Мұғалімдердің қоғамдастық ықпалын жетілдіру арқылы деңгейлі бағдарламанының тиімділігін тарату

«Зырян қаласының №9 орта мектебі» КММ. Шығыс Қазақстан облысы. Зырян ауданы, Зырян қаласы.

Саньязова Бекзат Қабдуалиевна, 1 -(ілгері) деңгей.

Тақырып: «Мұғалімдердің қоғамдастық ықпалын жетілдіру арқылы деңгейлі бағдарламанының тиімділігін тарату»

Педагогикалық идеялар алаңы: Тәжірибе тиімділігін арттырудың шарты ретінде мұғалімдердің қоғамдастықтағы әрекеттесуі.

Өскемен, 2014.

Абстракт (аннотация):

• Жобаның мақсаты:

мұғалімдердің қоғамдастық ықпалын жетілдіру арқылы тиімді оқыту әдістерінің ұтымды жақтарын зерттеу.

• Зерттеудің жаңалығы:

деңгейлі бағдарламаның модульдерін инновациялық тәсілдер арқылы тарату тиімділігі.

• Жұмыс мазмұны:

I. Кіріспе.

Қазақстан Республикасы педагог қызметкерлерінің біліктілігін арттыру курстарынының білім жүйесін дамытудағы рөлі.

II. Зерттеу бөлімі:

1. Мұғалімдердің кәсіби және желілік қоғамдастығының деңгейлі бағдарлама модульдерін сабақтарға ықпалдастырудағы рөлі.

2. «...нақты әдістер мен стратегияларды қалай және қай жағдайда қолдану қажеттігі туралы білім қажет.» (ЭЫДҰ)

3. Тәжірибе тиімділігін арттыруда инновациялық әдіс-тәсілдерді қолдану арқылы мұғалімдердің кәсіби шеберлігін жетілдіру.

III. Қорытынды.

Мектептегі өзгерістердің оқыту сапасын арттырудағы маңыздылығы.

• Зерттеу гипотизасы:

зерттеу жұмысынындағы мәліметтерді кәсіби және желілік қоғамдастықтар отырыстарында коучинг сессиялары мен тренингтерде, семинарларда қолдануға болады.

• Зерттеу кезеңдері:

Тәжірибе кезеңі 6 ай. (қаңтар - мамыр. 2014)

• Зерттеудің жаңалығын және дербестік дәрежесі:

Зерттеу жұмысы теорияға сүйене отырып, мектептегі іс-тәжірибе негізінде жасалынды.

Мұғалімдердің қоғамдастық ықпалын жетілдіру арқылы деңгейлі бағдарламанының тиімділігін тарату.

1. Кіріспе.

Өмірдің барлық саласын жаһандандыру инновациялық тәсілдерді практикаға енгізуді тездетеді. бүгінгі таңда Еуропалық білім стандарты жүйесінде білім берудің сан алуан модулі сынақтан өтуде. Қазақстан Республикасы педагог қызметкерлерінің біліктілігін арттыру курстарында мұғалімдерді қайта даярлай отырып, еліміз білімі жоғары елдердің ортақ принциптері мен маңызды қағидаларын алып, білім жүйесін дамытуға ұтымды пайдаланғалы отыр. Мұғалімдерді даярлау реформасы тікелей сабақ және мектеп реформасымен байланысты болып отыр. Негізгі оқу жоспары - «мектептер базасында тәжірибені бірлесіп зерттеу». Қазір біздің мектептер арасында желілік қоғамдастық құру, сабақтарға зерттеу жасау маңыздылығын байқатады. Деңгейлі бағдарлама оқушылардың оқуға, мұғалімнің оқытуға деген көзқарасын өзгерту үшін өте маңызды.

