Өзін өзі тану Мөлдір бұлақ - жасыл құрақ

Күні: 4 ақпан

Сынып: 6 «ә»

Тақырыбы: Мөлдір бұлақ - жасыл құрақ

Сілтеме: «Өзін - өзі тану», 6- сыныпқа арналған оқулық, Алматы - 2010 жыл.

Мақсаты: Оқушылардың адам мен табиғат арасындағы үйлесімділік туралы түсініктерін дамыту.

Күтілетін нәтиже: оқушылардың табиғаттың тұтастығы туралы ұғымдары кеңейеді, табиғатқа сүйіспеншілікпен, мейірімділікке, қамқорлыққа тәрбиелеу.

Сабақтың түрі: жаңа сабақ

Қолданылатын әдіс -тәсілдер: Сұрақ-жауап, әңгімелесу, топтық жұмыс.

Керекті құрал - жабдықтар: аудиокассета

Сабақтың кезеңдері

Мұғалімнің әрекеті

Оқушының әрекеті

Уақыт

Кіріспе

Ұйымдастыру кезеңі

Жағымды ынтымақтастық атмосфера қалыптастыру.

Оқушылармен бірге шеңберге тұрады.Оқушылар мұғаліммен бір-бірімен сәлемдеседі.

Қосылып, «Аралдан ұшқан аққулар» әнін шырқайды.

3мин.

І. Үй тапсырмасын тексеру:

Үй тапсырмасын сұрайды

Тапсырма: 19 - сабақ, 126 - бет

А. Жұбанов «Ақ көгершін»

А. Жұбанов «Ақ көгершін»

Әнді орындайды

2 мин.

II. Жаңа сабақ. Әңгімелесу

Әңгімелесу әдісін қолдану арқылы мұғалім оқушылардың тақырыпқа сәйкес білімдері мен игерген біліктерін айқындайды.

- Табиғаттың адам өміріне маңызы неде?
- Табиғат пен адам арасындағы үйлесімділік дегенді қалай түсінесіңдер
- Табиғатқа өз қарым-қатынастарыңды қалай білдіресіңдер?

Оқушы өз білетінін еске түсіреді, сұрақтарға жауап береді,топта талқылайды.Бөлісу, ортаға салу арқылы ойы ашылады, тазарады.

11 мин.

ІІІ. Мәтінмен жұмыс.

Ақселеу Сейдімбектің «Бетпақдала» атты әңгімесін оқу ұсынылады. Әңгімені оқу барысында оқушылардың табиғатқа қарым-қатынасы туралы білімдері арта түседі.Өйткені әңгімеден оқушылар адамның табиғатқа қарым-қатынасына көп нәрсенің байланысты біледі.

Оқушыларды 3 топқа бөледі, әр топта 6 баладан,бір мәтінді 3 бөлікке бөліп әр топқа беріледі.

- Хан жарлығы мен ел жұрт әрекеті табиғатты қандай жағдайға душар етті?
- Құнарлы жердің бетпақ далаға айналуының себебі неде?

Оқып танысады, түсінуге тырысады.Сосын әр топтан 2 бала шығып басқа топтарға барып сол топтың мәтінімен танысып түсініп өз топтарына қайтып оралады, алған мәліметті ортаға салады бір тұрас мәтін жинайды.

9мин

Тапсырма

Оқушылар тапсырманы орындау үшін табиғат туралы білімдерін еске түсіріп, ойланады.

Табиғат тұтастығын сақтау жөнінде ұсыныстар айтып, оның мәнділігін дәлелдеңдер. Ұсыныстарды әр түрлі үлгіде, яғни сызба, жоба, кесте, сурет, модель түрінде берулеріне болады.

Ұсыныстарын сынып алдында жария етеді

5 мин

IV.Топпен жұмыс

1-топ. Табиғат туралы 5жолды өлең жаз
2- топ. Табиғат туралы мақал-мәтелдер жаз

3- топ. Табиғатқа ассоциация жасау

Бірігіп жұмыс істейді

7мин.

Бағалау.

Оқушыларға өздерін, өзінің тобындағы оқушыларды, бүгінгі күнде жасаған іс -әрекеттеріне бағалауды ұсынады.

Топ басшысы топтағы оқушыларды, топты бағалайды.

5 мин.

Жүректен жүрекке

Оқушылар кезекпен кезек шеңбер бойымен жиналып, ұсынылған сөйлемді өз ойларымен жалғасытырып айтады.

- Мен үшін табиғат маңызды, өйткені….

3мин.