- Преподавателю
- Другое
- 1. Кичәлин тɵр: Заһсн. Заһсна эдл-аху
1. Кичәлин тɵр: Заһсн. Заһсна эдл-аху
Раздел | Другое |
Класс | - |
Тип | Конспекты |
Автор | Серятыров Г.Б. |
Дата | 05.10.2015 |
Формат | doc |
Изображения | Нет |
-
Кичәлин тɵр: Заһсн. Заһсна эдл-аху.
Кʏцл: заһсна нердʏдлә таньлдулх болн заһсна олз- тусинь медʏлх.
Дɵнцл: заһсдын зургуд, нур һол зурата ʏзмҗтә зургуд,»Инҗрин Җооку» гидг хальмг дун олзлх.
Кичәлин йовуд:
-
Кичәлдән белдлһн.
- Эндр лу сарин зурһан… Пʏрвә ɵдр
- Теңгрин бәәдл. Һаза зɵвәр шʏрʏтә, киитн, салькта, бʏркг ɵдр…
Чииглх бәәдлтә.
Келлһнә дамшлт: тʏргәр келлһн,дарҗңгуд.
Җирмәхәг Җимбә җаҗлҗана,
Җаалыг Җамбл җаҗлҗана (3дәкҗ)
1.Шин тɵр: багшин ʏг.
Эндр мадн заһсна тускар келхʏвидн. Иҗл һолын кɵвәд ирҗ бʏʏрлснәсн авн мана ɵвкнр дɵрвн зʏсн малан хәрʏлн йовҗ усн -әмтә заһснд аңндг бәәҗ.
Ямаран заһсн манна нуурт, һолд, боодгт,теңгст бәәдгинь ода бидн медҗ авх зɵвтәвидн.
Мана селән ямаран нуурин ɵɵр бәәнә. Кен келнә?
- Шорв һолын кɵвән ɵɵр.
- Эндр бидн «Иҗл һолын кɵвәд» гидг келвр умшхмн.
- Келвр умшхин ɵмн ʏгин кɵдлмш кехмн:
- йиртмҗ - природа
- сойлын - культурный
- Иҗл һол - Волга
-Әрәсә - Россия
- Боодг - пруд
- ʏндсни йиртмҗин парк - национальный парк природы
- тɵсв - программа
- тʏрснәс - из икринок
- харлһн - защита, охрана
3. Багшин умшлһн.
- Эн келвр юуна тускар келдҗәнә?
-Неҗәһәд зәнгәр умшлһн.
Айслулҗ умшлһн, сурврмудын хәрʏһинь текстәс олҗ авх. ( сурврмуд умшхмн)
-
Yндсни йирмҗин парк аль бәәнә?
-
Кедʏ җилдән эн парк бәәршлҗәнә?
-
Әмтн нааран яахар ирнә?
-
Ямаран шишлң тɵсв кʏцәгдҗәнә энд?
-
Юунас заһс ɵскхәр бәәнә?
-
Эн заһсан альд орулҗ хулдхар бәәнә?
-
Заһсна нердлә таньлдлһн. ( самбрт мана Таңгчин нуурт,һолд,теңгст яамаран заһсдуд бәәдгинь самбрт бичх орс келнд орчулх).
-
Башаңһ - вобла
-
Ботаха - судак
-
Җаал - сом
-
Цуув - лещ
-
Балг, Кет - карась
-
Җирмәхә - малек
-
Хɵɵндә - жерех
-
Цурх - щука
-
Уланҗа - красноперка
-
Сазн - сазан
-
Yкр заһсн- линь
-
Бɵрк - карп
-
Бекр - осетр
4. Сурврмудар кʏʏндвр кех.
-Заһс юуһар бәрнә?
(һахуляр, гɵлмәр, шʏʏгʏләр)
- Кʏʏкд эн ʏгмʏд орчулад девтртән буулһҗ бичх.
Нер һарсн шимтә заһсд бәәнә. Эннь: Хорв,Бекр,Цуув.
- Заһсар ю кенә?
-Хот- хол кенә.
- Яһҗ кенә?
- Чанна, шарна,давслна,кɵргәнә,уттна.
5. Заһсна туск ʏлгʏрмʏд. туульс бәәнә. Кен келнә?
Yлгурлхд: «Заһсч тууль», б.н.ч
-
«Заһсн кирәрн туулдг»
-
«Заһсн теңгстән ʏн уга»
-
«Замг сәәнд заһсн хурдг, Заң сәәнд кʏн хурдг».
-
«Заһсн усна гʏнинь хәәдг, кʏн юмна сәәнинь хәәдг»
-
«Заһсн толһаһасн эклҗ ʏмкәрдг»
-
«Заһсн усар бәәдг, кʏн кɵлсәрн бәәдг».
-
«Заһснд утх һарһдго, залуд му кедго»
-
«Заһсн уснань кирцәһәр һәрәдг»
-
«Заһсн ʏкхлә- яснь ʏлддг, залу ʏкхлә нернь ʏлддг».
- Эн ʏлгʏрмʏдин утхинь цәәлһхмн.
6. Ашлвр һарһлһн.
-Темдг тәвлһн.
- Герин даалһвр.
Заһсна туск ʏлгʏрмʏд, тәәлвртә туульс дасҗ ирх.
Кɵтчнрә района Дорҗин Басңгин нертә Тугтна дундын школ
Серятыров Г.Б. хальмг келнә багш.