуші:

Балдәурен-балалықтың балғын үні,

Балдәурен-қуаныш пен шаттық үйі.

Балдәурен бақыт кешкен балдырғанның ,

Жайраңдап, қырда ашылған қызыл гүлі.

2- жүргізуші: Міне, көптен күткен сәтте келіп жетті. Олай болса «Айгөлек» ән-бибайқауын ашық деп жариялаймыз.

1-жүргізуші: Құрметті өнер сүйер қауым, ұстаздар, кішкентай көрермендер және ата-аналар, сіздердің алдарыңызда сынға түсетін бүлдіршіндерімізді шақыруға рұхсат етіңіздер. Қане бүлдіршіндерді қошеметтеп қарсы алайық.

1- жүргізуші:

Балғын тәтті бөбектер,

Ата-анаң сені суреттер.

Мың бұралған, билерің,

Көрген жанды елітер-деп

сахнаға 1 сынып оқушыларын шақырамыз.

2- жүргізуші:

Қазақта жоқ бір ауыз ән салмаған,

Қай қазақта әншісін қарсы алмаған.

2 сынып оқушылары ән шырқаса,

Жан барма екен қызығып тамсанбаған.

1- жүргізуші:

«Айгөлек» деп ән салған,

Тыңдаған жұрт тамсанған.

Шығады қазір ортаға

3 сынып оқушылары қуана!

2- жүргізуші

Барлық әлемнің балалары сияқты жер бетінде тек ғана бейбітшілік болуын тілейтін келесі талантты оқушыларымыздың бірі 4 сынып оқушыларын ортаға шақырамыз.

1- жүргізуші: Біздің талантты бөбектерімізге әділ баға беретін, бүгінгі сайысымыздың құрметті қонақтары, мейірімді әділ қазылармен таныс болайық. Бірінен-бірі өткен үміткерлерімізді бағалау қиынға соғады-ау деймін. Ендеше, таныс болыңыздар

------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

1- жүргізуші: Байқаудың шарттарымен таныс болайық, вокал номинациясы және би номинациясы бойынша І- айналымда бүлдіршіндер ән шырқаса, ІІ-айналымда өз өнерлерін бимен паш етпек.

2- жүргізуші: Бүлдіршіндердің жанкүйерлері және де өнер сүйер қауым өздеріңіздің көңілдеріңізден шыққан бүлдіршіндеріңізге қол соғып қолдау көрсете аласыздар.

1-жүргізуші:

Шашу,шашу, шашайық

Ақ сандықты ашайық.

Бүгінгі күн, бұл тойдың ,

Бастаңғысын жасайық.

«Айгөлек» ән, би байқауын бастаймыз.

2- жүргізуші

Бал-балалық балдырған шақ сан арман,

Барлық бала армандауға жаралған.

Алтын бесік ұлан-байтақ елімде.

Жарқын болсын шырқап айтар әніміз.

Айгөлектің алғашқы болып шымылдығын ашатын 1 сынып оқушыларымыздың әндерін қабыл алыңыздар.

(1 «а», 1 «б» сынып оқушылары өз әндерін шырқайды)

1- жүргізуші:

Біз көңілді ұланбыз,

Ән шырқаймыз сайраңдап.

Бақытты елде туғанбыз,

Жаз гүліндей жайраңдап-

деп , сахнаға 2 сынып оқушыларын шақырамыз.

(2 «а», 2 «ә», 2 «б» сынып оқушылары өз әндерін шырқайды)

1- жүргізуші:

Жабырқауды білмейміз,

Жалқаулықты сүймейміз.

Біз талантты жас ұлан,

Үлгі аламыз жақсыдан.

Біз әрі қарай жалғастырамыз, сайысқа түсетін кім екен? Келесі өнерпаздарымызға сәттілік тілеп, сахнаға 3 сынып оқушыларын шақырайық.

(3 «а», 3 «б» сынып оқушылары өз әндерін шырқайды)

2- жүргізуші:

Отанын сүйеді

Бұлбұлдай сайрайды

Табиғатын аялап

Достықты бағалайтын 4 сынып оқушыларын ортаға шақырамыз.

(4 «а», 4 «б» сынып оқушылары өз әндерін шырқайды)

-------------------------------------------------------------------------------------

1-жүргізуші: Бүлдіршіндеріміздің І-айналымындағы өнеріне тәнті болсақ, қазылар алқасынан бағасын сұрайық.

(Балаларды бағалайды)

2- жүргізуші: Құрметті көрермендер, «Айгөлек» ән-би

байқауы әлі де жалғасуда, бізбен бірге болыңыздар. Ендеше ІІ айналымға кезек берейік.

1. жүргізуші: Бүлдіршіндер ән жанры бойынша, сахнаға шығатын 1 сынып өнерпаздары өз өнерімен керемет көңіл күй сыйлайды. Қарсы алаңыздар!!!

2 -жүргізуші: Келесі болып сахнаға 2 сынып оқшыларын шақырамыз. Сәттілік тілейік бүлдіршіндерімізге!!!

1- жүргізуші: Келесі тамашалайтындарыңыз 3 сынып оқушыларының өнерлері.

Құлыншақтар өз биімен сіздерді таңғалдырмақ. Қошеметтеп қарсы алайық.

2 -жүргізуші Ортаға мың бұралған бишілеріміз, 4 сынып оқушыларын шақырамыз. Қатысушыларымызды қол соғып қошеметтеп қойыңыздар!!!

1- жүргізуші: Қазылар алқасы «Айгөлектің» жұлдыздарын анықтағанша, барлық бүлдіршіміздерді би алаңына шақырамыз.

(барлық балалар билейді)

2-жүргізуші:

Кімдер биші, кім күшті,

Өнеріне қарайық.

Әділ қазы алқасы ,

Таланттарды табайық.

Сөз кезегін әділқазыларымызға берейік.

(Қазылар алқасы жеңімпаздарды марапаттайды.)

1- жүргізуші:

Бойларыңда от бар екен байқадым,

Жүректерде шоқ бар екен байқадым.

Әрқашанда осы шоқты өшірмей,

Жалындатып шарықтаңдар әрдайым.

2-жүргізуші:

Бүлдіршіндер ән-биді дөңгелентті,

Көрерменнің көңілі көкке жетті.

Егерде сіздер рұхсат етсеңіздер

Шақырамыз шырқауға «Айгөлекті»

(Айгөлек әні шырқалады)