Коучинг «Отбасының бала тәрбиесіндегі рөлі»

Күні 16.09. 20015 жыл

Ата-аналармен коучинг

Бөрлі ауданы Ақсай қаласы № 6 ЖОББМ

ІІ-деңгей бойынша сертификатталған

биология пәні мұғалімі: Айсагалиева Алмагуль Маратовна

Коучинг тақырыбы:

«Отбасының бала тәрбиесіндегі рөлі...»

Жалпы мақсаты:

Міндеті:

Бала тәрбиесі дамуындағы басты рөл атқарушы - отбасы.
Сондықтан ата - ананың бала көңілін таба білуіне ой қозғау,
өзін-өзі тануына бағыт беру, тәрбие жайлы пікір бөлісу.
ата-аналарға балаға рухани тәрбие берудегі отбасының рөлі
жайлы түсіндіру.

ата-аналарды өздерінің балаларының жан-дүниесін түсінуге шақыру.

Оқу нәтижелері:

- отбасы мүшелерінің арасындағы бауырмалдылық, қайырымдылық, сыйластық, достық - қарым қатынас қалыптасады;

-бір-біріне деген сенімін нығаяды;

- сүйіспеншілік пен шыдамдылық баланың оқуда алға ілгерілеуінің кепілі бола алады;

Оқыту әдістері:

Топтық жұмыс. Сыни тұрғыдан ойлау.

Коучингте туындаған негізгі идеялар:

Адам да өмір сияқты, күлмесе жайнап өспейді дейді. Сондықтан да мына жайттарды есімізге ұстайық: «Отбасында берілген тәрбие жігеріңді құм қылып, жерге қаратпасын десең балаға кішкентайынан түзу тәрбие бер»,- деп ата - бабамыз айтқандай, бала тәрбиесіне уақытыңда көңіл бөліп, еліміздің инабатты, адамгершілігі мол, білімді, саналы ұрпағын тәрбиелейік. Егер ата - ана мен балабақша өзара тығыз байланыста болса, балаларға бірдей талап қойып отырса, тәуелсіз еліміздің ұл - қыздары жан - жақты дамыған азамат болып шығары сөзсіз Адам өмірінің мәні мен сұлулығы, адамның келешегіне сенімділігі - баланың ата - анасын ардақ тұтып, өзінің перзенттік қарызын бір сәтке де есінен шығармауында. Бұл - жас ұрпақтың мәдениеттілігін, әдептілігінің ғана емес, ең алдымен, адамшылығының белгісі.
Бала - ата - ана өмірінің жалғасы.

1.Отбасындағы психологиялық ахуал, татулық пен тыныштық, жайдары қабақ, бейіл береке - оның барлық мүшелерінің ырысы ойға алған істерінің өрге басып, мақсаттарының жүзеге асуының кепілі.
2. Бала - ата - анасының физиологиялық, психо - әлеуметтік көшірмесі. Ол бойындағы барлық нышандарды ата - анасынан тұқым қуалау арқылы алады. Ал дүниеге келіп, отбасындағы өмірлік ортаға түскенде ең алдымен, бала тұлғасының дамуына оның ата - анамен қарым - қатынасы әсер етеді.
3. Жанұяда балаға орынсыз ұзақ әңгіме айтып, шұбалаңқы ақыл айта беру де пайдасыз.
4. Бала ісіндегі кездейсоқ болған бір сәтсіздікті қазбалай бермей, ескерту жасаса жеткілікті.
5. Балаға аса байыппен қарау керек, мейлі ол әлжуаз немесе дәрменсіз болсын, болашағынан үміт үзбеген жөн.

Қажетті ресурстар:

Интерактивті тақта, презентация «», маркер, стикер, постер, магнит, музыка, бағалауға түрлі стикерлар (көбелек, қуыршақ) пішінді стикерлар.

Тапсырмалар:

Коучтың іс-әрекеті

Ата-аналардың іс- әрекеті

Кіріспе

1. Психологиялық ахуал туғызу (2 мин) Тренингтер.

2. Топқа бөлу

3. Видеоролик көрсету ( Саентология и дети»

4. Сөздермен жұмыс:

Коучердің кіріспе сөзі: - Құрметті ата-аналар, бүгінгі ата-аналар жиналысына қош келдіңіздер!!

Жиналысымыздың тақырыбымен таныспай тұрып, бәріңізді ортаға шақырамын.

Тренинг: «Аяқталмаған сөйлем... »

«бала тәрбиесі----«әр қатысушы өз ойын жалғастырады.

Ата-аналарға 3-түрлі сурет беріледі:

1-бала

2- мектеп

3- отбасы

Ата-аналарға осы роликтан ойларына не түйді? Соған постер жасауды ұсынды.

Ата -аналарға қағаз қиындылары беріледі, сондағы сөздерді сәйкестендіру керек.

- Егер баланы үнемі сынап отырса, ... (оның оқуғы құлқы болмайды).

- Егер балаға үнемі күлсе, ... (ол бұйығы болып кетеді).

- Егер баланы үнемі мақтап отырса, ... (ол өз қадірі үшін оқиды).

- Егер бала төзімділікте өссе, ... (ол басқаларды түсінуге тырысады).

- Егер бала адалдықта өссе, ... (ол адал болып жетеді).

- Егер бала қауіпсіз жағдайда өссе, ... (ол адамдарға сеніммен қарайды).

- Егер бала кекшілдікте өссе, ... (ол қатыгез болып өседі)

- Егер бала түсіністікте және сүйіспеншілікте өссе, ... (ол әлемнен махаббат табуды үйренеді).

Қатысушылар тренингке қатысып, «Аяқталмаған сөйлем... »

тренингке қатысады.

Сол суреттер бойынша топқа бөлінеді.

Постер дайындау.

Ата-аналар сәйкестендіріп, өз ойларын айтады.

Қорытынды:

Рефлексия

Олай болса коучинг басында біз бала, мектеп, отбасы суреттерін таңдап алдық. Оның себебін енді түсінген шығарсыздар.

Барлығымыз бала тәрбиесіне жауаптымыз!

Ата-аналар өз ойларын стикерларға жазып қалдыруыңызға болады. Коучингке қатысқандарыңызға рахмет!!

Коучингтен алған әсерлерімен бөлісе отырып, оны бала тәрбиесінде пайдаланудың тиімді тұстары туралы ойларымен бөліседі.

«Құмырадағы гүл» мен «ұсыныстар» себетіне стикерларға жазып өз рефлексияларын білдіреді.