Шебер сынып жоспары Математика сабағында оқушыларды бірлескен жұмысқа тарта отырып, оларды өзін-өзі және өзара бағалауға үйрету

Алматы облысы Алакөл ауданы Қант зауыты орта мектебінің

1 деңгей мұғалімі Тулегенова Кульмира Сагимбековна.

Шебер сынып тақырыбы:

Математика сабағында оқушыларды бірлескен жұмысқа тарта отырып, оларды өзін-өзі және өзара бағалауға үйрету

Сілтеме:

1-ші деңгей үлестірме материалдар(1-ші деңгей) 131-168 беттер. 8 сынып геометрия.

Мақсаты:

Мұғалімдер оқушыларды өзін-өзі, өзара бағалауға қалай үйретуге болатындығын үйренеді.

Түйінді идеялар:

Табыс критерийлері бойынша бағалау бұл оқушының өзін-өзі реттеуі.

Нәтиже:

1. Оқушыларды оқыту үдерісін жақсартудағы өзін-өзі және өзара бағалаудың рөлін түсінеді;

2. Оқушыларды бірлескен жұмысқа тарту әдісін үйренеді;

Сабақта қолданылатын материалдар:

Интерактивті тақта, қалам, А- 4 түсті парақтарға жазылған тарсырмалар

Оқыту әдістері:

Диалогтық оқыту, формативті бағалау.

Топқа бөлу.

(2 мин)

Геометриялық фигуралар бойынша топқа бөлу

Параллельограмм, трапеция болып екі топқа бөлінеді

Психологиялық тренинг

(5 мин)

Өз есімінің мағынасын айта отырып, өзінің бір жақсы қасиетін айту.

Әркім өз есіміне байланысты бір жақсы қасиетін айтады

Психалогиялық ахуал қалыптасады

1-ші тапсырма

(8 мин)

Мұғалімдердің алдына геометриялық фигуралар суреті салынған парақ пен семантикалық картаны әр топқа таратып беру.

-Бұл тапсырманың маңызы неде? - деген сұраққа жауап алу.

Суретті қолдана отырып әр топ төртбұрыштардың қасиеттерін қолдана отырып, семантикалық картаны толтырады. Тапсырманың орындалу дұрыстығын слайдты қолдана отырып, өздерін өздері тексереді.

Өздерін-өзі, өзара бағалаудың бір түрімен танысады

2-ші тапсырма

(10 мин)

Әр топ мүшесіне үлестірмелі қағазда жазылған тапсырмалар беріледі. Сол тасырмадағы суретті плакатқа салдыру.

Әр топ өздері салған суреттегі әр фигураның қасиеттерін, санын айтуды өтіну. Бір-бірінің жұмысын нақты критерийлер бойынша бағалату. Бұл тапсырманың тиімділігі неде? -деген сұраққа жауап алу.

Берілген тапсырмаларды орындау барысында әр кім жазықтықтағы геометриялық фигураларды қолдана отырып, үйдің бейнесін және үйдің ауласының суретін салады.

Әр топ өздері салған суреттегі әр фигураның қасиеттерін, санын айтады. Топтар бір-бірінің жұмысын бағалайды.

Бірлескен жұмыстың маңызын түсінеді.

Өзара бағалауды қолдануды ұғады.

3-ші. Баяндама

(5 мин)

«Өзара және өзін-өзі бағалау» баяндама.

Өзара және өзін-өзі бағалау туралы мағлұмат алады

Өзара және өзін-өзі бағалаудың рөлін түсінеді

4-ші. Қортындылау

Сұрақтар қою.

-Сіз өзіңіз үшін жаңа не білдіңіз?

-Сізге бәрінен бұрын не ұнады?

-Неге ұнады?

-Басқаша сіз қалай жасаған болар едіңіз?...

Сұрақтарға жауап беріп, өз пікірлерін білдіреді.

«Жалаушалар тізбегі» ойыны.

(5 мин)

«Жалаушалар тізбегі» әдісінің шартын түсіндіру.

Тапсырманы орындап болған соң мұғалімдерге сұрақ қою.

-Бұл әдістің тиімділігі неде деп ойлайсыздар?

-Сабақтың қандай кезеңдерінде қолданған дұрыс деп ойлайсыздар?

«Жалаушалар тізбегі» әдісін қолдана отырып, топтар өтілген тақырып бойынша әр топ бір-бірлеріне қойған сұрақтарға жауап бере отырып, тақырыпты қаншалықты меңгергендігін сараптайды. Сонымен қатар «Жалаушалар тізбегі» әдісін қолдануды үйренеді.

Топтар бір-бірін бағалайды

Рефлексия

«Табыс ағашы» әдісі бойынша кері байланыс алу

Мұғалімдер кері байланыс береді.

1-ші деңгей мұғалімі Тулегенова Кульмира Сагимбекавнаның

рефлексивтік есебі.

Ақпанның 8-і күні «Математика сабағында оқушыларды бірлескен жұмысқа тарта отырып, оларды өзін-өзі және өзара бағалауға үйрету» тақырыбында шебер сынып өткіздім. Шебер сыныпқа барлығы 12 мұғалім қатысты. «Геометриялық фигуралар» әдісін қолдана отырып мұғалімдерді екі топқа бөлдім. Сабақтың басында «Жыланша» әдісін қолдану барысында әркімге өз есіміне байланысты бір жақсы қасиетін айтқыза отырып, жақсы психологиялық көңіл-күй қалыптастып алдым. Суреттегі төртбұрыштардың қасиеттерін қолданып, семантикалық картаны толтыра отырып, слайдтағы дұрыс жауаптар бойынша өздерін-өздері бағалады. Бұл тапсырманы орындау барысында мұғалімдерде оқушыларды өздерін-өзі қалай бағалауға болатындығы туралы түсініктері қалыптасты. «Бұл тапсырманың маңызы неде?» деген сұрағыма мұғалімдер бір мезгілде барлық сыныпты қамтып, білімдерін тексеруге мүмкіндік болатындығын, сонымен қатар оқушылар өздерінің алған білімдерін, нені біліп нені білмегенін саралап қорытынды жасайтындықтарын айтты.

Бірлескен жұмыстың маңыздылығын түсіндіру мақсатында топтардың әрбір мүшесіне геометриялық фигураларды қолдана отырып, үйдің және оның ауласының суретін салдырдым. Бір мақсатта жұмыс жасауға жұмылдыруға қалай тартуға болатындығын көресете отырып, оқушылардың сабаққа қызығушылығын қалай тудыруға болатындығын көрсеттім. Тапсырма соңында ұстаздар бұл тапсырманың барлық оқушыны бірлескен жұмысқа тарта отырып, оқушылардың ойлау қабілеттерін, қызығушылықтарын арттырып, үлгермеушілікті болдырмаудың алдын алу шараларының бірден бір қызық түрі екенін айтты. Содан кейін өзара және өзін-өзі бағалаудың рөлін түсінедіріп өттім.

«Жалаушалар тізбегі» әдісі бойынша тақырыпты қорытындылап, осы әдісті қолдануды үйренді. Әр топ бір-бірлерінің жұмысын талдап, бағалады. Шебер сынып сабағы соңында «Табыс ағашы» әдісін қолдана отырып, кері байланыс алдым. Кері байланыс барысында мұғалімдер сабақта көрсетілген әдістердің тиімді екендігін айтып, өз сабақтарында қолданатындықтарын айтты.