- Преподавателю
- Другое
- Рабочая программа по якутской литературе 5-11 классы
Рабочая программа по якутской литературе 5-11 классы
Раздел | Другое |
Класс | 11 класс |
Тип | Рабочие программы |
Автор | Седалищева Е.И. |
Дата | 11.10.2015 |
Формат | docx |
Изображения | Нет |
Саха литературатыгар 3 сүһүөххэ үлэлиир программа.
Үлэлиир программа "Норуот айымньыта уонна литература», 5-11 кылаас ,Дьокуускай,1996с. Саха республикатын Үөрэҕин министерствота бигэргэппит программатыгар олоҕуран оҥоһулунна.
Төрөөбүт литератураны орто оскуолаҕа үөрэтии билиҥҥи кэмҥэ маннык сыалы-соругу туруорар:
-
сахалыы литератураны сэргээн,кэрэхсээн,сатаан,өйдөөн ааҕарга үөрэтии;аахпыты бэйэ сайдыытыгар туһанарга туһулааһын;
-
ийэ тыл уус-уран күүһүн,кэрэтин,тыл илбиһин,хомуһунун оҕоҕо кыра сааһыттан иҥэрии;
-
Уус-уран айымньыны,араас геройдарын туһанан төрөөбүт норуот олоҕун,историятын,култууратын,үгэстэрин,сиэрин-майгытын арыйыы;киһи аналын,олоҕу дириҥник,таба өйдүүргэ үөрэтии;
-
төрөөбүт тылынан уус-уран айымньы айыллар үгэһин,кистэдлэҥин,араас ньыматын билиһиннэрии;
-
үөрэнээччи айымньылаахтык толкуйдуур уонна айар дьоҕура тобулларыгар суол аһыы;
-
уус-уран айымньыны уран тыллаах,ураты дьоҕурдаах,талааннаах дьон айарын өйдөтүү.
Саха литературатын оскуолаҕа үөрэтии программатын сүрүн туһаайыылара:
-
Норуот тылынан уус-уран айымньыта сахалыы уус-уран литература силиһэ,төрдө буоларын аахсан,уус-уран литератураны фольклору кытта ситимнээн үөрэтии.
-
Айымньыны идейнэй тосхолунан эрэ буолбакка,уус-уран ситиһиитин,үөрэнээччигэ сайдыыны,литературнай үөрэҕириини төһө биэрэр кыахтааҕын сыаналаан талыы уонна таҥыы.
-
Уус-уран айымньыны айар арааһын,литература теориятын өйдөбүллэрин түмэн,бөлөхтөөн биэрии.Ону үөрэнээччи болҕойоро,бэйэтэ туттарга эрчиллэрэ.
-
Талан үөрэтии уонна талан ааҕыы хайысхатын тутуһуу.Оҕону баҕаран туран үөрэнэргэ,бэйэни бэйэ санаатын, сатабылын,дьоҕурун сыаналыырга уһуйуу.
-
Үөрэнээччигэ айарга үөрэнэр, холонор кыаҕы биэрии,тэрийии.сөптөөх үөрүйэҕи, сатабылы иҥэрии, дьоҕура сайдарыгар ирдэбили туруоруу.
3-c сүһүөххэ үөрэтии ис хоһооно.
Уус- уран айымньыны ааҕарын таһынан,саха литературата үөскээбит уонна сайдан кэлбит суолун билиһиннэрэр соругу туруорабыт.Ол иһин уус-уран айымньы историзм принцибин тутуһан,литература сайдыытын (литературнай процесс) сүрүн түһүмэхтэринэн сааһыланна.Суруйааччы олоҕу көрүүтэ ,философията,эстетикэтэ,айар маастарыстыбата,ураты стилэ анаан-минээн үөрэтиллэр.
