Сценарий 1 сентября (Биринджи чанъ байрамы) крымскотатарском языке

Биринджи чанъ байрамы 2014-2015 сенеси

Мына кене янъгъырай мектепнинъ чанъы

Китап-дефтерлер азыр, эписи янъы

Язнынъ сыджакъ куньлери тез кечип кетти

Мектеп къапысы ачыла, татиллер битти

Етекчи: Селям алейкум севимли талебелер, оджалар, ана-бабалар, сайгъылы мусафирлер. Бугунь бизим мектебимизде буюк байрам - бильги куню, биз эпинъизни хайырлаймыз ве бу байрамны ачыкъ деп, илян этемиз. Шимди линейкамызда гимнлер янгъыраджакъ. Дикъкъат олунъыз!

(Гимнлер чалына).

Етекчи: Бизим тантаналы байрамымыз мектеп талебелерине багъышлана. Айырыджа 1 сыныф талебелерине вакъыт кельди, оларнынъ омюринде биринджи кере бу «Биринджи чанъ» байрамы оладжакъ. Олар бугунь талебе оларакъ биринджи сефер мектеп босагъасыны басып кечеджеклер. 1 сыныфкъа 19 талебе кельди. Оларнынъ сыныф рехбери Рамазанова Гульнара Акимовна келинъиз, бу талебелерни къаршылайыкъ.

(Мектеп гимны янъгъырай, талебелер чыкъа З. Кадыева )

Етекчи: Сез Дилявер моллагъа бериле.

Етекчи: Сез Зуя миллий мектебининъ мудирине Ильясова Р.В. бериле. Буюрынъыз:

(Сез мудирге бериле)

Етекчи: Урьметли ана-бабалар, талебелер ве оджалар бугуньки бильги байрамына мусафирлер кельди:

- _______________________________________________сез бериле.

- ________________________________________________________

Етекчи: Мектеп талебелерни чанъ байрамынен хайырламакъ ичюн мейдангъа Пателова Азизе давет этиле.

(Оюн «Тым-тым»)

Етекчи: Сёз мусафирлерге бериле.

-_________________________________________________________

-_________________________________________________________

Етекчи: Мектеп талебелерни чанъ байрамынен хайырламакъ ичюн мейдангъа Османов Амаль давет этиле.

(Оюн)

Етекчи: Энди сез бу байрамда иштирак эткен энъ уфакъ талебелери, биринджи сыныф талебелерине бериле. Буюрынъыз:

(Биринджи сыныф талебе шиирлер окъуй)

1 талебе: Адларымыз - талебе,

Элимизде - элифбе,

Бизни эр кес алгъышлай,

Гульдестелер багъышлай.

2 талебе: Къувана эр биримиз,

Пек гузель оджапчемиз,

О бизни окъутаджакъ,

Тербиелеп асрайджакъ.

3 талебе: Огюмизде дерсликлер,

Дефтерлер ве къалемлер,

Пек тырышып окъуйджамыз,

Яхшы адам оладжамыз!

4 талебе: «Яхшы окъу» - дей оджам.

Онынъ сёзюнъ тутаджам.

Дерслерни яхшы япып

Мен аляджы оладжам.

5 талебе: Балалар багъчасында

Азырландым мектепке

Энди алты яшындам,

Оладжам мен талебе.

6 талебе: Севген сёзюм - аферин!

Севмегеним тазирдир

Чанта, китап, дефтерим

Чокътан дерске азырдыр!

7 талебе: Мектеп азиз бир ердир

Мында бтльги ашланыр

Буюк омюрге еллар

Шу мектептен башланыр.

8 талебе: Севген сёзюм - аферин

Севмегеним тазирдир

Чанта, китап, дефтерим

Чокътан дерске азырдыр.

Етекчи: Бу биринджи чанъ байрамында 11 - джы сыныф талебелери, мезун оларакъ, биринджи сыныф талебелерине озь насиатларыны ве хайырлавларыны азырладылар. Буюрынъыз:

11 с: Селям алейкум урьметли оджалар, мусафирлер, ана-бабалар, мектеп талебелери ве бу байрамнынъ себепчилери-биринджи сыныф талебелери!!!

Биз, мектеп талебелери адындан биринджи сыныфкъа кельген талебелерини биринджи чанъ байрамынен хайырламагъа истеймиз. Биринджи чанъ байрамы-бильги кунюдир, бильги байрамыдыр!!!

Бу куньден башлап сизге биринджи оджанъыз дюнъянынъ меракълы саифелерини ачаджакъ. Санки буюк сеяхаткъа чыкъаджакъсынъыз, кунь-куньден сизни окъумагъа, язмагъа, саймагъа огретеджек оджанъыз. Сиз, дуймай къалырсынъыз не вакъыт сизнинъ юрегинъизде бильги алмакъ ичюн буюк авеслик догъар.

Биз сизге, оджанъызгъа ве ана-бабаларынъызгъа сабыр, такъат, сагълыкъ тилеймиз.

Биз эминмиз ки, сиз ана-бабаларынъызнынъ ве оджанъызны юзюни къызартмассынъыз!!!

Бильги алеминде - Алла къолай кетирсин!!!

( бахшышлар бериле)

Етекчи: Сез мектепнинъ мудирине Ильясова Р.В. берилле.

Етекчи: Шимди тедбиримизнинъ энъ муим вакъыты. Биринджы сыныф ве бутюн сыныфлар ичюн бу окъув йылынынъ биринджи чанъы къакъыладжакъ. Чанъны къакъмакъ ичюн мейдангъа 11 сыныф талебеси - __________________, ве биринджи сыныф талебеси - ____________________ теклиф этиле.

(Чанъ къакъыла)

Етекчи: Бунынънен тедбиримизнинъ тантаналы къысымы бите. Дикъкъат олунъыз!

(Гимнлер чалына)

Етекчи: Урьметли талебелер, рехберлеринъизнен берабер озь сыныфларынъызгъа биринджи дерске кечинъиз. Ана - бабалар ве мусафирлер, урьмет этип кельгенъинъиз ичюн чокъ сагъ олунъыз!