Сайыс сабақ Экономикалық бағдаршам

Қызылорда облысының білім басқармасы

«Жас өркен» колледжі

Экономикалық бағдаршам

(танымдық сайыс)

Дайындаған Экономика негіздері пәнінің оқытушысы: О.Жалғасова

Қызылорда, 2015 ж

«Экономикалық бағдаршам» атты танымдық сайыс

Пәні: Экономика негіздері

Тобы: ТЖ-13-9

Күні : 9.11.2015 жыл

Уақыты: 11 -30

Өткізілетін орны: 15 кабинет

Мақсаты:

1. Білімділік: Білімге деген көзқарастарын қалыптастыра отырып,өз білімін бағалауға дағдыландыру

2. Дамытушылық: Оқушылардың білімге қызығушылығын және ойды жүйелеу қабілеттерін дамыту.

3. Тәрбиелік: Оқушыларды шапшаңдылыққа, ізденімпаздыққа, ұйымшылдыққа тәрбиелеу.

Көрнекіліктері: слайдтар, фишкалар

Пәнаралық байланыс: математика, тарих

Ойын барысы:

1. Ұйымдастыру кезеңі: ойын шартымен таныстыру,жеңімпазды анықтау.

2. Ойын жүрісі:

• Құрметті ұзтаздар, қонақтар, оқушылар сіздерді «Экономикалық бағдаршам» атты сайысымызға қош келдіңіздер! Бүгінгі сайысымызға 2 курс студенттері қатысып отыр, сайысымыз 3 турдан тұрады.

Сайысымызды бастамас бұрын әділ - қазылар алқасы мен таныс болайық.

Директордың оқу ісі жөніндегі орынбасары - Сейдахметова Г.С.

Гуманитарлық пәндер бірлестігінің жетекшісі - Қалманова Г.

Техникалық пәндер бірлестігінің жетекшісі - Шалқарбаев А.

Шақырамыз келіңдер жарысуға,

Күш өнер білімменен алысуға

Бар өнерді салайық ортамызға

Қанекей, кім шығады сайысуға - деп бүгінгі сайысымызға қатысушыларды таңдап алайық. (көрермендерге сұрақ беріп, 9 қатысушы таңдап аламыз)

Сұрақтар.

1. Ақшаның көмегінсіз тауардың бір-біріне ауыстырылуы? (бартер)

2. Еңбегі үшін төленетін ақы ? (жалақы, еңбекақы)

3. Облигация, акция, вексель. Бұл - (бағалы қағаздар)

4. Пайда алумен жеке табыс табуға бағытталған адамзаттардың белсенді, шығармашылық дербес іс-әрекеттері?(кәсіпкерлік)

5. Иесіне дивиденд алуға және оған компанияны басқаруға құқық беретін, мерзімсіз бағалы қағаз (акция)

6. Кәсіпорынның заңды түрде белгіленген төлемқабілетсіздігі (банкроттық)

7. Басқа елдер валютасымен салыстырғанда ұлттық валюта бағамын төмендету (девальвация)

8. Сатып алушының төлем қабілетімен қамтамасыз етілген, тауарларға және қызметтерге қажеттілік (сұраныс)

9. Пайдаға қарсы ұғым? (шығын)

10. Экономика сөзі қай тілден шыққан (грек - «ой» - үй шаруашылық, «номос» - заң)

11. Меркантализмнен кейінгі экономикалық даму кезеңі (физиократия)

12. Берілген жылдағы бюджет шығыстарының оның табыстарынан артқан сомасы (бюджет тапшылығы)

13. Ақша қаражаттарын бөлу және пайдалану туралы қатынастардың жүйесі (қаржы)

14. Әлемдегі ең алғаш банкноттар қайда басып шығарылды (Стокгольмда)

15. Шығарылатын өнімге негізгі өндіріс қорының құнын біртіндеп көшуі (амортизация)

16. Тұтыну заттарының көлеміне қарай шектелген ақша қаражжаты (капитал)

17. Физиократтар ілімінің мәні (қоғамдық байлық - өндірісте)

18. Экономикалық ғылым қандай қызметтер атқарады (танымдылық, әдіснамалық, практикалық)

Ойынға қатысушылар қызыл, сары, жасыл жолдарға тұрады. Қызыл жолға тұрған ойыншы қателеспеуі керек, сары жолда - 1 рет қателесуге болады, жасыл жолда - 2 рет қателесуге болады. Әрбір жолға 3 оқушыдан келеді. Әрбір сұрақ 2 ұпаймен бағаланады.

Көңілді тапқырлар, білгіштер

Бар өнерін алдарына салады

Кім біледі көп оқыған болса егер,

Бүгінгі күн жеңімпазы болады.

