Разработка урока по кабардинскому языку

8 класс

Темэр : Пкъыгъуэ нэхъыщхьит1ри зи1э псалъэухахэмрэ зы пкъыгъуэ нэхъыщхьэм ф1эк1а зимы1э псалъэухахэмрэ

Мурадыр :

1. Пкъыгъуэ нэхъыщхьит1ри зи1э псалъэухахэмрэ зы пкъыгъуэ нэхъыщхьэ ф1эк1а зимы1э псалъэухахэмрэ зэрызэщхьэщык1ыр еджак1уэхэм къагурыгъэ1уэн.

2. Хэкум къуит къарум хуэдэ гукъыдэж зыми къузэримытыр еджак1уэхэм зэхегъэщ1эн.Дэтхэнэ зы ц1ыхуми дежк1э хэкумрэ мамырыгъэмрэ нэхъ лъап1э зэрыщымы1эр къагурыгъэ1уэн.

3. Еджак1эхэм я бзэм ,я гупсысэк1эм зегъэужьын.

Урокым и ек1уэк1ык1эр:

I.Еджак1уэхэр урокым зэрыхуэхьэзырым к1элъыплъын,мурадым щыгъуазэ щ1ын.

II.Унэ лэжьыгъэр къэпщытэжын.

Орфографическэ дакъикъэ егъэк1уэк1ын:

1. Н.мыс, м.хуэшхуэ, л.жьэрей, жыг.у.1у, гъу.гу, щхьэпроп1и.к1, пкъ.о , н.сып, с.би. .

- Хьэрф дэгъэхуахэр дэгъэувэжын.

- Слайдым ит псалъэхэм хьэрф дэгъэхуахэр дагъэувэж. Щ1ыдагъэувар жа1эр.

- Cлайдымк1э йоплъыж щыуагъэ зыхэтхэм езыр- езыру къыхагъэк1ыж.

Нэмыс, махуэшхуэ, лэжьэрей, жыгыу1у, гъуэгу, щхьэпроп1иик1, пкъо,

насып, сабий .

III. Слайдым ит усэ едзыгъуэхэм логическэ ударенэ трегъэувэн.

Си ,анэ -лъахэ, уэ уи бгъэгум

Уи быну дапщэ нобэ щ1элъ,

Тетахэу быну бийм и гъуэгум

Къэк1уэнум хуагъэжауэ ялъ?!

Си лъахэ! Уэ улъап1эщ т1уащ1эу.

Уи щ1ыхьыр щ1ым щымык1уэдын.

…Сэ нобэ хуей хъум стын си гъащ1эр-

Ар си1эщ пагэу зыщ1эстын!

(Бицу А.)

IV. Темэщ1эр етын.

1. Слайдым ит схемэмк1э псалъэуха зэхегъэлъхьэн.

2. Хуэзышэ упщ1эхэр етын:

1) Сытк1э зэщхьэщык1рэ псалъэухахэр?

2) Псалъэухам и лъабжьэк1э дызэджэр сыт? Абыхэм къагъэлъагъуэр сыт ?

Псалъэухам и пкъыгъуэ нэхъыщхьэр зэрыщытыр жа1э. Псалъэуха зэхалъхьамк1э подлежащэм и гупымрэ сказуемэм и гупымрэ зэхегъэк1ын. Тхылъым ит щапхъэхэм гу лъегъэтэн.Езыхэм ягъэзэщ1а лэжьыгъэмрэ тхылъымрэ япкъ итк1э выводхэр егъэщ1ын. Теоретическэ материалым щыгъуазэ зыхуегъэщ1ын.

V. Яджар зэрыгъэубыдын.

1.Тхылъымк1э № 23 егъэгъэзэщ1эн.Зы пкъыгъуэ нэхъыщхьэ зи1э псалъэухахэмрэ пкъыгъуэ нэхъыщхьит1ри зи1э псалъэухахэмрэ зэхагъэк1.

2. Слайдым ит лэжьыгъэр жьэры1уатэу догъэзащ1э .

Арати, щ1алэ ц1ык1ур Замирк1э Советым щезгъэтхащ.Зауэри иухри псори мамыр хъужащ. Арат си бынхэри си щхьэгъусэри зыщ1эбэна 1уэхур ,я гъащ1эр щ1ата 1уэхур.

А) Псалъэухахэм я лъабжьэр къегъэгъуэтын,псалъэуха л1эужьыгъуэр жегъэ1эн.

Б) Мамыр псалъэм антоним къыхуэхьын.

3) Хэкум теухуа псалъэжь тхын.

В) Замир ц1эм къик1ыр жегъэ1эн.

3.Классыр гупк1э гуэшауэ гъэлэжьэн.

1.Гупыр тхылъым зэрелэжь тетрадым ит кроссвордымк1э мэлажьэ.

Гупит1у гуэшауэ псалъэуха л1эужьыгъуэхэр къахутэ.

VI.Тест лэжьыгъэ ц1ык1ук1э урокыр къызэщ1экъуэжын.

1.Полежащэмрэ сказуемэмрэ:

А) псалъэухам и пкъыгъуэ ет1уанэщ

Б) псалъэ лъабжьэщ

В) псалъэухам и пкъыгъуэ нэхъыщхьэщ.

2. Хамэ хэку сыщытхъэ нэхърэ си хэкужь сыщыл1э.

А) псалъэжьыр зы пкъыгъуэ нэхъыщхьэ ф1эк1а зимы1эщ

Б) пкъыгъуэ нэхъыщхьит1ри и1эщ.

В) пкъыгъуэ нэхъыщхьэ зимы1эщ.

3.Дунейр мамырщ.

А)подлежащэ ф1эк1а хэткъым

Б)сказуемэм ф1эка хэткъым

В)пкъыгъуэ нэхъыщхьит1ри хэтщ.

4.Илъэс хыщ1ым щхьэдэха Шумахуэ сыт щыгъуи жьыуэ къэтэджырт.

Къыхэгъэща псалъэхэр

А)подлежащэм и гупщ

Б)сказуемэм и гупщ

В)пкъыгъуэ нэхъыщхьэщ

5.Псалъэухам и пкъыгъуэ нэхъыщхьэм хеубыдэ

А) Подлежащэмрэ сказуемэмрэ

Б) Дополненэмрэ определенэмрэ

В) Обстоятельствэмрэ определенэмрэ

VII.Унэ лэжьыгъэ етын.

Тхылъым зэрелэжь тетрадымк1э нап. 21 ит лэжьыгъэр егъэзэщ1эн. псалъэ зэпхахэр зэпыту щытхын хуеймрэ зэпыхауэ щытхын хуеймрэ зэхэгъэк1ын.

Ягу къэгъэк1ыжын псалъэ зэпхахэм я тхык1эм и хабзэр.

Псалъэ зэпхахэр хэту псалъэухаипл1 зэхегъэлъхьэн псалъэуха л1эужьыгъуит1ри къагъэсэбэпу.Пкъыгъуэ нэхъыщхьэхэр щ1этхъэжын.

VIII . Итог. Оценкэ хуэгъэувын.