Мектептерде мұғалімдердің көшбасшылығының маңыздылығын ескере отырып, мұғалімдердің және мектеп әкімшіліктерінде зерттеу өткізіп, мұғалімнің ресми және бейресми басшылық болашағын қарастыру әлемдік білім жүйесінде кеңінен қолдануда. Көшбасшы мұғалімнің стандарт моделдері мектеп пен білім беру жүйесіндегі мұғалімнің көшбасшы ролін қолдау үшін қажет. Себебі, әлемдік оқыту деңгейіне ұмтылыс мұғалім көшбасшылығына тікелей байланысты. Егер осы жүйені Қазақстан мектептеріне түбегейлі енгізсе, оқыту мен ойлау сапасын нәтижелі түрде өзгереді. Мемлекетте көшбасшылық тренингтердің ұйымдастыру тәсілдеріне қатты назар аудара отырып, қазіргідей тез дамыған қоғамда өмір сүру мектеп мұғалімдерінен кәсіби және желілік қоғамдастықты құру қажеттілігін тағы да дәлелдеп отыр.

Білім беру саласындағы өзгерістердің білім беру жүйесінде маңыздылығы артып отыр. Елімізде жүргізіліп жатқан білім саясаты әлемдік білім кеңістігімен ықпалдасуға бағдарланған. Еліміздегі педагогикалық білім берудің мазмұнының өзгеруі қазіргі таңда көшбасшы болуға қабілетті оқушыларды оқыту мақсатын қойып отыр. Педагогикалық мамандардың біліктілігін арттырудың жаңа жүйесін құруға мақсатталған жұмыстар XXI ғасыр азаматын қалыптастыруға бағытталған. Тек қана осындай оқушылар әлемнің кез-келген түкпірінде өз білімін көрсете алады.

Қазіргі қоғамда көшбасшыларды тек көшбасшылар ғана тәрбиелейді.Ал. көшбасшы мұғалімді деңгейлі бағдарлама негізінде ғана даярлай аламыз. қазіргі заман талабына сай, әр мұғалім өз білімін жетілдіріп, ескі бірсарынды сабақтардан гөрі, жаңа талапқа сай инновациялық әдістерді сабақтарында күнделікті пайдаланса, сабақ нәтижелі болары сөзсіз. Бұл жөнінде Қазақстан Республикасы «Білім туралы» Заңының 8-бабында «Білім беру жүйесінің басты міндеттерінің бірі - оқытудың жаңа технологияларын енгізу, білім беруді ақпараттандыру, халықаралық ғаламдық коммуникациялық желілерге шығудың» өзектілігін бағалайды.

Қазақстандағы білім беруді дамытудың 2011-2020 жылдарға арналған мемлекеттік бағдарламасы жобасында Қазақстанда оқитындарды сапалы біліммен қамтамасыз етуді басты мақсат етеді. Қазақстан Республикасының мұғалімдерінің біліктілігін арттыруына негізделген бағдарламалар мұғалімдерге үзіліссіз даму мен өзін-өзі жетілдіруге негізделген. Оларға сабақ беру мен оқытуда жаңа тәсілдерді түсінуіне, өздерінің жеке ойланулары мен тәжірибелеріне өзгерістер енгізуге бағытталған. Қазақстанда педагогикалық шеберлік орталығы мен Кембридж университетінің бағдарламасымен оқу мұғалімдердің сабақ беру тәжірибесіне, оқушылардың оқуына, жалпы алғанда мектептің жұмысына оң әсерін тигізетіні сөзсіз.

II. Зерттеу бөлімі:

2.1. Мұғалімдердің кәсіби және желілік қоғамдастығының деңгейлі бағдарлама модульдерін сабақтарға ықпалдастырудағы рөлі.

Қазақстан білім беру жүйесінде жаңа формация мұғалімін даярлауға бағытталған. Себебі, өзгермелі қоғамдағы жаңа формация мұғалімі - педагогикалық құралдардың барлығын меңгерген болу қажет. Кембридж университетінің бағдарламасы осындай негізді мұғалімдер даярлауға бағытталуы заңды да, себебі бұл әлемнің ең үздік оқыту тәсілдерін іріктеген жүйе. Педагог қызметкерлерінің біліктілікті арттыру курстары мұғалімдердің оқушыларды XXI ғасырға қалай дайындау мәселесін көтерген. Осы бағдарлама арқылы мектептерде ұзақ жылдар бойы қалыптасқан дәстүрлі, бірізді оқыту тәсілдері түбегейлі өзгерістерге түсуде. Мұндай өзгерістердің бірегейі - мектептердегі мұғалімдердің қоғамдастығының ықпалы арқылы жүзеге асырылуда.

