ТАЗА АУАМЕН ДЕМАЛАЙЫҚ атты ашық сабағына Үздік методикалық әдістеме номинациясы беріледі

Сабақтың тақырыбы: Таза ауамен демалайық

Сабақтың мақсаты:
1. Жаңа тақырып бойынша мәлімет беру, жаңа сөздермен танысып, білімдерін кеңейту, грамматикалық тақырыпты қайталау арқылы білімдерін пысықтау. Таза ауамен демалайық тақырыбындағы білімдерін толықтыру, сөздік қорларын молайту.
2. Оқушылардың ауызекі сөйлеу дағдыларын дамыту , тілге қызыңушылықтарын арттыру,ойын еркін айта білуге жетелеу, ойлау, есте сақтау қабілеттерін дамыту
3. Оқушыларды табиғатты, қоршаған ортаны қорғауға, құрметтеуге тәрбиелеу.
Сабақтың түрі: жаңа сабақ
Сабақтың типі: жаңа білімді қалыптастыру
Сабақтың әдіс - тәсілдері: сөзжұмбақ шешу, сұрақ - жауап, мәтінмен жұмыс.
Көрнекіліктері: жеке карточкалар, компьютер арқылы басылған сөздік сөздер, суреттер, плакатта жазылған ереже.

Сабақтың барысы:
І. Ұйымдастыру кезеңі: (2 минут)
- Рақмет, балалар, отырыңдар.

Араб сауаты әдісі арқылы сабақтың тақырыбын анықтау(3 минут)

(Т...з... ...у...м...н д...м...л...й...қ )

Жарайсыңдар, яғни «Таза ауамен демалайық» деген сабақтың тақырыбы шықты.

Сабақтың мақсатымен таныстыру.
Балалар, біз бүгін сабақта не істейміз?

Сендер қалай ойлайсыңдар, бүгінгі сабағымыздың тақырыбына байланысты қандай проблемалық сұрақ туындайды?

• Проблемалық сұрақ?- Ауа таза болу үшін не істеу керек?

Олай болса, жаңа сөздер мен сөз тіркестерді оқып, есте сақтайық. (5 минут)
Жаңа сөздермен жұмыс:

• сөздікке көшіріп алу;

• аудармасын жазу;

• хормен, жеке қайталау.

Таза ауа - чистый воздух
Жарамсыз - непригодный
Дем - дыхание
Жұту - дышать
Көңіл - настроение
Үнемі - постоянно

Айнала - вокруг

Қайта- обратно

Жаңа сөздермен сөйлемдер құрастырамыз, етістіктің шақтары , дұрыс қоямыз.

Ал енді балалар сендерге уақыт беріледі, сол уақыттың ішінде жаңа сөздерді іштей қайталап, .есте сақтаймыз , жатқа айтасыңдар.

Мәтінмен жұмыс: Мәтінді түртіп алу әдісі бойынша мұқият, оқып шығамыз, таныс емес сөздердің астын сызып, аудармасын сөздіктен қараймыз. (5 минут)
Ағаш ек!

Адам таза ауамен демалады. Адам демінен шыққан ауа қайта жұтуға жарамсыз. Ал таза ауа қайдан келеді деп ойлайсыңдар? Таза ауа ешқайдан келмейді. Айналамыздағы ағаштар жарамсыз ауаны жұтып отырады. Өзі үшін қажетті иісті ұстап қалып, онымен қоректенеді де , ауаны тазартады.

Үйлердің айналасында, көшеде, аулада өсіп тұрған ағаш көп болса, ауа да таза болады. Таза ауамен дем алған адамның дені сау, көңілі хош болып, ұзақ өмір сүреді. Сол себептен бабаларымыз: « Өмір жасыңды ұзартқың келсе, ағаш ек » деп айтқан.

Сұрақтар құрастыру ( 5 минут)

Тексереміз, бағалаймыз.

Балалар сендер қалай ойлайсыңдар, табиғаттың ауасын, экологияны кім қадағалайды, яғни тексереді? Әрине, экологтар.

Ал сендер экология сөзінің қандай мағына беретінін білесіңдер ме?

Онда қазір сөз кезегін үйде түсіндірме сөздігінен оқып келген оқушы оқиды.

Оқушы: Алғаш рет экология деген ұғымды (1866 ж.) ғылымға неміс ғалымы Эрнест Геккель енгізген. Экология гректің oikos ( үй, мекен, тұрақ) және logos(ілім) деген сөзінен шыққан. Ол бізді қоршаған орта, біз өмір сүретін айнала деген ұғымды білдіреді....

Демек, өзің тұрған үйді қалай таза ұстасаң, қоршаған табиғатты да солай таза сақтау керек.

Балалар, Табиғаттың суреттеріне назар аударыңыздар да, сөйлемдер құрастырыңдар.
Қазір біз сендермен ЕЖК (екі жақты күнделік) әдісі бойынша жұмыс жасаймыз.
Топпен жұмыс

1.ЕЖК әдісі бойынша жұмыс ( 3 минут)

Екі жақты күнделік әдісі:

Сөздер

Сөйлемдер

тау

көл

өзен

Тексереміз, бағалаймыз.
Жақсы, біз табиғат туралы сөйлемдерді еске түсірдік. Ал енді келесі тапсырмаға назар аударайық.

Сергіту сәті

Ал қазір балалар біздер мына сөзжұмбақты шешіп көрейік

Сөзжұмбақ шешу

1. Біздің қаламыз қандай өзеннің бойында орналасқан?

2. Қорықтың атауы?

3. Көлдің атауы?

4. Алматы қандай таудың етегінде орналасқан?

5. «Лебедь» сөзінің аудармасы.

6. «вода» сөзінің аудармасы.

7. «медведь» сөзінің аудармасы.

Жарайсыңдар, яғни «таза ауа» деген сөз шықты.

Тексереміз, бағалаймыз.

2. РАФТ әдісі бойынша эссе жазу (10 минут)

Р (рөл) - тұрғын

А (аудитория)- қала

Ф (форма)- шағын шығарма

Т (тақырып) - Табиғатты қорғау.

Кілтті сөздер: қоршаған орта, отырғызу, сындырмау, қоқыс, үлес қосу.

Автор орындығы бойынша тексеру (5 минут)

Тексереміз, бағалаймыз.

Жаңа сөздерді пайдалана отыра сұрақтарға жауап беру (2 минут)
Адамға үнемі қандай ауа керек?
Адам неғұрлым таза ауамен көп дем алса, қандай болады?
Үйге тапсырма: жаңа сөздерді пайдалана отыра, диалог құрастыру.

Рефлексия

Бағалау