Ханнык баҕарар киһи үрдүк уус-уран таһымнаах айымньыны ааҕыыттан дуоһуйар,туох эмэ санааҕа тиийэр.Оттон үөрэнээччисыыйа сайдан иһэр оҕотук өйүгэр-санаатыгар,иэйиитигэр уус-уран айымньыттан сөптөөх хоруйу булан,дьону-сэргэни,олоҕу сылыктыы,быһаара,сыаналыы үөрэнэр.
10-11 кылааска саха литературатын үөрэтии түмүк ситиһиитэ.
1.Үөрэнээччи билиитэ уонна сатабыла.
-
айымньыны билэр,өйдүүр туһугар кудуччу, сүүрдэн,сыныйан,талан ааҕар;
Булгуччу ааҕан билиэхтээх:
-
Сахалыы суруллубут аан маҥнайгы айымньыны;
-
Маҥнайгы суруйааччылар А.Е.Кулаковскай, А.И.Софронов, В.В.Никифоров, Н.Д.Неустроев биирдии бөдөҥ айымньыларын А.Е.Кулаковскай, А.И.Софронов олохторун кэпсээнин кытта дьүөрэлээн философскай хоһоонноруттан;
-
П.А.Ойуунускай олоҕун кэпсээнин кытта дьүөрэлээн хоһоонноруттан уонна" Кыһыл Ойууну";Эллэй,Күннүк Уурастыырап хоһоонноруттан; Күндэ биир кэпсээнин, Эрилик Эристиин, Амма Аччыгыйа биирдии сэһэнин, Суорун Омоллоон " Күкүр Уус " драматын;
-
Ааттара тиллибит поэттар,суруйааччылар И.Арбита,.Алтан Сарын айымньыларыттан;
-
Сэрии кэминээҕи литератураттан 3-4 автор 2-3-түү айымньытын;
-
Билиҥҥи суруйааччылар Николай Якутскай Төлкө романын,Семен Данилов.Баал Хабырыыс, Иван Гоголев,Петр Тобуруокап,Сергей Васильев хоһоонноруттан уонна биирдии бөдөҥ айымньыны;
-
Софрон Данилов, Далан, Николай Лугинов айымньыларыттын биирдии романы эбэтэр сэһэни;
-
3-4 эдэр автор 1-2-лии айымньытын.
-
10-ча хоһоону уонна2-3 кэпсээнинэн айымньыттан быһа тардыыны өйтөн ааҕар;
-
классик суруйааччылар А.Е.Кулаковскай,А.И.Софронов,Н.Д.Неустроев.П.А.Ойуунускай олохторун,айар үлэлэрин толору,атын 3-4 суруйааччы олоҕун сүрүн түгэннэрин эбэтэр сорох айымньытын айыллыбыт историятын билэр;
-
үөрэппит айымньытын туһунан сүрүн эбэтэр утарыта сыанабылы билсиһэр,айымньыны өйдүүргэ ,ырытарга туһанар;
-
саха уус-уран литературата сайдыбыт сүрүн түһүмэхтэрин билэр;түһүмэх сүрүн уратытын,бэлиэ айымньыларын,олох хаамыытын,уларыйыытын кытта ситимнээн өйдүүр;
-
суруйааччы сатабылын,айар стилэ, тыла-өһө туох уратылааҕын болҕойор,өйдүүр;
-
литература үөрэҕин сүрүн өйдөбүллэрин,терминнэрин билэр,уус-уран айымньыны өйдүүргэ ырытарга туһанар;
-
автор олоҕу анааран көрөр өйө-санаата айымньытыгар көстөрүн,ол арыллар сүрүн ньыматын өйдүүр;
-
литература үөрэҕэр уонна критикатыгар тахсар үлэ сүрүн көрүҥүн (монография,ыстатыйа,.анаарыы(обзор),сыанабыл,реферат уо,д,а),уратытын арааран билэр.айымньыны сыныйан билэр,өйдүүргэ туттар,туһанар.
