Урок крымскотатарского языка в 6 классе Имя существительное

План- конспект

Мевзу: Исим .Исимлернинъ морфологик талили.

Макъсат:

1.исим акъкъында бильгилерни зенгинлештирюв; исимнинъ грамматик категорияларыны компьютер программасынен пекитюв;

2.талебелернинъ агъзавий ве язма нутукъларыны инкишаф эттирюв;

3. тилимизге меракъ,севги ве урьмет дуйгъуларыны ашламакъ;

Донатув:

интерактив тахта,презентация, компьютер программасы,дерсликлер

Дерснинъ чешити: бильгилерни пекитюв дерси

Дерснинъ кетишаты

1. Тешкелий анъ.

А) танышув (талебелер ресим алалар(ким? не? группасына болюнелер)

Б) оджа мевзу ,макъсатны илян этип, дефтерлерге санны,мевзуны яздыра.

2. Лугъат иши (тапмаджалар иле, талебелер джевапларны дефтерге язалар)

(Тапмаджалар)

1.Агъачларны о парлай,

Пытакъларны шарт догърай,

Агъзы эр шейни кесе,

Тишсиз,тильсиз бир косе( балта)

2. О башынен мых къакъа,

Сонъ тез ятмагъа бакъа.(чёкюч)

3.Агъзы толу тиши бар,

Багъчаларда иши бар (пычкъы)

4.Акъ сандыгъым ачылды,

Ичинден нур сачылды ( кунеш)

5 Акъшам олса,корюнир,

Саба олса джоюлыр(ай).

6.Кетсе кельмез,

Ёрулмакъ бильмез.( ель)

Оджа: Бу сезлер насыл сез чешитине кире? (исим)

- Исим деп насыл сез чешитине айтамыз? Суаллери?

исим

Не?

Ким?

Ана китап

Талебе дефтер

Оджа сыгъыр

Оджа: Насыл исимлерни билесинъиз?

исим

Джыныс

Хас

къызчыкъ Алиме

озен Салгъыр

шеэр Джанкой

Оджа: Исимлер сайысына коре насыл олалар?

исим

Чокълукъта

Текликте

( ялгъамасы ёкъ) - лар ,- лер

Оджа: Исимлер даа келишлернен тюрленелер, къана ,айтынъыз насыл келишлерни билесинъиз?(слайд с появлением)

Баш к. ким ? не? Саиплик к. Кимнинъ? Ненинъ? Догърултув к. Кимге? Неге? Тюшюм к. Кимни? Нени?Ер к. кимде? Неде? Чыкъыш к. Кимден? Неден?

Оджа: Исимлерге даа насыл ялгъамаларыны къошамыз?

(Мулькиет ве хаберлик ялгъамалары)

Мулькиет

Хаберлик

джа

I

Мен оджам

Меним оджам

Сен оджасынъ

II

Сенинъ оджанъ

III

О оджадыр

Онынъ оджасы

Текликте ве чокълукъта

Оджа: Джевапларны умумийлештирип ( рус тилинде бу ялгъамалары олмагъаныы айта)(фенлерара багъ)

Группаларда иш

Берильген сезлерни мулькиет ве хаберлик ялгъ. кельген сезлерни айырмакъ. ( «Ким» группасына (хаберл.ял) «Не» гр.(мулькиет ял.)

Ана тилим, оджадыр, умютим, талебедир, достунъ,ватандыр, китаптыр, чантасы, койдешим, багъчевандыр,бабам, агъадыр, къардашым,

китабым, аляджысынъ.

Физминутка

Оджа: Энди исе кечкен мевзуларгъа эсасланып исимлерни талиль этеджекмиз. Бу талильге морфологик талиль дейлер.

Ана тилимиз дюльбер ве зенгин.

Тилимиз - исим,не? джыныс,баш келиште,1шахсы чокълукъта, -имиз мулькиет ялгъ.

Тильни бильген - илимни ачар.

Илимни - исим,не? джыныс,тюшюм келиште,текликте

Компьютер программасынен чалышув

Джумле тизмек, 1 исимни морф.талиль этмек.

Пекитюв.

1. вазифе

Аталар сезлерини топламакъ ве исимлерни къайд этмек;

Тиль акъыл теразесидир.

Китап-бильги анахтары.

Илим акъыл чокърагъыдыр.

Тилини джойгъан илини джояр.

2. вазифе

Д ерсликнен чалышув.

167 иш С.75

Оджа талебелернинъ дикъкъатыны 75саифедеки ресимге джельп эте.

«Гедже» шииринден ким энъ чокъ исим тапар? Группалар чалышалар.

Оджа эки исимни сечип группаларгъа бере, талебелер морфологик талиль этелер.(чёльде,къушчыкъларнынъ)

Талебелернинъ презентациясы. Тахтагъа япыштырылыр

Рефлексия

Масал «Исим»ханлыгъында

Баалав.

Эвге вазифе: исим мевзусында кроссворд азырламакъ.