Қазіргі қоғамда мектептер арасында желілік қоғамдастық құру арқылы оқыту сапасын арттырудың маңызы зор. Себебі бұрынғыдай мектептердің жеке-жеке өмір сүруі, жеке жетістіктер мен табыстарға жетуі еліміз үшін зор мәртебе бола алмайды. Желілік қоғамдастықтар құру - барлық мұғалімдердің бірлесіп проблемаларды шешуге, кәсіби біліктілік пен шеберлікті шыңдауға ықпал ететін бірден бір жол. Қоғамдастық мұғалімдері өз тәжірибелерін бірлесе отырып, ұсынылған тәсілдердің ең тиімді деген жақтарын таңдап алады, сабақтарға қолданудағы зерттеу жұмыстарымен бөліседі, тәжірибесін жетілдіреді. Мектептерге тараған жаңа тәсілдер тек мұғалімнің жеке кәсіби өсуіне ғана емес, мектептің дамуына да зор әсер етеді. Қоғамдастықтағы осындай жұмыс біліктілікті ұзаққа созылады және ұзақ мерзімге жоспарланады. Кәсіби және желілік қоғамдастық рөлін саралар болсақ:

♦ мұғалімдердің өз қабілеттерін дамытуына, қалыптастыруына, білімі мен мектеп ішіндегі әлеуетін жетілдіруге арналған жобаларды басқаруға және жүргізуге көмектеседі;

♦ Мұғалім желілік қоғамдастық арқылы өзінің жинақтаған тәжірибесін қызығушылық танытқан әріптесімен бөлісе алады;

♦ Әрбір маман өз қызметінің ерекшелігіне сәйкес мектеп базасында біліктілігін арттыра алады;

♦ көшбасшылықтың әртүрлі бағдарламаларын жүргізеді.

Мектептердегі педагогтердің желілік қоғамдастығы - бұл желідегі кәсіби әрекетті ұйымдастырудың жаңа формасы, бұл желідегі бір пән саласы немесе ортақ проблемамен айналысатын кәсіби қызмет аясында жұмыс жасайтын мамандар тобы болғандықтан қоғамдастықтың маңыздылығы өте жоғары болады.

Мұғалімдердің кәсіби және желілік қоғамдастығының деңгейлі бағдарлама модульдерін сабақтарға ықпалдастырудың модулі ретінде келесідегідей сызба ұсынылады:

Мектеп мұғалімдерінің біліктілігін арттыру бағдарламасын іске асыру аясында олардың кәсіби дамуы мен қызметін жетілдірудегі бастапқы жағдайлар, тұжырымдамалық негіздер, негізгі идеялар мен іске асыру қағидаттары қарастырылады. Кристофер Дэй сөзімен айтқанда: «Барлық оқушылар жоғары білікті, тиісті білімі бар, дағдылары қалыптасқан мұғалімнен білім алуға құқылы. Зерттеулерге сәйкес, өз ісіне жауапкершілікпен қарайтын кәсіпқой мұғалімдер жұмысы тиімді болу үшін жеке немесе топпен бірге өз жұмыс тәжірибесі мен құндылықтары туралы рефлексия жасап отырулары қажет.» Сондықтан кәсіби және желілік қоғамдастық құруда төмендегі қағидаларды үнемі назарда ұстау қажет

• тәжірибедік жұмыстың ғылымилығы;

• зерттеу жұмысының жүйелігі;

• қоғамдыстықтықтың кешенді сипаты;

• жүйелік, бірізділік, сабақтастық, үздіксіздік, бұқаралық;

• шаралардағы жұмыстың шығармашылық сипаты;

• мұғалімдердің барынша белсенділігі;

• зерттеу, талқылау жұмыстың нақтылығы;

• тәжірибелік жұмыстың барлық іс жүзіндегі бағыт-бағдарында теорияның тәжірибедегі бірлігі;

• әдістемелік жұмыстың жеделдігі, икемділігі, оңтайлығы;