2.Үөрэнээччи тылын сайдыыта:
-
сахалыы ыраастык,ылбаҕайдык,санаатын сааһылаан саҥарар;
-
уус-уран айымньы көрүҥүн,стилин тутуһан хоһоонноохтук,уус-ураннык ааҕар,кэпсиир (сиьилии,талан,кылгатан, айан);
-
бүтүн айымньыны эбэтэр быһа тардыыны литература теориятын өйдөбүллэрин туһанан ырытар,сыаналыыр;
-
проблемнай тиэмэҕэ биир эбэтэр хас да айымньыга олоҕуран толкуйдаан,.тойонноон өйтөн суруйар;
-
аахпыт айымньыга.көрбүт киинэҕэ,спектакльга,.видио,телевизор киинэтигэр,ойуулуур-дьүһүннүүр искусство айымньытыгар о.д.а. бэйэтин санаатын,сыанабылын этэр,суруйар;
-
литература,публицистика тиэмэтигэр ыстатыйа ,очерк, репортаж,реферат суруйар,иһитиннэрии,дакылаат оҥорор;
-
литература,публицистика айымньытыгар аннотация оҥорор,литературнай-критическэй үлэни конспектыыр;
-
бэйэ суруйар үлэтигэр былаан,тезис,конспект оҥорор;эпиграбы,цитатаны сатаан туһанар;
-
литература олох уус-уран кэрэһитэ,туоһута буоларын учуоттаан,литература матырыйаалыфнан араас дьүүллэһиигэ,диспукка,конференцияҕа кыттар,бэйэ санаатын олохтоохтук дакаастаан этэргэ эрчиллэр;
-
норуот тылынан айымньытын стилинэн остуоруйаны,чабырҕаҕы,ырыаны,тойугу,оһуокайы айарга,толорорго холонор;
-
уус-уран литератупа стилин тутуһан араас көрүҥҥэ,жанрга айан холонор,суруйар;
-
литература тиэмэтигэр радионан,телевизорынан биэрии,биэчэр сценарийын суруйар.
Ытык өйдөбүллэри үөрэнээччигэ иҥэрии түмүгэ.
-
киһи сайдыылаах уонна ситиһиилээх буоларыгар төрөөбүт тылынан ааҕыы суолтатын өйдүүр;
-
уус-уран литератураны тылынан искусство ураты көрүҥүн быһыытынан сыаналыыр;
-
тулалыыр эйгэ туһунан билии-көрүүааҕыы көмөтүнэн кэҥиирин-дириҥиирин өйдүүр;
-
норуот айымньыта уонна уус-уран литературата саха төрүт олоҕун-дьаһаҕын,историятын.тылын-өһүн.култууратын көстүүтэ буоларын өйдүүр,сыаналыыр;
-
Саха сирин,Россия уонна аан дойду норуоттарын чулуу айымньыларын ааҕан,атын норуот култууратын,литературатын ытыктыыр;
-
үтүөнү-мөкүнү,сырдыгы-хараҥаны арааран,сиэри тутуһуу,амарах,аһыныгас,дьоҥҥо кыһамньылаах майгы үчүгэйгэ тиэрдэрин өйдүүр.
Кылаастарынан,тиэмэнэн үөрэтэр чааһы наардааһын.
Кылааһа
Тиэмэтэ
Чааһа
10
Саха литературата суол төрдүгэр.
15 чаас
Уус-уран литература олох тосту уларыйар күөнүгэр.
20 чаас
Саха литературатын уустара.
20 чаас
Саха суруйааччыларын олоҕо суох буруйдааһын.
10 чаас
Хатылааһын.
2 чаас
Олохтоох автор айымньытын үөрэтии
2 чаас
Саҥа бэчээттэммит кинигэлэри билиһиннэрии.
1 чаас
11
Саха литературата Аҕа дойду сэриитин кэмигэр.
14 чаас
Уустук кэм литературата.
16 чаас
Саха билиҥҥи литературата.
20 чаас
Саха литературата саҥа кэм кирбиитигэр 1986-1990сс.
9 чаас
Хатылааһын.