Есептен сайысады үш тобымыз

Алға озар ең мықтысы осы жолда

Көпшілік білімдерін сараламақ

Сұрамақ шығуларын жұрт алдына - дей отырып І турымызды бастаймыз.

І тур

Қызыл жол

1. Экономика ғылым ретінде қашан дамыды (ХVI-XVIII ғасырларда)

2. Қазіргі қолданыстағы қағаз ақша қайда дамыды? (Қытайда)

Сары жол

1. Инфляция сөзінің латын тілінен аударғандағы мағынасы ? (қампию)

2. Сұраныс көлемі мен ұсыныс көлемі арасындағы тепе-теңдік туындаған жағдайдағы баға? (тепе-тең баға)

3. Ұшақ Зайсаннан Алматыға дейін 1 сағат 20 минут ұшады, ал кері қарай 80 минут ұшады. Бұл айырмашылықты қалай түсінуге болады? (1 сағ 60 мин = 80 мин)

Жасыл жол

1. Өмір сүру қажеттіліктерін алу үшін адамның табиғатқа белсенді және саналы түрде әрекет етуі қалай аталады? (экономика)

2. Экономикалық теорияны басқаша қалай атайды? (экономикс)

3. Столдың 4 бұрышы бар. Егер бір бұрышын кесіп тастасақ, неше бұрыш қалады?(5)

4. Экономикалық теорияның алғашқы мектебі? (меркантализм)

Мәңгі бақи есте қалар

Қызықты бір жиын болсын

Білімдірек шәкірт озар

Сұрақтары қиын болсын - дей отырып сайысымыздың ІІ турын бастаймыз.

ІІ тур

Қызыл жол

1. «Спутник» жер шарын 103 минутта айналып өтті. Ол неше сағат, неше минутта айналып өтті? (1 сағат 43 минут)

2. Қажеттілік пирамидасын ұсынған ғалым (А.Маслоу)

Сары жол

1. Тауарлар мен қызметтер құнының ақшалай көрінісі (баға)

2. Бір тұлғаға, белгілі бір топқа немесе мемлекетке тиесілі өндіріс, сауда, кәсіптің

айрықша құқығы, бір тауарды сатуда немесе қызметте бір ғана сатушы жұмыс

істейтін нарық (монополия)

3. Сатылатын мүлікке саудаласу барысында ең жоғары баға ұсынған сатып алушыға меншік құқы берілетін, ашық сауда саттық ? (аукцион)

Жасыл жол

1. Ақша ресурстарын тартумен және оларды орналастырумен айналысатын экономикалық институт? (банк)

2. Қарыз алушы? (дебетор)

3. Басқа елдерден алынатын тауарлар мен қызметтердің жиынтығы (импорт)

4. Жылжымайтын мүліктің кепілдігіне берілетін, қарыз алушыда қалатын ақша (ипотека)

Білім деген биік шың

Бақытқа сені жеткізер

Білім деген ақылшың

Қиындықтан өткізер - дей отырып ІІІ турымызды бастаймыз.

ІІІ тур

Қызыл жол

1. Столдың басында 2 әке мен 2 бала отыр. Оларға үш алманы қалай тең бөліп беруге болады? (атасы, әкесі, баласы)

2. Тауардың сату бағасы мен өндіріс шығындарының айырмасы? (пайда)

Сары жол

1. Адамның еңбек заттарына әсер ету тәсілдері? (технология)

2. Басқа елдерге сатылған тауарлар мен қызметтердің жиынтығы? (экспорт)

3. Тауарлар мен қызметтерді өндіру процесінде жұмсалатындардың барлығы

(ресурстар)

Жасыл жол

1. Заң актілерімен белгіленген тәртіп және шарттар бойынша, төлеушілердің бюджетке немесе бюджеттен тыс қорларға жасайтын міндетті жарналары ? (салық)

2. Бірнеше ірі фирмалар үстемдік ететін нарық (олигополия)

2. Елдің ақша бірлігі? (валюта)

3. Торғайлар бұтаққа бір - бірден отырса, бір торғай, ал олар екеуден отырса бір бұтақ артық қалады. Бұтақ қанша, торғай қанша? (үш бұтақ, төрт торғай)

Қорытынды

Жарыстың сәті таяп қалды

Демеңіздер біз өнерді аяп қалды

Әділқазы сіздерге сөз береміз

Қай тобымыз жеңімпаз болып сарапталды - дей әділқазыларға сөз кезегін береміз.(Әділ қазылар алқасы қорытынды жасап, жеңімпаз топ марапатталады)

Осыменен қызықты тамамдасақ

Бұл жайды айтамыз ба, жаман болсақ?

Үйрендік білмегенді осы жолы

Тағы да үйренеміз аман болсақ - дей келе бүгінгі сайысымызды аяқтаймыз.

Назар салып тыңдағандарыңызға рахмет! Қош сау болыңыздар!