- Преподавателю
- Другое
- Дара және күрделі сөздерді қолдану
Дара және күрделі сөздерді қолдану
Раздел | Другое |
Класс | 6 класс |
Тип | Другие методич. материалы |
Автор | Абдрахманова С.А. |
Дата | 19.12.2015 |
Формат | docx |
Изображения | Нет |
Қазақ тілі 6 «А»сынып
Сабақтың тақырыбы : Дара және күрделі сөздерді қолдану.
Сабақтың мақсаты: а) Білімділік: оқушылардың теориялық білімдерін тиянақтау, сауаттылықарын арттыру.
ә) Дамытушылық: оқушылардың есте сақтау қабілетін, сөйлеу мәдениетін дамыту.
а) Тәрбиелілік: оқушыларды білімділікке, еңбекқорлыққа, адамгершілікке тәрбиелеу.
Сабақ әдісі: баяндау, сұрақ-жауап.
Сабақ түрі: бекіту.
Сабақ көрнекілігі: дидактиклық материалдар
Сабақ барысы:
І. Ұйымдастыру кезеңі: Оқушылармен амандасу, оқушылар тізімін тексеру, оқушылар
назарын сабаққа аудару.
ІІ. Үй тапсырмасын сұрау.
- Сөздер құрамына қарай нешеге бөлінеді? Дара және күрделі .
- Дара сөздер дегеніміз не?
- Күрделі сөздер дегеніміз не?
ІІІ. Жаңа сабақ. Дара және күрделі сөздерді қолдану.
Күрделі сөздер жасалу жолына қарай төрт түрлі болады:
Біріккен сөздер: ақсақал, итмұрын,Темірқазық.
Қос сөздер: бет-аузы,кезек-кезек,тез-тез.
Қысқарған сөздер: БҰҰ,ҚХР, АҚШ.
Тіркесті сөздер: жүз он, қара ала.
Ақсақал,итмұрын,Темірқазық сөздерді жазып,әрқайысысының мағыналарын ажыратуда олардың синонимдерін табыңыздар. Ақсақал сөзі-қарт-кәрі-үлкен кісі.Итмұрын-өсімдік атауы.Темірқазық-жұлдыздың атауы. Енді осы сөздердің қалай жасалып тұрғанын аңғарып көріңіздерші, бұл сөздердің екі түбірден құралып,бір ұғымның атауы болып тұрғаны мынадай жолмен нақтылана түседі.Мысалы: ақсақал (ақ сақал),Темірқазық
( темір қазық), итмұрын (ит мұрын)деген құрамдардан бірігіп,олар бірге жазылып тұр.
Енді осы сөздерді сөз тіркесі құрамында сөйлем ішінде қолданып көрейік. Мысалы:
Ақсақалды қарияға жолықтым. Итті темірқазыққа байлап қойды. Енді осы сөйлемдер-
дегі ақ сақал -қандай? темір-қандай? деген сұрақтарға жауап береді,бұл сөздер жеке сөйлем мүшесінде жұмсалып тұрған жеке сөздер.
Біріккен сөздер кем деген екі не үш түбірлі сөздерден бірігіп,жаңа бір ұғым тудырады.
Мысалы: Мақтарал (жер аты), қырықаяқ (жәндік), Екібастұз (қала аты).
Қос сөздер күрделі сөздердің бір түрі. Қос сөздер қайталама қос сөздер,қосарлама қос
сөздер болып екіге бөлінеді. Мысалы: Ол бет-аузын екі білегімен кезек-кезек сүртіп,зеңбі-
ректі тез-тез атады. (Ғ.Мүсірепов). Бет-аузы деген қос сөз қандай сөдерден жасалып тұр?
Бет және ауыз деген екі сөздің қосарланып тұрғаны анықталады.
Ал кезек-кезек, тез-тез деген сөздер қалай жасалған? Бұл сөздер екі түбірдің екі рет қайталануы арқылы жасалып тұр.
Қысқарған сөздердің ішінен оқушыларға таныс сөздерді талдату. АҚШ,МАЙ,БҰҰ.
Тіркесті сөздер-екі я одан да көп сөздердің тіркесіп келіп, бір ұғымды білдіретін күрделі сөздер. Мысалы: жүз он, бидай өңді,қырық тоғыз.
IV. Сабақты бекіту.
-Күрделі сөздер жасалу жолына қарай нешеге бөлінеді?
( Біріккен сөздер, қос сөздер, қысқарған сөздер, тіркесті сөздер).
- Сөздер құрамы жағынан нешеге бөлінеді?
( Сөздер құрамы жағынан екіге бөлінеді дара сөздер және күрделі сөздер болып.)
V. Сабақты қорыту.
.- Қысқарған сөздер дегеніміз не?
- Біріккен сөздер дегеніміз не?
- Қос сөздер дегеніміз не?
- Тіркесті сөздер дегеніміз не ?
VI. Үйге тапсырма: ереже қайталау. Күрделі сөздерге мысал жаз.
VII.Оқушы білімін бағалау.