2 чаас
Олохтоох автор айымньытын үөрэтии
2 чаас
Үөрэтэр кылааһым ураты өрүтэ.
11 кылааска 21оҕо үөрэнэр. Тистяхов Саргылан академическай ааҕыыга сөбүлээн дьарыктаммыта. Лена Винокурова, Вика Халыева улуустааҕы саха тылын,литературатын олимпиадатыгар 9 кылаастан куруук бириистээх миэстэни ылаллар, хас да төгүл республикатааҕы супер-финал кыттыылаахтара. Бу кылаас бырайыактыыр уруоктары ордук сөбүлүүллэр, диспукка санааларын аһаҕастык этэргэ холоноллор.
Кылаастарынан оҕолор үлэлэрин тэрийии араастара.
11 кылаас
-
Бөлөҕүнэн,пааранан, тус туһаайыылаах дьарык.
-
Бэйэ соҕотоҕун эбэтэр коллективы кытта сэргэ үлэлээһинин тэрийии
-
Бэриллибит схеманан айымньыны ырытыы,инсценировка,бырайыактааһын
-
Экскурсиялар ,өйгө үөрэтии,өйтөн суруйуулар,рефераттар
-
Тургутуктар.
Үөрэнээччи билиитин бэрэбиэркэлиир,хонтуруоллуур үлэлэр көрүҥнэрэ.
-
Күннээҕи хатылыыр сорудахтар, тиэмэни түмүктүүр семинар уруоктар, анал тиэмэҕэ диспуттар.
-
Чиэппэрдээҕи хатылыыр үлэлэр,тургутуктар,литературнай диктаннар.
-
Бырайыактыыр улэлэр,сыл аҥарынан ,сыл түмүгүнэн хонтуруоллуур үлэлэр,тургутуктар
10-11 кылаастары саха литературатыгар үөрэтиигэ туттуллар литература
Учебниктар:
-
Саха литературата,10 кылаас,Е.М.Поликарпова,В.С.Яковлев-Далан,"Бичик",2009с.
-
Саха литературата,10 кылаас,П.В.Максимова,Н.Н.Тобуруокап,Н.И.Филиппова "Бичик" 2006с.
-
Саха литературата,11 кылаас,Н.И.Филиппова,М.М.Попова,"Бичик» 2000с,
-
Саха литературата,11 кылаас,Н.И.Филиппова,П.ВМаксимова ,Н.Н.Тобуруокап,»Бичик»,2006с,
-
Литература кэрэһиттэрэ,10-11 кылаастар,У.М.Флегонтова,"Бичик",2006с.
Методическай литературалар ,эбии туһаныллар матырыйааллар:
-
Писатели земли олонхо, Д.В.Кириллин, В.Н.Павлова, С.Д.Шевков,Бичик, 2000с.
-
Саха литературатын 9 кылааска үөрэтии, И.Н.Рожин, Я, 1985с.
-
Аман өс, Н.И.Филиппова, М.Т.Гоголева, Бичик,1994с.
-
Саха тылыгар уонно литературатыгар тирэх бэлиэлэри туһаныы, В.В.Скрябин Я,1993с..
-
Хоһоонноохтук ааҕыы, Е.М.Поликарпова, Я, 1992с..
-
Саха оскуолатыгар уус-уран литератураны үөрэтии туһунан санаалар, Н.И.Бугаев, Бичик, 1998с.
-
Саха литературата үйэлэр кирбиилэригэр, В.Б.Окорокова, Бичик, 2000с.
-
Литература теорията, В.Б.Окорокова, Бичик, 2000.
-
Саха литературатын уонна культуратын билиэн-көрүөн баҕалаахтарга, Дь.2000с.
-
Саха литературатыгар тургутуктар В.Б.Окорокова, С.Г.Олесова, Дь.2010с.
Хаһыаттар. Сурунааллар:
-
Саха сирэ. 1. Чолбон
-
Кэскил. 2. Күрүлгэн.
-
Кыым. 3. Хатан.