- Преподавателю
- Другое
- Құрамында жалқы есімдер бар фразеологизмдер
Құрамында жалқы есімдер бар фразеологизмдер
Раздел | Другое |
Класс | - |
Тип | Статьи |
Автор | Аманбайқызы А.А. |
Дата | 25.01.2016 |
Формат | docx |
Изображения | Нет |
Құрамында жалқы есімдер бар фразеологизмдер
-
Абайдың ақылын (басын) берсін, Жамбылдың жасын берсін, Сәкеннің сәнін берсін, Күләштің әнін берсін...Алғыс. Бар өнер, бар жақсылық өзіңе болсын.
-
Абылай аспас асу (бел). Тым қиын асу, өте ауыр жол.
-
Абылайдың ақ туы. Бұрын күллі қазақ атынан айтылатын ұранның баламасы.
-
Абылхаят (Әбілхаят) суы. Мәңгі өмір сүргізетін қасиетті су.
-
Айға талпынды (ұмтылды). Қол жетпеске қол созды.
-
Айға шапты. Қол жетпеске ұмтылып, босқа далақтады.
-
Айдай әлем. Көп жер, бүкіл ел.
-
Айдай сұлу. Өте көркем.
-
Айдай таза, Күндей нұрлы. Өте көрікті, асқан сұлу.
-
Айдан анық. Бешенеден белгілі, ап-айқын.
-
Айдан ұл тудырып, Күннен қыз тудырып. Қолдан келгеннің бәрін істеді, болдырмасты болдырды.
-
Ай десе аузы бар, Күн десе көзі бар. Аса сұлу, өте көрікті.
-
Айды аспанға бір шығарды. Даңқы жер жарды, аты шықты.
-
Ай қарады. Құр бекерге, тектен-тек қарап отырды.
-
Албасты басқыр... Қарғыс. Жамандық келсін.
-
Америка ашу. Жаңалық ашу.
-
Аплотондай білімі, ақылы. Дана.
-
Асан қайғыға түсу. Уайым жеу, күдер үзу.
-
Асан қайғыңды айтпай отыршы. Сары уайымыңды айтпа, қайғыға салынба.
-
Әзәзілдей аздырды. Жын сайтандай, арбаушыдай аздырды.
-
Бабай түкті шашты Азиз. Діни. Ескі ұғымды қолдап жебейтін әулие туралы айтылған.
-
Бибатпа пірімнің қолы. Діни. Бибатпаға (Бибі Фатима, Қадишаға) сыйынды. Бибатпаны (бұл сөз «Фатима» дегеннен шыққан) - әйелдердің пірі етіп тұтынған.
-
Ғазірет Қызыр ие. Діни. Жарылқаушы, құт басшысы - Қыдыр деген мағынада айтылып тұр.
-
Есекқырғанды Шолпан деп.Беймізгіл у да шу, дүркірей жөнелу мағынасында айтылады.
-
Жер ортасы - Көктөбе. Өте алыс.
-
Жүсіп пен Злихадай. Бір-бірін жақсы көретін адамдар.
-
Күлтөбенің басында күнде кеңес. Жиі-жиі болған жиын туралы айтылады.
-
Күн батқанша. Күн ұясына кіргенше, қараңғы болғанша.
-
Күн еңкейді. Түс ауып, күн кешкірді.
-
Күн жалады. Ыстық аптап ұрды.